【<3】36歲楊怡趕生B 與羅仲謙現身倫敦影婚紗相

matthew1990

2012年因為拍《On Call 36小時II》撻着姊弟戀，楊怡同羅仲謙呢pair，由地下情慢慢走上地面，去年12月，兩口子更十指緊扣出席胡杏兒婚宴，大方回應周刊報道指兩人今年三月結婚傳聞，謙謙大玩神秘謂:「要發生就自然就會發生，不過總之如果結婚，唔會好似雜誌所講咁神秘，會通知大家。」而楊怡就暗示唔會搶花球:「對鞋太高，搶唔到，可能派佢去搶，又可能有好多姊妹都需要。」準新娘心意已定喇。

其實之前每次講到婚事，楊怡同謙謙都係笑笑口耍太極，都係嗰句:「適當時會講」，不過謙謙亦講過話係計劃中，依家積極工作，賺錢買樓。今年一月，謙謙於訪問中說:「老實講，今年8月我32歲，話細唔細，再加上我喺圍村大，所以由細到大家庭觀念都好重，好細個就知道人生嘅方向大概係點，搵份穩定嘅工，儲積蓄，結婚，生兒育女，跟住退休。」

至於婚禮形式，謙謙就謂：「藝人結婚唔係私人party，係大眾party，我亦會公開講，因為我想得到傳媒祝福，真係到嗰日，我會邀請你哋嚟，你敬我一尺，我敬你一丈。」呢一日即係幾時呢？「真正時間表，其實全部都已經喺我個腦度，好似砌圖咁拼湊緊。」




36歲嘅楊怡，同31歲男友羅仲謙，由2011年因拍《On Call 36小時》撻着姊弟戀，轉眼拍拖近四年，兩人近一年來頻傳婚訊。去年12月，有報道指因為楊怡唔想做高齡產婦，故兩人決定今年三月喺泰國結婚，做猴年新娘。揀泰國係因為羅仲謙鍾意陽光與海灘。

據本報收到的消息，原來兩口子唔係三月結婚，而係三月影婚紗相，地點係倫敦！恭喜恭喜！恭喜準羅生羅太呀！
楊怡同郭晉安主演嘅新劇《末代卿醫》上映在即，要開始宣傳，但奇就奇在楊怡遲遲都唔肯俾期，只係答應俾下星期一(28號)一日；至於謙謙，亦不約而同喺呢段期間請假，原來兩口子依家身在倫敦，影緊婚紗相喇！不過本報收到風，楊怡同謙謙依家只係訂婚，返港之後先至擇日註冊同擺酒。本報今晨致電兩人求證，不過兩人都熄咗電話。

其實自從去年楊怡失落視后之後，已有傳佢對於留喺無綫發展感意興闌珊，加上公司依家擺明力捧網民一致公認煩膠嘅蔡思貝、陳凱琳、朱千雪、李佳芯等人，眼見胡定欣只擔正一劇都可以封視后，受捧到出面，令一心想生B組織家庭嘅楊怡更加下定決心，唔續約大台、嫁人去也，故遲遲未同無綫傾續約。

今年2月，又有周刊拍得楊怡到荃灣龍母廟摸龍床求子，似乎楊怡真係已經疊埋心水，實行猴年生仔結婚同步進行，為自言思想傳統嘅謙謙繼後香燈。
恭喜恭喜！  

楊怡同羅仲謙這一對今次選擇去倫敦影婚紗相，據知原來係謙謙嘅idea。2013年，謙謙隨《衝上雲霄2》拍攝大隊去當地取景，雖然得一日戲，但謙謙卻在此行中深深愛上當地歐陸式嘅教堂，故與楊怡選在當地影婚紗相。

賴爽

喜訊 快啲結婚兩個一齊息影

完全唔想再係任何地方見到呢兩個人

hinz

藝人結婚唔係私人party，係大眾party

tom

支持佢地結婚之後息影

RVHOCPC

我真係恭喜佢地呀

JasOh103

個post係咪開俾我睇

太多感想啦, 不過都係祝福一句
睇到新聞好安樂

kayzzz

個post係咪開俾我睇

太多感想啦, 不過都係祝福一句
睇到新聞好安樂 ...
JasOh103 發表於 2016-3-25 16:59

    初頭以為個po你開嘅

bagfgfcde

其實上次車震之後仲以為佢地私下會散

阿mark

去年就算唔俾胡視後，都未輪到佢啦

alexleung

好想瘋狂俾大波謙打到屁股開花

HeithWong

唔係阿fa

matthew1990

個post係咪開俾我睇

太多感想啦, 不過都係祝福一句
睇到新聞好安樂 ...
JasOh103 發表於 2016-3-25 16:59

係啦

matthew1990

【獨家有相】楊怡羅仲謙本月22號英國古堡註咗冊！

恭喜恭喜！恭喜恭喜！恭喜羅生羅太！原來楊怡同羅仲謙，喺3月22號，已經結咗婚喇！唔係訂婚，而係真係結咗婚！

本報獲得一張圖片，就係楊怡同羅仲謙喺22號當日，喺英國利茲普城堡(Leeds Castle)註冊嘅相。相中楊怡披上低V婚紗，羅仲謙則是一身白馬王子look，見證人分別是楊怡的母親，及應是羅仲謙的父親。

相片攝於禮成之後，羅太左手握著丈夫，右手握著母親，頭稍稍傾向謙謙那方。而謙謙則挺直條腰影相，似乎有點緊張。
順帶一提，謙謙爸爸個look，真係好靚仔好後生呀!

祝福一對新人，白頭到老，永遠幸福！恭喜恭喜！

kwanie

恭喜恭喜！恭喜恭喜！恭喜羅生羅太！原來楊怡同羅仲謙，喺3月22號，已經結咗婚喇！唔係訂婚，而係真係 ...
matthew1990 發表於 25/3/2016 19:39

oh 事情進展得貢快

Cklababyk

好想瘋狂俾大波謙打到屁股開花
alexleung 發表於 2016-3-25 18:33

腐穎呢條沙灘比著我都想打佢幾巴

HOTMAN

羅生父子一樣樣lol

JasOh103

原來結埋!!!
羅生 你要好好咁對羅太呀 我將個人交俾你架啦

兩個好姐妹都有劇上先來結

Kyle_

以前成日丁羅生, 而家唔知點解就眼尾都唔想見到佢
佢兩個快D息影生B組織家庭啦

mamakin

好想瘋狂俾大波謙打到屁股開花
alexleung 發表於 2016-3-25 18:33

點解個窗唔爆

JasOh103

係啦
matthew1990 發表於 2016-3-25 19:39

偶像嫁人了, 新郎不是我
點算

kayzzz

偶像嫁人了, 新郎不是我
點算
JasOh103 發表於 2016-3-25 20:57

   你近排屢受打擊

JasOh103

你近排屢受打擊
kayzzz 發表於 2016-3-25 21:02

一個月內兩單
無啦無啦 一個二個拋低我一個

不過呢個好d, 至少嫁俾個順眼d

jose

我真係恭喜哂呢對新人啊

rubylovessss

Theresa都希望佢地幸福快樂

36歲嘅楊怡同31歲男友羅仲謙呢Pair姊弟戀終於開花，今日本報收到消息佢兩個去咗倫敦影婚紗相，準備定做羅生羅太喇！

羅仲謙嘅舊愛傅穎，喺11年承認同羅仲謙曾經拍拖兼分手，事後Theresa坦言曾遭暴力對待，不過講到底都係咁多年前嘅事，所以今日Theresa接受《蘋果》訪問，對於舊愛羅仲謙同楊怡到倫敦影婚紗相一事，佢話：「恭喜他們！希望每個人都幸福快樂！」

Our_Souvenir

腐穎呢條沙灘比著我都想打佢幾巴
Cklababyk 發表於 2016-3-25 19:59

   

rubylovessss

腐穎呢條沙灘比著我都想打佢幾巴
Cklababyk 發表於 2016-3-25 19:59

唔好用暴力

Our_Souvenir 發表於 2016-3-25 23:08

   呢張相同佢地結婚關咩事

harryharry

唔好用暴力




   呢張相同佢地結婚關咩事
rubylovessss 發表於 2016-3-25 23:29

   佢根本唔識尊重人!!!!!!!

-Prince-

恭喜哂兩位

nicholashin

其實對呢pair真係零感覺 恭喜佢哋啦

以前成日丁羅生, 而家唔知點解就眼尾都唔想見到佢
佢兩個快D息影生B組織家庭啦 ...
Kyle_ 發表於 2016-3-25 20:17

係咪佢有情人就對佢無咗興趣

KyleHo

好正啊 羅仲謙老竇

Our_Souvenir

唔好用暴力




   呢張相同佢地結婚關咩事
rubylovessss 發表於 2016-3-25 23:29

   
冇呀 佢講起腐穎我就諗起佢著泳褲

Our_Souvenir

佢根本唔識尊重人!!!!!!!
harryharry 發表於 2016-3-25 23:57

   
美腐笑得好開心嘎

我真係尊重佢嘎

Our_Souvenir

好正啊 羅仲謙老竇
KyleHo 發表於 2016-3-26 11:47

   
咁你都岩? 食得唔好嘥?

mamakin

Our_Souvenir 發表於 2016-3-25 23:08

點解唔著打底褲
因為屋企得泳褲 ?

btw 估唔到呢一pair結得成

matthew1990

你近排屢受打擊
kayzzz 發表於 2016-3-25 21:02

好慘啊

Our_Souvenir

點解唔著打底褲
因為屋企得泳褲 ?

btw 估唔到呢一pair結得成 ...
mamakin 發表於 2016-3-26 20:28

   
傅穎自封打底王


30.07.2008 12:48

傅穎(Theresa)的新碟《Smiling》錄得一萬五千張的白金數字銷量紀錄，開心不已的Theresa更自掏腰包筵開三席與一班工作人員祝捷。Theresa表示這張人生中的第一張金唱片多得一班圈中好友的鼎力支持，她說：「昨晚仍有少許忐忑，不是馬上就睡得好。我知道很多朋友都有買這張唱片，Miki買了，關智斌買了、何韻詩買了……很多人都有買。」適逢昨天老闆Paco生日，Theresa與Miki齊齊合伙買了一支4位數字的洋酒賀Paco。

對於日前出席活動時被強風吹起裙子，即被傳媒拍下「走光」照並刊登頭版，她大嘆無奈，指被拍到的是「打底褲」而非內褲，她澄清說：「我出名『打底王』，無可能不穿『打底褲』，而且他們將相片刻意放大，我覺得很不雅。」

JasOh103

救命又拖手又kiss又我太太
四年第一次咁高調
隻戒指閃到爆

JasOh103

楊怡同謙仔步出閘口後，由於現場太多傳媒，所以二人擾攘了一輪才開始到訪問。問到求婚細節，二人笑言想保留浪漫空間，阿怡表示：「係今年求婚。（即時應承？）唔好講。（收幾卡鑽戒？）呢啲嘢我唔係好識，幾卡唔重要，都睇到佢心意。（事先知對方求婚？）唔知！（有冇喊？）有嘅」謙謙聞言則笑謂：「畀佢知到咪好失敗！」

二人又透露將會安排婚宴：「嚟緊會喺香港籌備，會擺酒同大家分享。（幾時擺？）未定。（返圍村擺？）唔會。」
問到歐洲之旅是否即興，謙仔表示：「又唔係話即興嘅。」楊怡即接話：「我哋係一家人去旅行，想畀大家家人認識，去到咁靚嘅地方，想有一個完美嘅回憶。（家姐楊卓娜踢爆唔開心？）結婚係開心事，唔好講踢爆，都打算畀大家知，返嚟諗住會講，一定會講嘅，估唔到大家早咗知道，呢個預料唔到。」
問到是否因有咗而趕秘婚？阿怡笑說：「未呀，咁爆？我今日條腰得22吋。（過去影結婚相定註冊？）兩樣做晒。」
問到是否英國註冊，謙仔再冧爆接話：「其實想畀太太有個好好嘅回憶。」問到楊怡習慣被叫羅太未，她說：「唔慣呀，要擰轉面。大家唔好咁嗌我！（婚禮有咩愛的宣言？）講英文㗎，甩甩漏漏咁咯！」

年頭已預結婚問到是否隱瞞公司秘婚？謙謙說：「第一時間喺年頭已經同咗老闆講會結婚，結婚係開心事，收到好多短訊祝福，我哋都唔敢回覆住，想返嚟一次過講，唔想大家有猜測，大家都知做呢行，消息未必真確，想返嚟係鏡頭前多謝佢哋。我哋相處都有好幾年，結婚係大家意料中事，都想能夠快啲拉埋天窗。」
問到楊怡有冇向無綫報備，楊怡說：「始終開心事，唔存在咩解畫。」 談到阿怡被指不續約無綫，她表示：「仲傾緊。（成數大？）我好肯定今年會擺酒！（唔續約生B？）唔係，冇咁快，我其實唔係好急啫。」問謙謙是否想盡快生B，他笑說：「太太都唔急，我急咩呢？」問到有冇傾過相關話題：「呢啲係好順其自然既事，一切隨緣。」仲笑言自己年紀唔算大。
談到謙謙將返大陸宣傳新片，問新婚的阿怡會否做「跟得夫人」？她說：「我嚟緊都會做嘢，要做宣傳，仲有啲工作傾談中，有幾部大陸劇都想接，如果有時間都會去探吓，可以名正言順去探佢。」謙仔即笑言都好期待楊怡探班。問到要守這個秘密是否很辛苦，楊怡笑言：「其實都唔係咩秘密，我哋只不過好低調去處理所有事。其實又唔係好驚爆，因為我哋相處都幾年咯，都係意料中事。（有場內流出？）係咯，要檢討吓，咁事事冇完美嘅，呢件係一件開心事，收到好多朋友祝福，好可惜回唔晒（啲MESSAGE）。」

問到是否已同居？）係呀，所以大家唔使跟我喇！我希望我哋有全新環境」
問到有冇愛的宣言：「講英文，太長，甩甩漏漏唔好喇。（最中POINT嗰句）IG淨係FOLLOW佢一個都夠啦。」楊怡又笑言傳媒唔講唔知。
問到在城堡註冊計劃多久，謙仔說：「有幸運成份，其實城堡揀咗好幾個，但因為配合時間同驚天氣唔好，所以揀呢個係意料之外，後尾係好彩揀到。（呢個地方有咩回憶？）我揀係因為我鍾意古典氣息重嘅地方，我亦想太太好似公主咁出嫁。」楊怡聞言即表示多謝，記者再問楊怡是否自覺似公主，楊怡謂：「好好呀，天氣好好呀，同埋嗰邊有屋企人，可以一齊去...不過有樣嘢，呢個旅程將所有屋企人都矇騙，真係有一句話，叫願者上釣，我哋唔刻意...就算好親人都唔知我哋呢行目的，全部都係你嚟就嚟，去參與一個旅行，所以謙仔屋企人有啲冇去，我哋想保密。（一個圈中人都唔知）冇。」

再追問費用，二人異口同聲表示唔重要，謙仔再補充：「佢開心就ok。（一行幾多人？）十零個左右。」之後，兩位主角在現場多名記者擾攘下合照，二人起初表現好怕醜，之後記者起哄要求謙仔錫楊怡，楊怡露出甜笑，謙仔則一臉尷尬，之後二人在冇得揀嘅情況下做出親密表現，謙仔再終錫咗楊怡額頭兩吓，甜蜜滿瀉。

JasOh103

我最期待的畫面出現了
只妄想跟你去避世　風再急可捉緊你手

JasOh103

胡定欣nancywu
好靚，好甜，好感動 要永遠幸福快樂啊....羅先生羅太太
re: 定定，下一個就是你了，都要幸福

胡杏儿
哎喲，冧死人咩，恭喜曬恭喜曬，好替你地開心呀！！@楊怡TaviaYeung @羅仲謙
re: 謝謝杏兒,你也超幸福吖

@王浩信:
恭喜兩位！

黃智雯Mandy
魚仔洋蔥您們要永遠溫馨幸福甜蜜下去@羅仲謙

佘詩曼Charmaine
好靚恭喜晒！@楊怡TaviaYeung @羅仲謙 祝幸福快樂！

林夏薇
很替你們開心！祝福你們幸福快樂美滿！早生貴子！@楊怡TaviaYeung @羅仲謙

陳煒               
So sweet

胡蓓蔚
恭喜曬啊儍婆 太替你們高興了！

廖碧兒Bernice
Congratulations Tavia!! Such a beautiful couple in a beautiful moment...

JJ賈曉晨
恭喜好姐妹@楊怡TaviaYeung 同@羅仲謙 終成眷屬了！認識阿怡這麼多年！她真的是一位心地善良又美麗的姑娘！好開心這麼多年的戀愛修成正果！祝福你們！白頭到老！永結同心！早生貴子！（又多一位被我催生寶寶的好友了）大家一定要幸福幸福狠狠的幸福哦！

陳茵媺Aimee
Congratulations Tavia and Him! Wishing you both a lifetime of happiness and can't wait to see many more beautiful children being created.

Linda鍾嘉欣
怡怡謙謙!!! 等待了你们这个好消息一段时间...真的提你们好开心。 还记得拍唐心风暴的时候， 我们谈过谁会先结婚， 想什么时候结婚， 想要几多个小朋友等等...现在我们两个都是人妻了   祝你们幸福快乐， 永远在一起， 风雨不改

陈法拉
你也嫁人了，我还有谁可以娶呢？

matthew1990

跟老公轉戰內地 楊怡棄TVB搵人仔 睇實羅仲謙



上周五本報獨家踢爆楊怡與羅仲謙，齊齊瞞公司秘密飛往英國肯特郡利茲普城堡（Leeds Castle）註冊結婚，兩人前日下午手拖手甜蜜返港，楊怡戴了大大粒閃爆鑽石，應傳媒要求在機場錫完再錫晒恩愛，被問到是否不續約為了趕生B，楊怡表示生B會順其自然，但沒有正面回答是否續約，原來她與無綫的合約至本月底完結，即距離現在只有兩天。

近年TVB出現花旦荒，不少花旦嫁人後陸續離巢，楊怡於2012年雖然揮底鍾嘉欣封視后，但有感近兩年公司改朝換代，即使她向來無黨無派，但隨着余詠珊掌權捧昔日合作的有線藝人，楊怡有感不被重用，加上老公謙謙獲公司星皓力捧，未來日子大多數時間都會留在內地開工，楊怡終決定嫁雞隨雞，約滿後隨謙謙返內地搵食。

據知為力挽楊怡續約無綫亦出盡法寶，先後派樂易玲、余詠珊及杜之克游說，知她希望打開內地市場，即以4月開拍的內地劇給她擔正作餌，希望她肯續約5年，但楊怡並未心軟答應留低。昨日楊怡出席活動時再被追問與至後日續約有何進展？她最初說︰「仲有啲細節，o依家冇一個答案，但去到邊對TVB個心冇變。」但接着她再補充：「唔理以後喺唔喺TVB，呢個圈好細，總有一日會再合作。」即曲線承認會跟無綫講拜拜。

問她是否會返內地發展兼陪老公做跟得夫人，楊怡笑說︰「去內地發展對藝人係好事，可以多方面發展，喺內地發展都好㗎，可以打開內地市場嘛，我冇工開嘅時候都會去探班，可以睇吓自己覺得喺嗰度開工有冇問題。」而事實上，謙謙下月便會去北京為他擔正的電影《泡沫之夏》做內地巡迴宣傳，稍後好大機會接拍在北京拍攝、由寰亞投資、梁家樹監製嘅網劇《無間道》，如果事成就會於5月開工，所以楊怡約滿後便可全程黐住老公享受新婚生活。

另外，楊怡又透露返港後被同事追問為何沒有派餅，她笑言：「一定會派，只係未準備好，擺酒預計喺今年年尾。始終係人生重要時刻，想揀個好地方，唔想草草了事。」她又表示會邀請圈中好友任姊妹團。問她可有被家人催生B？楊怡認為小朋友是天賜禮物，會順其自然，並不心急。至於，有傳與楊怡離巢後，會與前無綫經理人陳嘉莉合作組公司，嘉莉昨日接受本報電話訪問就否認會合作：「冇咁嘅事，阿怡仲同TVB傾緊合約。」

electric

跟老公轉戰內地 楊怡棄TVB搵人仔 睇實羅仲謙



上周五本報獨家踢爆楊怡與羅仲謙，齊齊瞞公司秘密飛往英國 ...
matthew1990 發表於 2016-3-29 14:21

    以為係坤哥tim

matthew1990

以為係坤哥tim
electric 發表於 2016-3-29 14:22

why?

JasOh103

又曬

CBY0710

其實車震完出曬名，楊怡唔結婚都無咩選擇
不過都系恭喜曬