網民嚴選10大最冇禮貌藝人 楊千嬅袁詠儀上榜

zxc

最近有網民於社交平台開Post，討論大家接觸過最唔親切或冇禮貌嘅藝人，一出Post就吸引過千個留言。竟然有勁多網民爆料分享自己嘅不快經驗，有啲真係估佢唔到

10. 陳百祥打網球出茅波
唔少網民都指陳百祥非常冇禮貌，有網民提及到自己曾經與陳百祥同譚詠麟打網球，但對方竟然出茅招；又有一次當網民向陳百祥打招呼時，對方竟然視而不見、直行直過，令網民們都非常失望。

9. 胡定欣未紅已經目中無人
無綫花旦胡定欣都榜上有名，有網民就話胡定欣同吳浩康拍拖時期開始就已經唔Nice，仲要經常黑口黑面：「胡定欣真人勁唔nice，佢又唔算係擺款，但感覺係生人勿近咁，長期黑口黑面」、「未紅已經目中無人」。

8. 李思捷推人入lift
平時形象輕佻嘅李思捷都被網民爆料，指曾經喺銅鑼灣遇到李思捷，不過當網民準備出lift嘅時候，就被李思捷推返入去。唔少網民聽到爆料後都深有同感，仲話自己都曾經被李思捷當街睥過：「咁唔怪得全香港嘅人，有三份二都咁憎呢條友啦」、「喺element見過佢同南妹！佢個樣勁X，都係睥睥糞」、「睇咁多留言都抱有懷疑 但呢條友真係隔住電視都feel到衰X格」。

7. 李丞責私下句句粗口
要數到令人最意外嘅藝人就一定係玄學師傅李丞責，平時形象官仔骨骨、斯斯文文嘅李丞責，網民竟然大爆佢私下句句都有粗口，仲有網民話喺工作上曾經接觸過李丞責：「工作上接觸過佢真人，我同幾個同事話呢條神棍好X串」。

6. 陳法拉大牌鬧爆職員
陳法拉都被網民投訴指佢剛開始成名時已經非常大牌，唔少網民都留言表示認同：「十幾年前佢啱啱有人識嗰陣，當時我做緊零售業，未開門嘅時候佢就拍閘要入嚟，仲質問我哋夠鐘點解仲唔開門，然後行入嚟攞咗買咗一盒眼睫毛，極之冇禮貌真係以為自己係老闆。」

5. 王浩信串楊秀惠發音唔準
近年頻頻都太太陳自瑤鬧婚變嘅王浩信形象一向不太好，今次仲被網民大爆曾經於楊秀惠背後串對方發音唔標準，態度非常惡劣：「王浩信，本身對哩個人都冇乜好感。多年前我喺neway做receptionist，見佢喺lobby搞event，同場仲有楊秀惠喺K房練緊歌。但姓王嗰個就喺人後串人唱歌發音唔標準，模仿人唱歌(惡意嗰隻)，覺得佢極冇品！自己唱歌都唔紅，憑咩笑人哋！」

4. 楊千嬅出名黑口黑面再上榜
被封為「負評王」的楊千嬅被多位網民點名，網民指：「楊千fa一定第一位，塊面一直望上天唔望人，塊面又黑又臭」。早前仲有網民大爆楊千嬅係孤獨精永遠一個人shopping。

3. 王祖藍串爆拒絕網民合照要求
近年北上發展嘅王祖藍雖然以搞笑形象示人，但網民就話佢現實中一啲都唔好人，指自己上前問王祖藍合照嘅時候，曾經被對方無禮拒絕：「串到爆，有次入電視城做嘢，朋友都識佢嘅，口痕咁問佢影相，佢即刻藐嘴話 『唔得閒喎！』其實佢係得閒嘅，我哋知佢當時唔係開緊工，佢係周圍行緊。

2. 細細粒真人扮晒嘢兼勁串
細細粒陳嘉佳近年在內地發展，拍吃播賺到盤滿缽滿。雖然細細粒係鏡頭前成個開心果敢，但網民就留言指細細粒真人扮曬嘢，冇禮貌之餘仲要好串：「我見佢一次都係勁冇禮貌勁串」、「喺皇崗撞過佢真係當正自己係一粒發光嘅巨星咁 以為人地望緊佢，睥你啤到你慌」等。

1. 袁詠儀怒睥途人被指最臭串
袁詠儀被爆無禮貌同難以近人已經唔係新鮮事，今次亦成功榮登「10大最冇禮貌藝人」榜首。大部分網民都指袁詠儀經常表錯情，明明網民係想上前同張智霖合照，但袁詠儀就會誤會想同自己合照而急急腳走人加怒月十途人，搞到網民們都好無奈！





感想：恭喜千千又上榜