之前黎明講過11點之後，因為「環境局」問題，所以會「靜音」，不過當過咗11點之後，現場當然唔單止冇靜音，就連細聲少少都冇，繼續大大聲開演唱會。但因為遲咗開騷，所以rundown都cut短咗，好似cut咗《我這樣愛你》、《愛比我重要》、《夜夜夢中見》。黎明在台上說:「我哋今日已經得到好好嘅回報，多謝上天，但係始終都有環保嘅管制，多謝大家多謝大家!」說畢，黎明在向四面台向觀眾鞠躬。唱完最後一首歌《夏日傾情》之後，黎明再謂：「我一定會做到比你哋每一個更堅強，多謝你哋。」又說:「放心慢慢長長歲月，我好記恩，我一定會回報番你哋。」之後各台下揮手，台下觀眾亦向佢揮手示意。當時有fans更走到台前，索性坐上台邊，望住黎明唱歌，保安已然無法阻止。演唱會至11時23分完騷，完騷時屏幕打出roller credit，不過觀眾都唔肯離開，大叫黎明encore，仲有唔少歌迷走晒出前台，現場保安為咗安全，用電筒照啲觀眾。有唔少fans企咗喺黎明嘅出入口位等佢出嚟。等咗5分鐘之後，大會作出廣播，話因為場地所限，所以今晚嘅表演已經完結，呼籲啲觀眾跟住保安員嘅指示離去，有好多fans仍企定定唔肯走。
夜夜夢中見 好正啊!
希望之後會唱番呢幾首!!  | 
發表於 2016-4-30 00:11
| 
發表於 2016-5-2 01:38
| 