RICKY 音樂推介頒獎禮 2014 (11/01 20:30)
第二年係呢個平台搞頒獎禮,當然就唔會咁HEA,
主題叫「第二次」就算 XD
回望2014,對我自己黎講,經歷過唔少高低起跌,
樂觀既我有時都會亂諗野,情緒變得十分低落,
幸好,屋企人同朋友一直一直係我身邊支持住我,
比力量我「跌倒,起身,再嚟過」,
到最後最後,我都可以好似以前咁,偶爾天然呆一下
而對香港黎講,兩個多月以黎既佔領運動,相信大家呢一世都唔會忘記,
全民一起舉傘,一起的撐,
面對住警棍,胡椒噴霧同埋催淚彈既攻擊,
我地都無畏無懼,「跌倒,起身,再嚟過」,
繼續撐住,保衛我地最愛既香港
湊巧,對於一班今年得到好成績既歌手黎講,
佢地既發展未必係一帆風順,
曾經都經歷過低潮期,好彩佢地無放棄到,
「跌倒,起身,再嚟過」,重回起跑線上,
完成呢一年既賽跑,最終登上呢個頒獎台
飛左上面既 INTRO 唔緊要,但下面呢段就一定要睇!
因為除左歌手有份參與之外,
CM會員,你地都好重要架,
要靠大家一人一票投選2014年既最佳MV,
候選名單就係下面 #2
最後一句,希望大家預留時間,
11/1 星期日晚 8 點半,
RICKY 音樂推介頒獎禮 2014,
睇下一眾歌手點樣「跌倒,起身,再嚟過」 |