本帖最後由 kevinlai1621 於 2018-12-23 20:28 編輯
CM metacritic 特約: kevinlai1621點評 聖誕賣大包, 一次過寫4隻
A TouchOf – 林奕匡 又黎扮大碟, 今年係爭議聲中, 派台歌唔多出眾下出碟, 好似無咩期望咁. 不過非派台都有驚喜嘅. 1st track 《榮辱戰爭》曲底其實都幾普通, 但編曲出到黎都生色不少, 起碼對比派台嘅一定帶出.《生之頌》派台嘅時候都講過其實幾悶, 雖然好想營造生命大地嘅感覺,但對比頌讚詩真係差好遠. 反而英文版就順好多, 可能中文字真係有影響掛, 而家真係一個一個字tun出黎咁. 《一世同學》都係曲不過不失而跑出, 不過今次(其實全隻碟都係), 聽得出把聲係放輕左, 但係同時感覺係lur左好多, 加上本身係鬼仔時, 其實有時真係會聽唔出佢唱咩. 《Hold You Tight》放一世同學後好啱feel, 歌詞曲風都一一呼應, 而且呢d輕快歌其實都幾適合佢唱, 不過都係個句, 唱唔到咁高音好心就唔好寫咁高.《沒有你還沒有你》除左chorus跑出外都無咩特別, 反而我覺得編曲有d亂tim, 同埋放呢個位有些少唔夾.《從世界到我家》聽得出係想玩野嘅, 不過歌詞唔係有Featuring其實成首歌唔會加分.《花灑下的歌》唔聽訪問真心會歸佢去情歌系列 (歌者演繹有時統統以情歌處理), 不過咁又翻去原點, 就係又係情歌. 整體上歌曲質素係有去到樽頸位, 因為真係普通左少少, 同埋佢把聲放輕後變相除左情歌外handle唔到其他歌. 碟嘅編排係ok嘅由世界觀走到自己. 5分
Curiosity– 洪嘉豪 呢個年頭新人出碟的確難, 仲收錄左未曝光嘅歌, 誠意十足. 5 首歌整體鋪排都唔錯, 先有輕鬆小品《半天空檔》, 個人認為已經係最好個首, 輕快曲風配上放輕嘅演繹, 令人煥然一新感覺. 接住《表情符號》問題開似浮現, 唔係話唔可以咬實字, 但真係唔係首首都可以咁做.自己都好少可俾快歌低分, 但呢首真係幾趕客. 未出場嘅歌,《龜兔之愛 係個人最愛, 有節奏得黎亦有故事係裡面. 《好奇殺死貓》搵擅長寫k 歌嘅larry, 但係佢d 歌某程度上要去到chorus 先入腦, 而呢個反差咁大變相首歌好易悶. 洪嘉豪嘅弱點某程度上係咬字, 呢個可能係佢天生問題, 所以一唱慢歌一拖就會聽落怪怪地.《掉進海的眼淚》就最明顯 作為新人明白大公司一定要盡試不同曲風, 不過係呢堆歌裡面可以搵到咩係適合, 咩唔適合已經好好. 5.5分 其實係合格嘅, 不過見新人俾多 0.5 同情分
meme – 曾樂彤 另一個新人, 不過4 首歌都已派台, 同嘉豪相反, 佢真係唔好亂扮少女唱快歌. 《單身旅遊日誌》都還好, 輕快曲風救番唔少, 當然佢嘅演繹都仲配合到.《青春、戀愛和意外》應該就係最好嘅歌, 普通得黎但又情緒到位. 不過k歌都唔係最剎食,《永生花》本身都可以係一首好歌, 但佢嘅演繹真係浪費左首歌,唔講live, 單係咁密嘅歌詞就已經變成喃嘸.最後《我我》少女歌真係嘔心, 知佢年紀仲細, 但係d扭音同埋老套編曲真係不了. // 新人係要試歌, 但係試到衣不稱身, 咁選歌真係好有問題. 又話者咁歌, 未有咁好功力, 唔好亂試. 3.5分
閃亮的青春 – 梁釗峰
作為C AllStar首位單飛, 其實對佢有好高期望, 覺得佢係唱得, 但係比較單一. 如何係自身局限打出一片天, 音樂底都好考功夫.
第一plug《月亮不代表我的心》可以話嚴重失手, 歌悶, 演繹又悶時, 真係可以唔駛聽. 第2 track《問題青年》曲好聽,
編曲都好有心思. 題材講青年都關佢事嘅, 變相演繹都到位.《若然冬天沒有花》講嘅聖誕愛情故事, 係呢個時候派台係perfect match, 成首歌都好有聖誕氣氛同埋冬日感, 以此包裝推出確係無懈可擊.《閃亮的青春》又係另一個愛情故事, 但係又同時係淒苦中搵多一點慰藉, 編曲應記一功.《我是樹蔭》點出普遍香港人唱國語歌問題, 就係咬字好係香港人, 同埋真係太密歌詞唔適合用國語演繹...
整張專輯或者都可以解讀為青年問題嘅,如果話係歌者嘅故事又未為適合,但至少見到歌者嘅唱作能力,可能都係另一條出路.
5分 合格. 不過不失 |