【就約滿無綫】林欣彤密謀外闖：諗清楚自己方向先

XYZZY

http://hk.apple.nextmedia.com/enews/realtime/20151006/54285218

無綫近年爆小生花旦逃亡潮，連親手捧出來嘅一班巨聲幫都陸續離開，先有劉威煌轉會、近日連羅孝勇都打算唔續約，「小巨肺」林欣彤（Mag）本月約滿都有意離開娘家，有周刊爆出佢拒絕續約無綫，同時又被唱片公司英皇掟入雪櫃，Mag決心跳槽。

Mag今日喺將軍澳錄影時，直認現階段要諗清楚未來方向。現年25歲嘅Mag喺2010年參加無綫歌唱節目《超級巨聲2》彈起，翌年簽約英皇，可是越撈越冇人氣，大前年壓力爆煲患上抑鬱症，近年雖病癒復工，但人氣大不如前，工作量亦少，有指Mag不滿遭投閒置散決定約滿無綫同英皇即向外闖，已有幾間公司密斟中，但佢有意加盟周柏豪同連詩雅所屬嘅Starz People，趁後生再發圍。　

Mag今日現身時，被追問轉會傳聞，佢話：「雜誌所講嘅轉會冇發生過，我o依家處於整頓自己時期，我想諗清楚自己想要乜嘢方向，任何決定係冇落實過。」Mag否認有同Starz People密斟，但就承認有其他公司接觸：「密斟就冇，但有啲人會打聽吓，我想諗清楚自己條路方向先，都有同TVB傾緊。」係咪嫌工作量低，不受重用？佢話：「又唔係，我發現入咗行，先發現做藝人嘅辛苦，job未必係成日必然，經理人有努力同我爭取，我都有唔少嘢做，只係我個人比較懶，好少發Instagram同facebook，都OK嘅。」Mag表示初出道時為鞏固地位不停爭取曝光，即使現在曝光率少了，但收入仍夠維生，佢話：「我收入養到屋企，兩隻狗、阿爸阿媽同細佬，都OK。」　

有指Mag除離開無綫，同時都會同英皇結束賓主關係，英皇高層吳雨今日喺電話中回應：「Mag份約係好快完，佢經理人係無綫，佢簽唔簽番英皇，由無綫決定，不過我哋合作咁耐，關係好好。」如果Mag離開無綫，英皇會加簽佢經理人合約嗎？吳雨表示：「等無綫方面同Mag明確啲先。」                                                                        


根據蘋果報道，Mag就黎約滿英皇喎...

XYZZY

點解mag 可以咁早完約？英皇唔係一簽簽好多年（成10年8年）？
edithli 發表於 6/10/2015 23:43

時光機...

http://hk.apple.nextmedia.com/entertainment/art/20110111/14855708
2011年1月11日
現年20歲的小巨肺林欣彤，出道短短三個月已成為各大唱片公司的力爭對象。據悉無綫本來肥水不流別人田，將林欣彤簽給 TVB Music，但經多番研究考慮後，決定以400萬4年身價將林欣彤簽給英皇唱片，成為林峯師妹，並在今個農曆新年後動筆簽約。

不過當時呢篇報道只係傳聞，仲未正式宣布入英皇

XYZZY

【on.cc 東網專訊】 歌手林欣彤（Mag）、方皓玟、馮允謙、劉威煌出席慈善活動，Mag透露已助養非洲一名小朋友多年，每年「兒子」都會寄一張近照給她：「大家都有書信來往，依家佢十幾歲，應該高過我好多。」

早前被爆離開娘家無綫及英皇的Mag，透露與兩家公司已約滿，現正在斟洽之中：「暫時傾緊，整頓自己，有同樂小姐（樂易玲）傾。呢段時間唔活躍，諗吓之後條路想點。（成數大？）冇話大唔大，不嬲同兩間公司合作成就好多。」

對於有傳她心灰意冷才決定離巢，她否認傳聞，並表示十分感恩兩家公司給予的機會。問到無綫可有加人工挽留？她坦言：「點都會加，因為當年簽約仲係讀緊書，Part time形式，所以人工點都有加到，OK嘅，我同佢哋講我要養屋企，佢哋都話『梗係啦』。」問是否首選續約無綫？她說：「首選係音樂，佢哋都有問到拍劇嗰啲，但只要配合到，畀更多人認識我音樂係我目標。」

另外，同場與Mag份屬老友的方皓玟表示得知對方自由身，問可會拉攏Mag到旗下的獨立公司？方皓玟笑言：「邊有得拉，我呢啲細公司，唔知佢睇唔睇得上眼，但我好欣賞佢，把聲好聽。同佢係好朋友，無論佢之後簽邊間，我都全心支持佢。」

問可有為Mag提供意見？她笑說：「邊有意見，自己都未搞得掂，姐姐唔會玩嘢，點條衰路畀佢，我反而要問返佢轉頭。」另外，已有三年多未有出碟的方皓玟透露正籌備新唱片，今次新碟曲詞由自己一手包辦。

http://hk.on.cc/hk/bkn/cnt/entertainment/20151025/bkn-20151025162712740-1025_00862_001.html

XYZZY

係咩 internal 頒獎禮? 係邊度睇到?
怪獸一族 發表於 3/11/2015 14:33

Instagram hashtag #林欣彤 吧