- 積分
- 3978
- 貢獻
- 136
- 參與
- 3842
|
本帖最後由 lblemon 於 2016-4-16 08:47 編輯
一些意見/觀察:
1. KAY 演唱比80分啦, 音色唔靚, 生仔前音色唱功都明顯好過而家. 而家D高音即使唱到都唔高質, 好似夾硬谷個音出黎.
2. 我用望遠鏡睇, 唱香女人果時件低胸歌衫着得好豐滿好誘惑, 意態撩人, 活色生香, 我係女人都覺得佢好索.
3. KAY媽跳舞一般啦, 節奏感不足, 反而個仔跳舞頗有天份, 唱歌(係咪佢唱)也不錯.
4. 換衫太密, 唱3隻就換衫, 換衫時間又長, 過場時台上有人表演還可以, 冇人表演時齋睇屏幕真係有D悶.
5. 個台設計得好, 又靚又睇得舒服; 音效就唔得啦, D音樂好嘈, 低音鬆散, 高音刺耳, 唱快歌時有D遮住歌聲.
6. Rundown帶動唔到氣氛, 快歌唔熱烈, 慢歌唔動人. 除左選曲/排序之外, 相信也與換衫太密有關. 我坐30行, 冇留意680 D人有冇起過身.
7. 無謂嘉賓太多, 覺得今晚只請juno已經夠. JUNO唱耿耿於懷亦明顯是全場最好氣氛的時間, 只有呢隻歌真正有大合唱. JUNO今晚LIVE意想不到地穩定. KAY唱羅生門也無大問題. 903果次真係災難級.
8. 雖然KAY表現不俗, 但個show整體我覺得只係一般, 唔算精彩, 街客可能會覺得悶. 而且, 制作上除左個台做得好之外, 視,聽,鋪排方面我覺得未夠紅館演唱會水平, 只係伊館/starhall水平. 例如佢只係用普通電子琴, 紅館水平我覺得應該要用三角琴或者裝飾過既電子琴。另外, 燈光變化亦很少。不過算啦, 開三面台而且票價相對便宜, 呢D野都係睇餸食飯。 |
|