網民最討厭的十大藝人吳若希: 拎唔到No.1被笑渣

本帖最後由 hinz 於 2015-12-11 20:22 編輯

【on.cc東網專訊】吳若希（Jinny）一身魚網裙裝出席網上平台舉辦的頒獎禮，大玩透視誘惑晒玉背，提到打扮性感，她笑說：「唔係，今日已經包得好多，平時Tube dress短裙咪仲性感，今日包多咗啦。」對於她日前自拍針灸拮肚照片，並上載到社交網，她說：「叫做腹針，因為呢排身體唔太好，可能過度做Gym，所以要睇中醫針灸。」
提到連針灸也自拍，難怪在「網民最討厭的十大藝人」打入第六位，Jinny笑言：「係呀，得唔得呀？因為畀人笑拎唔到第一位，得第六位，所以比較『渣』囉，其實好少會拎到第一。（拎過金曲金獎喎？）今年我反而睇好鄭俊弘嘅《揚帆》，同鍾嘉欣《一顆不變的心》，自己都好鍾意。」