John

榜名: SSN Chart
成立: 2007 年
自介: 除左話 2007 年開榜之外, 我諗最重要既介紹都係呢個榜既音樂取向...
　　 但音樂呢家野就好個人而且會變既, 我只能夠講, 我個榜既機制就只有「一首歌」同「派台歌」, 即係除左疊住之外, 每星期來自同一張唱片只會有一首歌上榜 (即係話, 如果一張碟同時有兩首 single 上榜, 其中一首下一個星期一定會唔見左), 同埋絕大多數上榜歌都係派左上電台既作品 (但有例外, 自 plug 作品包括傅穎既花吃了這女孩 Live, 鍾欣桐心多 Live 都好似上過榜, 而我最近打算自 plug 謝安琪專輯內其他歌曲)
　 　 除此以外, 我個榜既制度就係冇制度, 純我本人之好. 冠軍歌可以係流行如那誰囍帖街, 亦可以比較少人識如花訣大碟入面第二 plug 既蜜糖毒或者陳慧琳上張廣東一碟三冠等, 雖然陳偉霆就冇試過冠軍歌既. 而整體取向都係比較主流, 例如呢 5 年入面第一二名既歌曲分別係: 木紋(何韻詩), 東京鐵塔下 Gulugulu(有耳非文), Over the rainbow(at17), 浮花(劉美君), 向前走(藍奕邦), 地盡頭(關淑怡), 最好的(王菀之), 無忘花(林二汶), 火鳥(楊千嬅)同桂花釀(林一峰,黃馨).
　 　 還有甚麼介紹呢? 我個榜就星期五出榜既, 個榜同其他人一樣, 都係間中會 delay 出榜既, 但我都知做緊 903 專推個陣係星期六, 做緊短期租約個陣時呢就係星期日晚...個人而言, 我最鍾意既明星就係楊千嬅, 因為佢好靚女啦, 心口有粒墨啦, 唱歌好聽啦, 仲要係人妻. 呢段好廢 up feel tim.