返回列表 發帖
冰室啲成績好side下
係咪因為佢嗰陣被人鬧演唱會咪咀所以ban?
我一直勁中意冰室 ...
kenneth 發表於 2020-6-28 06:19


我都鍾意冰室,成績唔好應該係因為當時未續約正東,呢個亦都係佢聲勢下滑嘅轉捩點。

TOP

識睇mv要睇呢首tvb版
02年我重讀緊小學
好深印象年頭啲同學都重有啲會中意聽有福氣嘅
但係女歌手而言 ...
kenneth 發表於 2020-6-28 20:02



我理解同你有少少唔一樣。
02年Kelly開演唱會之前一直人氣都仲唔錯的,ASK嘅歌除咗有福氣外連side tracks都仲有好多人識,係一到咗演唱會後就立刻少咗好多曝光,隻碟仲要毫無包裝咁出,風頭即刻被千嬅蓋過,去到年尾竟然派咗情毒都唔派最佳位置就更加係冇得救。
千嬅02年係最勁,歌曲質量都算突出(雖然唔夠01年啲歌hit),上下半場gimmick仲搞到要炒,又有演唱會,年尾又出碟又有hit歌,基本上贏晒。
Joey嗰年先要沖淡掌摑梁思浩同教訓曾志偉嘅陰影,年頭又因為失聲要休養,整體人氣一般,抱抱都冇預期中hit,好在年尾有爭氣食糊。
Gigi我就唔覺得02年特別紅,其實佢01-02年都唔係最top,歌又唔係大hit(反而01年都有嫌棄,但我住7樓A派錯歌),從來都冇一種最紅嘅感覺。

TOP

本帖最後由 Serendipity 於 2020-7-1 03:31 編輯
其實陳慧琳歌唱事業我一直認為係飛天舞會做分水嶺
2002 年頭佢仲係好紅的
啲乜乜偶像選舉仲係排緊第一
同 ...
ricnature 發表於 2020-6-30 20:26



我同你睇法完全一致!真係唔覺得Gigi 02年紅過Kelly,就算Kelly聲勢下滑整年都仲係高過Gigi。我們的永遠完全唔覺得hit(隻歌旋律本身都麻麻,佢都唱得好勉強),我覺得派錯歌係揀咗呢隻而唔谷你救哪一個,反而你救哪一個而家變咗遺珠。年尾都要靠克勤高妹hit咗做返隻正傳爭奬先掂(港台仲要好尷尬地一個奬兩首歌分)。Gigi 99年算係佢第一個高峰,但比不上當年的Kelly同千嬅,不過國語市場佢算厲害,就算新鮮都好多人買,但因為佢同時要顧埋台灣市場香港人氣係唔夠Kelly千嬅keep得咁好。奪麵事件真係太可惜,只怪鄭伊健唔大方,我成日覺得林珊珊都係靠害。

02年唔覺得Twins紅過千嬅,因為Twins只係重點學生市場紅,上不了大台。年尾勁歌頒獎禮報紙冇嘢寫先話佢哋係千嬅勁敵,好夾硬。千嬅淨係紅館加電影都KO佢哋啦。

其實Kelly啲派歌點解咁奇怪,係因為我覺得正東啲人成日以為可根據以往成功方式照辦煮碗。99年都是你的錯改編歌hit得起,02年就諗住重施故技出她一定很愛你,放棄咗最佳位置,所以最後收晒皮。03年心服口服又係同一個道理,諗住記事本hit就改編自己首歌做廣東版,但遲咗5年都仲要改編十分騎呢。(就算專輯都係,99年出繼續愛我去希臘拍封套叫好叫座,03年出愛就去西班牙點知隻碟好滯銷)。跟住到06年又係咁,因為最佳位置坊間hit咗就派馮穎琪寫嘅一刀兩斷,其實同碟有啲更K嘅選擇(有血有淚、終於開竅)都唔要,直接導致勁歌十大都冇埋。

利申:Kelly同Gigi全部碟都有買

TOP

滿分!
一直認為plug 她一定很愛你、心服口服同埋一刀兩斷係佢歌唱事業最大污點
呢三首(尤其頭 ...
ricnature 發表於 2020-7-1 15:39


證明大家都係Kelly忠實歌迷!

之前有人提話Kelly啲碟冇乜可全loop,其實我覺得最好loop係Ask,真係唔會skip歌而且個style幾統一,其次繼續愛我同Stylish Index都唔錯,呢幾隻碟係做得幾好。其實Baby Cat啲快歌都好,係衰在首她一定很愛你。

TOP

本帖最後由 Serendipity 於 2020-7-17 00:26 編輯

回復 227# 釘釘


    咁我都認同,但Kelly一向喺娛樂圈都係不問世事型,又冇乜朋友,所以佢冇乜表態都唔會令人意外,佢私生活一向都好低調。不過佢有反過國教㗎咩?

美心或者係簽咗長約啦,唔係話斷就斷啩。

TOP

原來youtube有個kelly chen channel有好多佢d歌聽
electric 發表於 2020-7-16 00:03



    係呀,似乎佢團隊想同佢重建YouTube歌曲庫,不斷咁upload返佢啲舊MV,有啲我都冇乜睇過。

TOP

本帖最後由 Serendipity 於 2020-7-18 03:16 編輯
其實Kelly 2007年已經唱自由女神,不嬲行前人幾步
on07111 發表於 2020-7-17 22:08



經典值得重溫!!好在佢官方channel都有upload返呢隻MV,之前網上個版本好矇

TOP

睇隔離嬋嬋個post見到大家講Kelly
我都好想好想佢會唱一次替換

叫Mark Lui做個MK D ...
masterdragon 發表於 2020-12-3 23:00



啱啱年尾Kelly又出現宣傳Shiseido了,唔知佢最近冇商演會唔會擺多啲時間做歌?
其實我對佢嗰啲這班人/天生戀愛狂感覺麻麻,如果唱dance medley我想佢唱吓幸福灰塵、想當你親人、千手千尋、等不到的人呢啲,不過可能性近乎零... 大路啲Shake Shake同星期五檔案佢都好少唱,下次紅館應該轉吓歌

TOP

返回列表