- 積分
- 9704
- 貢獻
- 1121
- 參與
- 8583
|
由中居正廣、木村拓哉、香取慎吾、草(弓剪)剛同稻垣吾郎組成嘅日本國民級組合SMAP今日凌晨宣佈解散,哈日族杜如風、多媒體創作人健吾、王友良同日本達人鄭家輝異口同聲覺得可惜。
杜如風今日接受《蘋果》電話訪問時話:「佢哋係我青春期超級偶像,當年為木村學日文,諗住嫁畀佢,好少尊尼事務所嘅藝人可以咁長壽,紅十幾年,SMAP真係根深蒂固。」杜如風指四人近年都有個人發展,但相信天下無不散之筵席,佢期待將來SMAP好似溫拿一樣重組開騷。
健吾就話一早預咗有呢一日:「佢哋咁多年發展都現疲態,我好多年前都預咗有呢一日。」健吾最擔心係SMAP會令後輩造成延續影響,佢亦唔認同韓風近年冚過日本文化:「佢哋唔係競爭關係,兩個巿場。」
至於王友良仍然唔相信SMAP拆夥:「噚晚睇到新聞我好震驚,我係呢個節目粉絲,最留意木村。」而鄭家輝大讚SMAP喺文化上帶來深遠影響:「好少可以紅咁耐,大家都估唔到佢哋咁樣落幕,呢個結局好神奇。」鄭家輝仲話呢個絕對係亞洲大新聞。
D會員係咪因為木村而學日文 |
|