- 積分
- 9899
- 貢獻
- 293
- 參與
- 9601
|
日本女歌手西野加奈近年喺J-pop界獨當一面,佢嘅情歌喺日本大行其道,由上位時嘅激情K歌,到呢兩年轉曲風硬銷甜蜜歌路,令西野加奈成為東洋戀愛教主,早前一項針對20代及30代嘅女性投票選出心目中嘅「情歌天后」,西野加奈打敗一眾前輩級女歌手成為冠軍,aiko同濱崎步都屈居亞軍及季軍,而吉田美和、JUJU、宇多田光、倖田來未、加藤Miliyah、MISIA、AI都順序打入十大。
西野加奈最新單曲《喜歡你的理由》又係例牌高踞銷量榜及下載榜,仲連續兩星期都亮相直播節目《Music Station》。西野加奈噚日都以最佳狀態現身,不過佢初入行時,曾經被指係樂壇豬扒,佢近年成功減肥,亦相當注重健康,上年加奈就好權威咁話食咖喱能預防感冒,仲話:「10年來都冇感冒,我認為是多得咖喱!」至於加奈點解可以越變越索,除咗勤力跑步做運動外,佢原來有自己一套嘅減肥法;第一:正餐以外禁吃零食、第二:半日唔食嘢,即係黃昏6點後不准進食、第三:乳酪、蔬菜、橄欖油有助通便,飲食時盡量無糖,佢又會通過食纖體酵素食品來消耗過剩脂肪,令加奈喺一個月內嘅體重由125磅減到110磅,足足減咗15磅!不過,加奈提供嘅減肥法係咪健康同埋有效,咁就真係見仁見智。
若果 Kary 係日本發展就好。。 |
|