【娛樂圈二代】陳少琪囡囡翻唱日文歌準備加入樂壇

back number係乜？咪就係近年走紅J-pop界嘅一隊三人樂隊囉！back number早前為山下智久主演嘅富士電視台劇集《朝5晚9》唱出主題曲《Christmas Song》，雖然只佔oricon銷售榜亞軍，但就高踞當地下載榜嘅No.1，而日本電台TOKYO FM日前公佈由32,875人選出嘅「2015年最深刻歌曲」，《Christmas Song》就以1,672票大熱稱冠，鍊贏其他hit歌，而西野加奈嘅《戀愛使用說明》就以1,213票排亞軍。其實back number已經組成超過10年，幾年前加盟環球唱片旗下先至成為主流樂隊，上年2月推出單曲《fish》打入銷量榜第4位之後，打後5支單曲都名列銷量十大，而今個月上架嘅全新專輯《Chandelier》，由於有收錄《Christmas Song》，帶挈唱片連續兩星期勇奪大碟榜冠軍，累積銷量高達22.6萬張。

《Christmas Song》於日本大熱，近日網上出現唔少翻唱版本，香港著名填詞人陳少琪與前港台DJ黃靄君嘅大女陳明憙（Jocelyn），日前都翻唱呢首大熱作，Jocelyn仲以一人樂隊用幾樣樂器自彈自唱，又自封山下智久夫人o添！據Jocelyn留言話：「看完《朝5晚9》之後覺得要用音樂來支持一下，就決定學好主題曲的所有樂器，做一人樂隊來翻唱一遍。希望大家喜歡！又幾個樂器我還是沒能真的彈好，但身為山下智久夫人，只是關於山P的，就什麼都可以學:P」其實Jocelyn正準備加入樂壇做歌星，身為爸爸嘅陳少琪，都有於facebook上轉貼呢段片支持囡囡。

[其他分享] (零難度) 如何自行製作伴奏音樂
http://www.cmusichart.com/discuz/viewthread.php?tid=22055&page=1&extra=#pid1902279