【#pickachill】《困獸都市》 -堅· 編曲俠嚮往自由

本帖最後由 Mr_Scanner 於 2016-6-19 23:40 編輯

【#pickachill】原本都諗住今個禮拜推介呢首歌，噚日林榮基突然現身爆料，呢首歌就更加應景。

Fabel 出道唔算太耐，簽公司後面世嘅歌唔超過十首（Isofeel 年代另計），但係已經攞過兩台冠軍，而每次出歌起碼對於我都會有啲期待，由鹽花、風吹草動，去到近期嘅夢花鏡影，每一首都會有唔同感覺帶到出嚟。

最新派咗首困獸都市，感覺都係新鮮嘅，但亦都係一貫Jimmy 嘅電子嘢，今次除咗Lolo 唱之外，亦都係繼自戀自在之後，再一次搵人合作，今次搵到香港出世、美國長大、上海搵食嘅al rocco 負責rap。

今次旋律偏向簡單，好明顯就係要你知編曲先係重點（所以我覺得jimmy先係編曲俠囉），嗰種電子唔係香港常見嘅曲風，一大陣歐美味（近期只係諗起有A2A 首 You Ain’t Coming Back），再加埋段英文rap 就夾到應一應喇。

歌詞都係夾慣夾熟嘅鍾銘熙，我一向佢嘅填詞功架有待改善，但呢個時候出到呢首歌，又真係非常合時，「誰不嚮往自由？誰不一身污垢？」。

P. S. 1 幾時先肯出碟呀？

P. S.2 會唔會出返Isofeel 年代首那夜凌晨？

https://m.facebook.com/story.php?story_fbid=969861326416524&substory_index=0&id=947186585350665

1 評分人數