【Wyman,你的心情怎麼了?】近排Wyman 幾首派台歌,其實都幾重負能量(雖然部分都有苦中作樂的「正能量」),包括之前推介過壞與更壞同史上最遠離家出走,最近Ivana 派嘅該死的快樂同周國賢嘅今生不回家,都延續住呢份陰沉。
該死的快樂表達方式係比較抽象,講嘅係快樂同不快樂之間嘅關係,到底為少少快樂承受大量嘅不快樂係咪值得?相信問得呢個問題嘅人,首先都承受咗唔少嘅不快樂先問得出。
今生不回家就更加直接,講緊嘅係好愛自己嘅家,但係不得不要去諗到底係咪仲要需要走,同史上最遠離家出走異曲同工。咁短時間之內有咁多首氣氛相近嘅作品派台,應該唔係偶然,某程度反映咗 Wyman 嘅真實情緒。 香港已經令你覺得唔適合再逗留嗎?你覺得鬱悶嗎?
唔知咁樣類比啱唔啱:近期 Wyman其實係有啲似村上春樹,跳出自己固有風格,作品多咗對時態好入世地評論,憂國憂民。當然村上專長係存在主義文學,Wyman 係流行情歌,但作風改變都係如出一轍。文人對於人同社會嘅刻劃能力,比起一般人強,所以並唔係識字(同埋識寫逗號)嘅人就係文人。Wyman 近期同樂迷討論呢啲話題,係咪就係履行自己筆下,近期經常被引伸使用一句「生於亂世 有種責任」?
https://m.facebook.com/story.php?story_fbid=990730340996289&substory_index=0&id=947186585350665
|