|
 
- 積分
- 1252
- 貢獻
- 422
- 參與
- 830
|
《講到許志安擔任嘉賓，他自爆親筆寫信邀請對方來：「因為我中文差，所以封信愈寫愈潦，寫咗四頁紙，其實好難寫，而且係要求對方嚟做嘉賓。（點解唔打電話而要寫信？）我冇佢電話，我係托個舊同事幫手。（咁佢寫番信覆你？）佢托個舊同事答覆。」
至於講到曾有人叫他轉公司，Jason坦言曾有兩、三間公司接觸過佢：「都係嗰幾間主要嘅唱片公司。（你有冇心郁郁？）冇，因為未去到有咩要傾之前，口頭上睇吓有冇興趣時我已經落咗閘，所以唔會去到下一步。（點解唔轉？）因為我花咗好多時間同佢哋由同事變做朋友，唔想冇咗呢段友誼，我做呢份工係生活一部分，我想生活可以開心滿足，而我滿足嘅方法就係同到鍾意嘅人一齊做嘢，唔係唔完全計較錢，但係足夠嘅。（同依家公司仲有幾耐約？）仲有好幾年。（之後會繼續續約？）會，除非我唔做呢行為止，如果有一日我唔做，但出番嚟我都係想簽番呢間公司。（咁長情？）係，飲水思源嘛，同埋我哋努力做呢件事，我嘅成果係應該同佢哋一齊分享。」》
呢個世代竟然仲有人寫信，點解可以咁可愛？
不如林生走啦咁，既然才華洋溢又大野心，何必屈就？想開紅館最好就係去環球，反正冇男歌手。 |
|
發表於 2016-9-29 13:56
| 
