本帖最後由 kayzzz 於 2017-2-3 01:26 編輯
「唔靚」、「醜樣」、「唔起眼」……
Kary承認曾經匿埋屋企喊過。
「有啲人會打擊我,講啲唔好聽嘅說話,最初會有唔開心,後來諗通了明白自己嘅賣點係唱歌,現在已經麻木晒,睇化晒。」 「Ping Pung真的幫了我很多,尤其個image令我增加不少信心,甚至現在個人發展,起碼人們都會覺得Kary上鏡好咗。」
Sell玉腿賣歌藝的吳雨霏是否天真,難講。
但十八廿二,貪靚,就一定。 喜歡Kary,或許是因為那與眾不同的氣質。
雖沒有Stephy的清純、Theresa的美貌、Miki的稚氣,卻有超凡歌藝。
四年前,在注重包裝多於實力的樂壇,Kary的內在「美」難被廣泛接受。
風水輪流轉,「M」字額側田成為05年度最受歡迎男新星,矇豬眼王菀之亦橫掃女新人獎項。 Kary亦乘勢發威,由Ping Pung走rock妹路線至現在個人發展玩絲襪誘惑騷長腿,人氣勁升之餘,連外貌亦順眼不少,自信心返晒嚟。 事實上,Ping Pung除讓外界把Kary納入實力派外,去年9月又快人一步,率先舉行處女音樂會,對於現今這個重視實力的樂壇來說,Kary可說是一匹黑馬。
「我自己對唱歌方面的確較有信心,不過我認為我的唱功跟其他實力派歌手還差一大截,尤其是近期的新人個個都好有實力,我不至於唱得好好,但若果人們覺得我是實力派,我也很高興。」 身邊人都說,Kary新碟好正。
我都覺。
就連平日唔多覺有聽歌的攝影師哥哥,看見我劈頭便說:「我買了Kary隻碟。」
然後直豎拇指。
跟Kary做訪問,她的表情轉變不大,甚至提及外表好睇咗,她也只是略略提高聲線,微笑和應。
直至訪問完畢,攝影師遞上Kary的處女碟要求簽名,看見她低頭滿足地笑着……
才明白女人就算怎樣有自信,始終渴望得到別人一句讚「美」。 |