John

身為潮州人的新鴻基尊尚資本管理高級董事黃仰芳（Fonia），從小便培養出慳錢習慣，並立志搵錢改善家人生活，但Fonia表示，要「錢」途無限，開拓收入來源才是不二法門。

事實上，Fonia揚言只會留數千元現金傍身，並用盡95%的資產去投資。「我會將財產劃分三等份，分別投資在物業、股票及基金。」她說，這個方法不但可以減低風險，亦毋須經常睇實個市，容易控制。

入行初初五年，Fonia過着朝九晚十一，連朋友也無法見的忙碌生活。直至一次遇到一位炒股好叻的人，讓她明白金錢不代表一切，如何運用賺回來的金錢去平衡生活，才算是理想人生。

「當時認識一位炒股好叻嘅客人，大學三年級已經退學，實行專注炒股，雖然喺股票市場上贏咗唔少，但三十幾歲人仲好似唔太識同人相處，我開始明白平衡生活比搵錢更重要。」

除了玩球類活動減壓，Fonia最愛周遊列國，一年至少要去六次旅行，足迹踏遍歐亞。去年，Fonia更豪花六十萬元，三個月內漫遊南美洲、法國、北海道及泰國等地方。「印象最深刻係參加巴西嘉年華，everywhere、 everytime都好似開緊派對咁，令我大開眼界！」能夠如此大手筆享樂，Fonia的生活，豈不羨煞所有打工仔？

http://the-sun.on.cc/cnt/finance/20130206/00436_092.html

同一個人黎

btw, 「黃仰芳是03年沙士後以230萬元買入將軍澳中心一單位」
其實係佢好彩，出世合時，食得正個浪，又因為「心中只有買樓」信念極強，所以敢係03年買樓
(但食完成個升浪都只係資產過千萬...作為投資人好似成績唔係咁理想)