返回列表 發帖

【ruby dont cry~】攀賭王千金得米 方力申何超蓮拍拖三個月

本帖最後由 matthew1990 於 2016-10-21 20:45 編輯

實力版主如何是好?



今年三月,方力申跟鄧麗欣宣布結束十年情,男方揚言曾努力箍煲求復合,亦多次淚灑人前,不過 Stephy表示自己的世界裡沒有童話,求去心意堅決。
分手唔夠半年, 36歲的小方已經攀上另一個世界,極速撻着細他十一年的賭王三房千金何超蓮。七月中,二人在好友 G.E.M.刻意扯線下,開始拍拖。
做了多年「點滴是生命」活動大使的小方,上週更孖住女友何超蓮飛尼泊爾山區做義工,朝夕相對,遠在他方戒心低,小方在機場對女友掃背、摸頸,仲一支水兩份飲,得米!


前後腳到

今個月七號,方力申跟「點滴是生命」另一位大使、女飛魚歐鎧淳一同出發到尼泊爾山區探訪,上機前,他還在 ig放了二人在機場合照。過往,小方亦試過孭住前度 Stephy上山做善事,但今年的女主角卻換上另一人,除了歐鎧淳,還有跟他前後腳飛去當地的何超蓮。
「小方跟《點滴》創辦人 Jackie合作咗一段長時間,之前三年,佢都提出搵埋 Stephy一齊做呢個活動,大家都好 friend,今年叫埋超蓮,亦係小方意思。不過成個行程最主要係起學校嗰 part,歐鎧淳做完十一號飛走,超蓮就十一號先由香港飛過去;佢哋喺喜馬拉雅山腳附近探訪貧民區,係額外加插嘅活動。」知情者說。




十一號飛尼泊爾,何超蓮同行還有另一女友,不過對方卻臨時有事先行走人。


甫抵達香港機場,小方跟何超蓮愈行愈遠,她的司機更早已在機場等候,幫她推行李車。





含情對望


一支水兩份飲


摸頸


摸得好舒服








何超蓮到尼泊爾做義工,刻意只放單人相,未有將二人合照放 ig。


新校建在尼泊爾山區,沿途都是樹木,十分落後。


過去連續三年,小方都係跟前度 Stephy擔任「點滴是生命」活動大使,今年卻換了人氣女飛魚歐鎧淳,二人幫手為新建學校外牆上髹漆。 超蓮第一次




本來答應做 Fomula E比賽嘉賓,但為要會合在尼泊爾的小方,她提前一日走人。

據了解,早已經答應出席香港舉辦首屆 Formula E賽事做嘉賓的何超蓮,並未有等整個比賽結束,已急不及待飛去尼泊爾會合小方。
以往出埠不是歐洲便是日本,超蓮為小方獻出尼泊爾第一次,更預先搵定朋友同行,不過朋友 Stephanie臨時有事要提早走人,但有男友全程傍住,就算在落後山區五日四夜瞓睡袋,何家千金亦十分 happy,甚至郁手跟當地人一起煮嘢食。


匿埋傾偈

十五號晚,二人做完義工隨大隊啟程返港,小方跟何超蓮幾乎形影不離,排隊等候安檢時,小方不避嫌細心打開水樽蓋遞給女友,更一支水,兩份飲。
之後,小方更忍唔住同女友有身體接觸,掃背摸頸,又扮 cute氹開心;二人更一度離隊五分鐘,匿埋一角,對住手機睇相傾偈。
翌日清晨五點,大隊返抵香港機場,小方幫戴住黑超的超蓮從行李帶攞起行李後,即有默契地愈行愈遠,各自推住行李車分頭離開。




小方近排跟何超蓮都愛做運動,他亦愛將操大隻相放上 ig。


自從二人拍拖後,小方開始關注女友 ig,更頻頻俾 like。


無論女友放什麼相在 ig,就算一碟餸,小方都一定俾 like。 夜店攬埋

「 G.E.M.有心撮合佢哋,一直安排聚會。八月中 G.E.M.生日時,小方同超蓮已經喺埋一齊,到九月李蘊囡囡擺百日宴,兩個亦係坐埋一齊有傾有講,嗰晚人多,小方成晚都傍住超蓮,好 sweet。」知情者說。
啱啱打得火熱,但去到公眾地方例如夜店,亦必定嗌埋成班朋友做掩護。
「出街多數係一班人,有晚去銅鑼灣耀華街私竇飲嘢,兩個最初都玩得好小心,但飲多幾杯就冇晒戒心,愈坐愈埋,最後竟然扭埋一嚿,好似脆麻花咁;當時好多人睇到都覺得愕然,因為大家以為小方對 Stephy仲未忘情,冇諗過咁快搵到第二個拍拖。」




G.E.M.生日,小方跟何超蓮已經行埋咗。


好友李蘊囡囡擺百日宴,何超蓮跟小方坐埋一齊,在朋友前未有避忌。


何超蓮早前夜蒲,雖然有大堆兵圍住,她卻經常攞住手機猛講,擺明心在別處。 立即升呢

日前何超蓮出席活動時,便公開讚「小方對個個女仔都咁好」。
「小方喺港大畢業,又曾經係香港泳隊代表,爹哋開畫廊,細佬係律師,家境都有番咁上下,但同超蓮拍拖,都真係升晒呢!今次超蓮紆尊降貴,跟佢去山區咁辛苦都肯,可見佢哋係互冧,小方梗係開心啦。」知情者說。

愛星星的超蓮

被喻為全港至索千金的何超蓮,拍拖對象似乎都離唔開……星! 11年與台灣藝人吳克羣拍拖,超蓮為愛經常飛到台灣交人,有傳因難抵男方脾氣暴躁,終在去年底斬纜。
跟吳克羣四年情玩完,重新上市的超蓮成搶手貨,包括本地富二代,霍英東長房孫霍啟山,內地富商劉志強之子劉根森,及中國星老闆向華強兒子向佐。其中霍啟山攻勢最猛烈,由香港追到去台灣,陪食牛肉麵。
不過一眾兵團都敵不過曾經吸毒的偶像帥哥柯震東,今年四月,超蓮被影到跟柯震東在台北唱 K,等電梯期間,男的一手將超蓮擁入懷,相當親暱。
超蓮揀男友,家底其次,有星的光環才是首選。




吳克羣


向佐


柯震東


霍啟山 賭王女婿門檻

有開畫廊的父蔭,出道前的方力申已家住千萬碧瑤灣。 07年,小方個人以千多萬買入貝沙灣,家境背景都算「靚仔」,同何家級數雖有大段距離,但已達到做賭王女婿最基本門檻。










陳子聰賭王二房千金何超儀的老公陳子聰,雖是 model出身,但外公是太平餅乾創辦人,在澳洲長大的他,亦是墨爾本皇家理工大學機電工程學士。


何志堅二房另一千金何超鳳老公何志堅,是香港馬圈大馬主何壽康之子,婚後何志堅主力協助賭王外父的公司業務。


蕭百成賭王長女何超英的前夫蕭百成,是香港殯儀大王蕭明之子,也是賭王在伊朗投資馬場的合夥人之一。 易得手

有米有樣有學歷,方力申一直被視為娛圈藍籌之一,食女無論明暗,都冇難度。

李彩華拍劇撻着
與同公司的李彩華拍網劇《百份百感覺》傳出緋聞,女方更戴住被指是方力申送給她的頸巾出席活動。不過兩人緋聞曇花一現,快來快去。



食到女神鍾欣桐
03年方力申暗交女神阿嬌(鍾欣桐), 05年二人同遊瑞士返港被撞破,戀情才被公開。同年五月,有傳阿嬌發現小方與同公司的 Stephy來往,決定分手,再見不是朋友。



模 Rainbow爆抄牌
09年,方力申主持節目《美女廚房》,被「美少女廚神」的參賽者 Rainbow(胡心諾)爆他背住女友 Stephy,向她發動短訊攻勢。事後小方反指 Rainbow主動抄佢牌,借他出位,劃清界線。



鄧麗欣拖拉十年
06年與 Stephy(鄧麗欣)拍《獨家試愛》正式撻着,二人一直不認戀情,至 10年,傳媒發現 Stephy與方力申一家同遊北京,雙方才進一步默認。有指小方一直覺得屋邨出身的 Stephy並非自己的最終結婚對象, Stephy亦心知男友不專一,拖拉十年,終在今年初,拍拖十周年發分手聲明,畫上句號。

撞樣再撞仔

阿嬌(鍾欣桐)與超蓮都是眼大鼻高臉尖尖,就連超蓮自己都講過,同阿嬌似親生姊妹,因此被稱「翻版阿嬌」。兩人除了撞樣,私底下勁老友,超蓮更是 Twins的鐵粉。超蓮生日,阿嬌會被邀請出席派對,呢對好姊妹,竟然連瘟仔口味都相同,飲埋一杯茶。




好姊妹


鍾欣桐


何超蓮


『舊情人』○三年方力申與阿嬌去瑞士雪山玩完,回港被傳媒撞破。


現任拖友

今年 3月兩人發聲明宣布分手後,現身活動的 Stephy強忍淚水,而方力申就傷到流男兒淚,不過轉個頭已經有新歡。










分手前方力申罕有現身撐 Stephy場,仲送上小食籃, Stephy當場喊晒,係感動還是知道冇得掹。


15/10Stephy生日當天,跟她老友的《點滴是生命》會長 Jackie(右一),揀了張當年與 Stephy在尼泊爾探訪的相,放上 ig祝賀,曲線寸方力申已換畫?


得悉 Stephy失戀,導演好友葉念琛即為她開拍一部講失戀的電影,食住上。





方力申同何超蓮出埠密遊,單身的 Stephy則獨自行街。冇咗情人,好在 Stephy搵到錢,揸部波子新車賞勵自己。






拍拖鍾意收埋嘅方力申,甚少被影到同 Stephy sweet場面,直至一○年被傳媒發現帶 Stephy與方父同行北京,關係才被迫公開。


山中情

方力申拍拖唔公開,唯一承認的 Stephy,亦要苦等四年,冚無可冚下才獲男友默認關係。
知都唔俾你見!方力申除外遊拍拖,更有一絕招,同女友上山,夠浪漫又低調。
03年 2月,與暗交兩年的阿嬌鍾欣桐飛瑞士上雪山,返港後雖高度戒備前後腳出閘,但仍被傳媒撞破,「申嬌戀」見光。
但跟方力申上山最多,當然是拍拖十年的 Stephy,她多次陪男友為《點滴是生命》到外地山區探訪,拍住拖做義工。 13年兩人同遊印度,在喜馬拉雅山上睇日出。
今年初,二人公布分手前的三個月,方力申曾在 ig上載與 Stephy於喜瑪拉雅山的拖手相求箍煲。由宅男女神 Stephy,到高攀賭王千金何超蓮,方力申的溝女境界,同行山一樣,壇數愈來愈高。










當年 Stephy常陪方力申到山區採訪。


方力申曾帶 Stpehy到喜瑪拉雅山,行山似乎係佢拍拖節目。

[其他分享] (零難度) 如何自行製作伴奏音樂
http://www.cmusichart.com/discuz/viewthread.php?tid=22055&page=1&extra=#pid1902279

篇報道搞到我覺得係GEM有心攪破壞所以撮合佢地
可能會變反GEM post

BTW 俾個Like俾 Baby Don't Cry

TOP

漿轉行做媒人都ok
利申:唔係鏡粉

TOP

過街老鼠字宙漿咩都有佢份

邊份報咁唔專業
又話男方主做箍煲女方Say no
下面又話男方覺得女方唔係結婚對象
咩玩法

TOP

咁快忘記Stephy啦

TOP

ruby應該跟周柏豪個痴情女fans學下野啦
Happy and Blessed.

TOP

傷害ruby?
1分

TOP

ruby應該跟周柏豪個痴情女fans學下野啦
jose 發表於 2016-10-22 18:48

岑晉晴?
[其他分享] (零難度) 如何自行製作伴奏音樂
http://www.cmusichart.com/discuz/viewthread.php?tid=22055&page=1&extra=#pid1902279

TOP

返回列表