返回列表 發帖

我跟韓國男生的事情

趙學而 - 月光燈 (國語)
https://youtu.be/86DNhfnNbXw

葉蒨文 - 長夜 My Love Goodnight
https://youtu.be/9BXVeWBeP0g

楊千嬅 - 假如讓我說下去
https://youtu.be/NsxaELYIOH4

已經好耐冇呢種期待見一個人嘅感覺。

「是我不留神,接觸到你眼神
我不得不承認 我有點故意 讓他發生」

我哋已經唔係第一次見。但係一切都發生喺這三天入面。

我哋大學最近有文化祭。
因為要準備喺文化祭賣嘅韓國年糕,我俾人叫咗去做跑腿同幫手。
其實忙咗成日,返咗dorm沖埋熱水涼之後其實我超級唔想去。
但係當我沖完涼之後見倒佢曾經打過俾我。

我有預感佢都會去做跑腿。

5分鐘之後,我換好衫,鎖門,然後踩單車出去。

我,佢,仲有三個女仔喺其中一個嘅屋企一直喺度忙。我同嗰三個女仔一齊整蒜頭整咗幾個鐘。

就喺我很攰嘅時候,佢行過嚟,然後喺我後面跪坐,用大腿包住我嘅身體。

佢幫我做按摩,然後喺我耳邊很細聲咁問我:舒唔舒服呀?

其實當下我做咗少小暗示:佢嘅手放喺我膊頭嘅時候,我將我嘅手放喺佢嘅手背上,輕拍咗兩下。
其他三個女仔都笑咗出嚟,但係佢哋唔知道嘅係其實我好有感覺。

到咗第二日,佢過咗預定集合時間都未嚟。
我喺一小時內不經意咁問咗三個同tent嘅人:佢仲未嚟咩?
最後佢嚟咗,我真係好開心,一直喺度諗:好開心,可以同佢一齊做嘢啦。
大合照之後,我問佢:可唔可以同你影張相呀?
他呆咗一陣,跟住微笑:好喔!:)

「長夜一聲不響將漆黑放低
重拾起一幅相癡癡看至入迷
夜靜無人 相中有你
你是心中的一切」


到最後一日嘅工作完成之後,我哋要briefing。
雖然得7度,但係我剩係著咗一件hoodie,當然我覺得很涷。
佢坐喺我旁邊,我同佢講:很冷喔!
佢聽咗之後,二話不說,將佢嘅大褸除落嚟,然後問我:你要嗎?
我見倒佢除咗大褸之後得番一件一件冷衫,當然話:不用喔!你穿著吧,現在很冷呢。
但係佢唔知道嘅係其實我很感動。。。
而除大褸呢件事,仲係我同佢come out之後先發生。
而喺我come out之前,他靜靜雞喺一次傾計面同我講:我而家同女朋友一齊住。

到咗最後一日,喺完成哂全部工作之後已經5點,個天已經黑哂。
我同佢兩個人慢慢咁行去學校出口。個天好清,有好多星星。
我哋行得好貼,一路傾一啲不著邊際嘅嘢。其實我好想呢一條路永遠行唔完,可以俾我哋。。。。。。一直行落去。

雖然我哋冇可能,但係我。。。。真係好掛住佢。
好想一直。。。好好咁攬住他。

「想到月光燈 短暫的微溫
太陽出來 不會留痕
何不放開懷抱給我 一個吻」

返回列表