NelsonWu

無人知道雙子座 容祖兒
山林道 謝安琪
矛盾一生 JW
小故事 JW
女神 鄭欣宜
穿花蝴蝶 衛蘭
失戀的意義 衛蘭
舊街角 連詩雅
你是你本身的傳奇 方皓玟
強弱 鄧小巧
這首歌的名字是秘密 鍾舒漫
有事發生 Super Girls
兄兄我我 C AllStar
脂肪葡萄 陳詠謙

今年同自己果個list好相似，都係女多男少，不過今年更加嚴重。11首女歌手，2首組合，1首男歌手。雖然少咗兩個一線女歌手（薛凱琪、王菀之）但係呢年都有唔少新血，例如JW、鄭欣宜。我自己嘅愛將鍾舒漫同埋連詩雅繼續穩佔一首十大，而方皓玟亦都力保一首十大。當然亦都唔會漏咗兩個女金級數嘅女歌手（一個係成日拎女金，一個係攞過0次女金但係地位不亞於女金）。有少少驚喜嘅一定係新人鄧小巧都有一首十（四）大。點解今年係十四大呢？因為有兩個歌手攞咗兩首，包括係JW同埋衛蘭。JW有跨年嘅矛盾一生同埋年尾作品小故事，另一方面衛蘭雖然淨係得兩首歌但係整體嚟講兩首都聽得出係精挑細選嘅作品。（失戀的意義個十大可能原先係官恩娜攞）。講完咁多女歌手，不如講下組合同埋男歌手。相對而言今年組合都埋男歌手都無一d好滿意嘅作品。但係Super Girls同埋C AllStar嘅新嘗試好值得鼓勵。另外肥仔謙嘅快歌都走唔甩。


終於好天氣 方皓玟 RubberBand
雙雙 Gin Lee (feat. Eric Kwok)
夜幕天星 C AllStar
告別以前 陳柏宇
後知後覺 馮允謙
四不像 泳兒
親熱 鄭融

另外以上呢啲係考慮過嘅十大，但係最後都係foul咗。不過唔代表唔值得聽。


年度男歌手 － 陳柏宇
年度女歌手 － JW年度組合 － CAllStar
年度新人 － 鄧小巧
年度專輯 － 從缺

年度男歌手曾經諗過張敬軒。雖然陳柏宇2016無一首歌本人特別喜愛，但始終陳柏宇的確係領先咗一整年。年度女歌手曾經諗過係容祖兒、鄭欣宜、GinLee、方皓玟（媽、好難揀呀）。最後用咗排除法搞掂。容祖兒太老、鄭欣宜未做到首首主色、GinLee年尾收皮、方皓玟作品數目稍為不足。（我知d原因好牽強，個個都咁出色我點揀得落手呀～）至於組合，Super Girls、小塵埃、SM、DJ都係考慮之列。最後揀咗CAS。至於專輯。因為冇一張係有完整theme而且質素高嘅專輯所以就寧缺勿濫（可能係我聽太少專輯所以冇嘢啱）