返回列表 發帖
其實我覺得頒獎禮寫完十大 呢度寫多次好無謂
所以想介紹十首無乜人理但其實幾高質既派台歌曲比大家
會唔會同時拎埋我十大就睇我頒獎禮啦

關心妍 - 像我這樣的一個雅茲迪女子
雖然係福音歌 但旋律同歌詞都係Jade近年難得既高水準
而且關心妍既演繹難得係幫首歌加分 而唔係單單交功課

曾詠欣 - 灰色的小紅帽
上年聽隻EP o個陣已經覺得呢首好唔簡單 曾詠欣仲要有份作曲
可惜佢今年消聲匿跡   

Nowhere Boys - 亂世超人
又係我上年新人獎得主 Nowhere Boys今年可以話全身發力
我就好鍾意主音把聲既

孫燕姿 - 在,也不見
食字可以係低級趣味 但林夕呢份詞用既食字係幫首歌昇華
其實孫燕姿今年表現絕對唔差 但歌曲往往被忽視

陳凱彤 - 少女時代
陳凱彤今年其實出隻唔錯既EP 呢首係其中一首出色既作品
P.S. 英皇寧願幫泳兒2.0買點擊率都唔幫佢買都幾慘

林海峰 - 今天我
好多人見到「林海峰」就無認真看待佢既歌 但唔代表佢今年幾首作品不值一聽
以社運勵志歌曲描述「今天我」 反思遊行唱K文化同今日既香港 係主流樂壇黎講走得幾前

梁詠琪 - 紅棉路上
係就係聽幾粒音都up到成個班底出黎 但就係鍾意呢種慢慢滲出既感動
btw 呢首歌唔係叫紅綿路上 希望某人簽名可以改翻

李榮浩 - 不說
第一次聽到「男人的冰箱 總放著甜點」係覺得幾噴既
但李榮浩既歌總係愈聽愈觸動人

sp'ACE - 找片天空接收我們
呢隊樂隊出左好多普通既歌 呢首係難得既佳作
敢於高呼我們要「自由的玩 自由的活」 如此熱血既歌唔太多
1

評分人數

TOP

返回列表