返回列表 發帖

我看叱咤 2016

老實講,今次真係堅嬲,對903好失望,對真正支持呢個頒獎禮既人真係好大打撃。

--

我看叱咤 2016

始終是從小就看的情意結,始終還自問愛港樂愛廣東歌,每年伊始都是習慣性地聽商業電台頒獎禮,特別在今年重現久違的電視直播,還要標榜足本直落,難得。TVB大台從來沒有的空間,Viu TV提供了。亦不得不讚Viu TV在開台至今一直都有不少的音樂節目與現場表演的轉播,還是晚上的黃金時間。這一次連從前新聞大過天的黃金守則都可以打破,堅持播到全場完畢,而押後新聞到深宵。

這一次本應是天時、地利、人和,讓香港樂壇與商台再一次給港人看到希望與改變,而且2016年確實有不少的作品值得有更多的推廣。然而,一直傲視四台(其他傳媒頒獎禮) 的叱咤,還是守不住,過往真誠的感動都敗給了刻意的計算,淪為純粹娛樂。或者只是個人期望落差,商台從來都要商業掛帥,但至少香港樂迷們還會有一份信念,這個電台還有提拔獨立新聲的勇氣,而就算沒有,也應呈現得大方得體。

其實Supper Moment 說得好,能在電視機旁、收音機旁、網上或現場以一個晚上的時間去聽頒獎禮,是對港樂的一個支持,但這個頒獎禮是否值得這樣去支持? 騰出時間給得獎感受、有一首歌曲的演繹時間當然是比其他本地頒獎禮更好的處理,但這本來就是最低要求,精彩的叱咤理應能給予更多,可惜現在所謂的忘我不忘本,卻盡是煽情之能事。

我最喜愛的歌曲投票,網上選出五強,現場選出得主,是原有的傳統,今年突然有新意思,要選出兩首再加入一輪投票,並在中途加插表演,用意何在? 似是強行加插「催淚位」,要擠出表演者與樂迷的眼淚來消費,然後就來截票。情緒的操縱,用來操作投票意向,然後當「兩強」上台,一眼就能看出所謂拉票的班底是徹底傾向某一方。

鄭欣宜與方皓玟都是值得欣賞的歌手,亦不需要作如此對立,偏偏這一夜叱咤為了話題性而如此編排,一邊本來已有明星光環,又有著名填詞人、音樂人一同加持,另一邊就盡是寂寂無名、默默耕耘的幕後製作人,一比之下就見走獨立路線的有多單薄,卻沒有將其辛酸故事一一如數家珍,否則可能要再超時也講不完。

我最喜愛系列,是以票數來決定的,所以也沒有值得批判的理由,只證明了投票受眾的品味。從結果來看,叱咤似乎已成為了另一個TVB,在大台出身的都走到這個舞台得到加冕。大概是TVB音樂頒獎禮已經墮落到一個地步,連基本娛樂功能都失去,就被叱咤取而代之,但原來熟悉的叱咤則悄悄離我們而去了。

TVB特色,當然是守舊保守,叱咤如今也失去了將後起之秀提拔的能力與機會,至尊歌又是陳奕迅,女金又是容祖兒,連組合三甲都開始沒有了流動性。都這麼多年了,如果仍在看,都應該懂得忍受,連至尊大碟的份量都愈來愈不濟,大公司大品牌、天王天后質素再平庸,也可勝過製作更精良、概念更完整、音樂性更豐富的單曲或專輯。像《四季》若是周國賢自己去唱,別說至尊或十大,單周冠軍歌都可能勉強。又難怪張敬軒不知道周國賢其實今年已經回歸了,商台頒獎台上難以看得見。

也罷,始終是分獎遊戲,不過我真的為商台的惡意玩弄而感到憤怒。2016年理應是肯定方皓玟音樂的一年,並顯示在播放率上的佳績、投票單上的走勢。那為何只因著製造懸念的緣故,所謂娛樂性的名目,去禠奪她應得的肯定? 按照非官方統計,方皓玟本可得唱作人金獎、女歌手銅獎,卻都被逆轉位置,期望更大,落空更大。

當然有人認為數字只作參考,女歌手三甲尚且可體諒,畢竟JW 與方皓玟到最後一周的播放率還相當接近,而以JW在2016年的音樂表現,得獎也是實至名歸。但唱作人的次序為何要這樣顛倒? 論播放次數,統計上林海峰還要落後於周國賢; 從捧人角度看,林海峰也不需要一個金獎去證明,他奪金的意義遠遠低於方皓玟,還要給人指摘為偏幫自己人,那用意到底何在?

及後,原來連男歌手的金銀銅次序都可以調換來頒發,是頒發單位忸的自嘲嗎? 知道金獎得主的實力及重要性不及銀獎嗎? 對今時今日的叱咤而言,獎項含金量及不上製造話題的娛樂性,TVB式頒獎禮,正是只求效果,可以犧牲獎座的份量與價值,今日的叱咤距離還遠嗎?

獎頒得不稱身,但歌手也要有責任去承擔其份量。既然明知港樂流行度已大不如前,聽港樂、看這頒獎禮的樂迷可能跟鄭欣宜的歌迷一樣,要甘冒被外間恥笑的聲音來支持,那就更需要有說服力的表演,不讓人家看不起。但不知是緊張還是音響耳機之誤,得獎歌手們的現場水平皆不如平常,像小塵埃、方皓玟這些一向難登主流的單位,難得一次上台機會卻失準,怎讓樂迷放心推介給友好呢? 《終於好天氣》與《卜卜卜》是好歌,也需要有精彩的發揮。且念這兩首確有難度,但林奕匡唱《愛情小品》就沒有藉口,已經不是《停止繁殖》般高低跌宕,卻唱得如走鋼線。

至於感言說話,更是災難區。動人,不在乎長度,只在乎深度,是否有內涵、有鼓舞作用。如果沒有準備好,那不如專心唱歌,總比言不及義好。真性情當然值得讚賞,但若一個歌手的真性情是討人厭煩的話,那不如少言少錯,尤其是已奪金無限次的單位,怎樣也不可跟第一次上台的興奮與激動相比,那就不如藏拙,將自己最好的一面表露就好。

歌手始終是唱歌而非發表長篇大論,像鄧小巧的言簡意賅,以音樂征服人心; 鄭欣宜也一樣,很多情感可以在心中,《女神有問題演唱會》中的組曲《問題天天都多》、《夏日飛舞》、《星星傳說》已勝千言萬語,不要讓值得喜愛的原因化為憎厭。

全文:
我看叱咤 2016

小明輸得唔抵

TOP

真係摷翻餅錄影帶睇翻細個錄嗰啲叱咤都冇咁嬲

TOP

其實今年賽果而言
四季至尊歌、容祖兒至尊碟我都接受到
係唱作金令人費解

另外成個show都做得頗悶
SSN Chart (18 Jan)  自唱新歌「百年樹木」(17 Dec)
1. 守 口 如 瓶 (1 Week No.1) - 周 國 賢
2. 沙 文 - 林 憶 蓮
3. 痴 癡 黐 - 譚 杏 藍

TOP

周國賢年頭派到年尾出埋碟都要

今年...返嚟啦

TOP

及後,原來連男歌手的金銀銅次序都可以調換來頒發,是頒發單位忸的自嘲嗎? 知道金獎得主的實力及重要性不及銀獎嗎?


我諗叱咤原意係想張軒頒獎俾銀、銅,佢亦好樂意幫銀獎嘅jason歡呼吶喊,仲叫全場一齊嗌jason個名,
但你講到金獎得主實力及重要性不及銀獎就太刻薄,作為張軒fans 睇到會有hard feeling
偶像全部也不倒  爸媽以後也安好
最好 我在意的 任何面容都 不會老

TOP

最歌都算,又搬龍門又剩,還我小明唱作金!!
假使世界原來不像你預期

TOP

本帖最後由 chanchan0909 於 2017-1-2 09:12 編輯

個 show 好多位都好難睇
無 opening , 就連邊個歌手有黎無黎都唔知
跟住係 唱作金 唔比小明
兩強未表演已經開始叫人投票
十大好聽 D 嘅 live 一隻手都數得曬仲有剩
有 D 歌手嘅感言又悶又長
Jason 拎銀獎大家好似當左佢拎左金獎咁
繼 eason 睇住部電話唱 , 今年有張軒睇住本書唱
想張軒頒獎比 Jason 同 Alfred 都唔洗頒男金先呀
最男女 簡直係全晚難睇之最 , 咁明顯嘅太空卡投票 , 商台竟然覺得無問題
最後女神無得再唱 , 跟住喺冷場之下匆匆完場

全晚最好睇係小明個表演 好感動

TOP

我唔明點解CM會員咁care唱作人金獎,拎金銀銅都一樣,年年來來去去係得3-4個歌手爭呢個獎,其實好豬肉獎feel。
唔抵就係小明拎左半首十大就無左女銅。
祖兒又唔係商台聽眾杯茶
出道19年的容祖兒更首次於叱咤樂壇流行榜頒獎典禮食白果。

TOP

今年個show真係好難睇
下年開始應該唔會留意

TOP

下年真係唔會再去現場睇
之前幾年覺得悶悶地都算
今年真係垃圾到覺得好晒時間,晒左成4個幾鐘...
仲要個賽果悶到對我黎講係上網睇名單已經可以
下年投票都唔洗投喇,唔會夠太空卡鬥
冠軍歌 若然冬天沒有花 - 梁釗峰 (44)
亞軍歌 白紙 - 許廷鏗 (28)
季軍歌 Forever Young - 艾怡良 (25) [ week 3 ]

TOP

欣宜琴晚一下子攞咁多 講太多野 無準備都係正常 因為之後可能唔會再上到個台
全晚費解係小明點解因為半首十大連唱作金都無埋
仲要係兩個獎都穩奪情況下

TOP

對於一個以前比較活躍的前樂迷,呢家"退休狀態"的本人
對叱咤903唔會有太多感覺。
(對認得我個網名的人,祝新年快樂先)

但超想講陳柏宇,當初我記得有寫他第一張碟的所謂樂評
我在反思我係咪吝嗇對陳柏宇的欣賞.我係咪要等失去,先懂得珍惜?

TOP

今年個show真係好難睇
下年開始應該唔會留意
bagfgfcde 發表於 2017-1-2 09:29


M 版主真係無去呀。。叻仔。
其實俾星娛樂玩哂我最喜愛獎項啦。。

TOP

其實你地睇唔睇得出 欣宜同小明兩個排場差別正正就系903刻意做"高墻"同"雞蛋"對比出黎
同埋欣宜表演前已經截票 903 DJ台下都系到狂幫小明拉票  咁究竟系對邊個唔公平呢?
拉票就梗系要出絕招ga la 如果唔系咩叫拉票
香港人成個話普選 真系有普選時候選人都一樣會出盡法寶ga la  
欣宜借人脈,脂肪黎抽水  方皓玟又何嘗唔系用小眾,年青人有共鳴ge路線黎搶票
再者 女神系hit過傳奇  現場觀眾我唸大把人冇聽過/唔記得小明首歌

TOP

最歌最後一round懶公正咁 係真心玩公正唔該未表演之前就投票算啦 係都要表演完一個去截票果下肉酸
2018 Moxy Music Choice - WK35 -
1. 青春終老 - Robynn & Kendy | 2. 主宰 - JW王灝兒 | 3. 寧願當初不相見 - Dear Jane

TOP

而家新城都有一首歌既演繹時間 又剩返十大+三甲
會唔會慢慢咁取代903成為大家最期待既頒獎禮

終於都讀完 你真係寫得好好
好多都好中我既感受 多謝你!!

對琴晚個賽果/頒獎禮好失望
令我更加決心做好自己個榜lol

TOP

個 show 好多位都好難睇
無 opening , 就連邊個歌手有黎無黎都唔知
跟住係 唱作金 唔比 ...
chanchan0909 發表於 2017-1-2 09:07


悶係一件事,但成場show嘅效果真係好差,獎項問題先唔計較。
有人爆喊,完全唔知唱緊乜;
大部分歌手都好似未開聲咁,能保證水準嘅歌手一隻手數得晒,費時得罪人,先assume音響問題;
而音響的確tune得有問題,唔知現場點,youtube live上面,鼓聲太強,樂器聲太細,人聲時強時弱;
Eason應該創造了叱吒頒獎禮最長忘記歌詞紀錄;
最歌加一輪投票,俾兩個單位上嚟唱歌都幾好,但系拉票環節真心諷刺,一邊講做音樂有幾咁辛哭,獨立音樂人有幾咁辛酸,另一邊就展現了獨立音樂人究竟有幾辛酸,連拉票企台都唔夠人嚟,商台想表達啲乜?大公司大台下面好遮蔭?這樣的環節設置,擺明要俾獎鄭欣宜;
唱作人金簡直不知所謂,往年人情獎,一般都系十大第十位,唔通學林海峰話齋,商臺係度諷刺香港樂壇冇金獎唱作人?
森美個棟篤笑,仲算笑得出,艾粒果個短片,不知所雲...

TOP

真係摷翻餅錄影帶睇翻細個錄嗰啲叱咤都冇咁嬲
kilai 發表於 2017-1-2 06:37



   邊幾年?

TOP

我諗叱咤原意係想張軒頒獎俾銀、銅,佢亦好樂意幫銀獎嘅jason歡呼吶喊,仲叫全場一齊嗌jason個名,
但你 ...
uponand 發表於 2017-1-2 08:45

應該咁講 今年咁頒法已經好落男金(+自己)個面
自己承認緊自己個男金唔係最實至名歸/最有民意咁
頒完金先頒銅銀係好難睇既事
正常咁頒hins都會有掌聲 都會獲得認可
如果903驚銀既歡呼會大過金 其實都唔係第一日既事
無謂做到自揭瘡疤咁肉酸 仲要頒金先頒銅 搞到好似本應係值銅 係大公司無辦法先頒金比你咁

TOP

應該咁講 今年咁頒法已經好落男金(+自己)個面
自己承認緊自己個男金唔係最實至名歸/最有民意咁
頒完金先頒 ...
JasOh103 發表於 2017-1-2 11:40



   
如果大家咁諗,我睇張軒不如乾脆就此宣佈以後唔好去頒獎禮好啦,反正該攞嘅都已經攞過
偶像全部也不倒  爸媽以後也安好
最好 我在意的 任何面容都 不會老

TOP

《卜卜卜》難度幾級我唔知,幾難都難唔過鴛鴦襪掛,氣息唔穩,走音破音,簡直係尋晚車禍災難現場live top ,呢d唔係歌曲有難度可以解釋到,基本上連一個歌手最基本既唱功都無。我可以接受佢地唱得一般,但唱到咁屎真係突破左我條接受界線。林奕匡同理。

TOP

本帖最後由 kayzzz 於 2017-1-2 11:57 編輯
《卜卜卜》難度幾級我唔知,幾難都難唔過鴛鴦襪掛,氣息唔穩,走音破音,簡直係尋晚車禍災難現場live top  ...
Gary 發表於 2017-1-2 11:51

鴛鴦襪好容易唱咋喎,成首歌無高低音
容祖兒現場唱 我好得閒 咪又係炒晒車
當然唔係幫小塵埃開脫啦,佢地唱歌廢就不嬲都係
恭喜Kay成為2010年代第一位雙料女金 (女金 最女)(亦係2004年之後都未出現過既雙料女金)
亦都恭喜Kay成為叱咤史上首位大滿貫女歌手
再恭喜Kay首奪最優秀流行女歌手大獎!

TOP

本帖最後由 kayzzz 於 2017-1-2 13:12 編輯

由一開始就唔應該期望小明可以贏到高牆,歌唔夠其他人hit,又無公司幫手,係年尾無端端靠輿論爆一爆出嚟

copied from another post of mine:
黐線,CM真係燈壇,捧邊個衰邊個,拍J小明全部倒灶,反嗰個就最男
其實點解肥姐個女攞最女大家咁出奇,我之前都話佢機會大過小明,但高估左祖祖啲潛在得票姐
之前唔係成村人投小明嘅咩?晨早話佢無可能贏,今年歌唔係勁hit 無鐵票 無公司票 點贏?嗰時我仲俾人插話想界票/幫某缺席人拉票
事實勝於雄辯

問題係今年小明啲歌遠遠唔夠上年偽毒紅,投小明只會倒票落海,益左祖祖,到時都係捧唔到獨立歌手
係真係想支持新勢力既投欣宜好過,起碼大d機會贏
佢入到5強已經超額完成


jason輸就真係好震撼,身邊個個都投佢
但最男最女都係同一間公司,你懂的

Btw 下年其他人想贏嘅就應該要買多啲電話卡喇

再btw 欣宜其實都幾做作,唱女神又扮晒有自信 唔care其他人目光,轉頭領獎又話自己好小氣 好care人地之前對佢嘅批評,大佬你講嘅野違背晒首歌個message呀
(利申:擺明係成程頒獎禮都食花生)
恭喜Kay成為2010年代第一位雙料女金 (女金 最女)(亦係2004年之後都未出現過既雙料女金)
亦都恭喜Kay成為叱咤史上首位大滿貫女歌手
再恭喜Kay首奪最優秀流行女歌手大獎!

TOP

如果大家咁諗,我睇張軒不如乾脆就此宣佈以後唔好去頒獎禮好啦,反正該攞嘅都已經攞過 ...
uponand 發表於 2017-1-2 11:48

係咪差至尊碟就齊
我覺得佢仲可以再玩多一兩年既 男歌手後浪未有女歌手咁勁
之後就可以學pakho Fiona 咁嚟撐場 坐第一排比鏡頭捕捉滿足下fans
(btw今次對兩位好感直線上升)

不過睇佢都係識得下台的美藝既 係睇蛋記比唔比

TOP

本帖最後由 Ching2015 於 2017-1-2 12:09 編輯
今年個show真係好難睇
下年開始應該唔會留意
bagfgfcde 發表於 2017-1-2 09:29

成個頒獎禮好悶,好難睇,十大的歌大部份好悶,現場音響效果又差,歌手唱live大部份都好難聽,講感想部份太長, 多次想中途走人。絕對差過新城同勁歌, 下年唔會去了。同埋唔明點解商台明知星娛樂用太空咭投票都唔想法阻止,個result造馬造得咁離譜,公信力何在? 我以後都唔投票了,我的票點夠星娛樂玩。真係××**$$

TOP

而家新城都有一首歌既演繹時間 又剩返十大+三甲
會唔會慢慢咁取代903成為大家最期待既頒獎禮 ...
JasOh103 發表於 2017-1-2 11:28

指日可待呀
其實新城除左雙女金之外都係大路賽果
唔係好差架
最偉大發明     你説是愛情
跟他結束 她與他再一起

TOP

成個頒獎禮好悶,好難睇,十大的歌大部份好悶,現場音響效果又差,歌手唱live大部份都好難聽,講感想部份 ...
Ching2015 發表於 2017-1-2 12:07


tvb fun 投票起碼要身份證同一個device 投得一票,903 個投票真係得啖笑

TOP

最男最女真係好灰
成個show難得可以去電視台播, 但係質素咁差真係唔識點仲可以推廣港樂
WYTV Music Chart(Week 3)
WYTV Music Award 2018(完整名單)

TOP

講到尾都係質素大不如前
以前十大首首都識
而家十大得幾首識

安排真心勁差 有咩可能咁投票
班底都差咁遠
WYMAN 仲要拉票拉到出晒面 都話自己唔係拉票
女歌手 IVANA FIONA KAY KARY 全部都唔知去晒邊
仲淨番個18年唔斷氣既
小明係慘架啦 但起碼有人鄧佢唔抵係好事黎

TOP

其實講真拉票環節已經幫左小明
因為佢係拉票前已經出左一次場
拉票佢又係第一個唱
唱完又話截票
基本上欣宜唱完已經無人要再投票
只係奇怪做咩要有呢個環節
一宣佈第二輪,朱Fun細So就猛咁叫人投票,
唔係應該睇完拉票先叫人投??
咁為咩要拉票表演?

TOP

太空卡玩曬 完。
我有朋友仲同我講笑話如果HotCha未解散 分分鐘攞埋最組
HotCha C AllStar

TOP

本帖最後由 kayzzz 於 2017-1-2 12:46 編輯
其實講真拉票環節已經幫左小明
因為佢係拉票前已經出左一次場
拉票佢又係第一個唱
唱完又話截票
基本上欣宜 ...
表妹保莉 發表於 2017-1-2 12:39
你唔覺得個情境好熟悉咩,只不過上年係先頒新人再頒唱片跟住立即截票
903想重施故技,上年成功左唔代表今年都得
恭喜Kay成為2010年代第一位雙料女金 (女金 最女)(亦係2004年之後都未出現過既雙料女金)
亦都恭喜Kay成為叱咤史上首位大滿貫女歌手
再恭喜Kay首奪最優秀流行女歌手大獎!

TOP

某d小明同廣偉fans真係離譜得好緊要,明明之前已經知道jason摞銀獎啦,依家調轉頒獎次序姐,咪都係為咗突出佢lor,咁唔通你地想調個金比佢?咁實又有人鬧叱吒調位啦。其實近年十大同男女組合三獎已經係呢幾年調位最少既一次,只有林海峰調上唱作金係好離譜。最歌女神win小明唔通唔係常識咩?依家點解咩獎都有人鬧wor,來睇得頒獎禮就知唔會個個獎項如你所願啦,遊戲姐嘛,又唔係頒到七國咁亂。

我都覺最男同唱作人好離譜,但其他又唔係去到完全唔可以接受個地步咯。唔好講到因為某d獎項令人失望就要放棄成個903成個香港樂壇好唔好,大家多d信心啦。

TOP

我係現場睇 都覺得現場DJs 已經狂比機會比小明
真心好大部份現場觀眾係欣宜唱之前已經投咗
其實雖敗猶榮

但係今年真係無咗頒獎前嘅懸疑感
啲tag 無乜心思
咁多年最有印象嘅係 獨家村  同埋 搞gag 嘅甲人情

仲有 今年啲歌手又好長氣
全晚上咗幾次台嗰啲仲有咁多感言....
其實可以講少啲嗎?

TOP

我唔相信係驚銀獎歡呼聲大過金獎先調位頒,之前年年美祖攞金獎都無歡呼聲架啦,美琪美詩攞銀獎歡呼聲大過美祖10萬倍,咪一樣最尾先頒女金,所以調位頒獎應該無大家所想咁複雜。

TOP

全晚得艾粒個個位冇咁悶,其他個d真係悶到訓著
森美個棟篤笑真係,睇見都鄧佢尷尬

TOP

鴛鴦襪好容易唱咋喎,成首歌無高低音
容祖兒現場唱 我好得閒 咪又係炒晒車
當然唔係幫小塵埃開脫啦,佢地 ...
kayzzz 發表於 2017-1-2 11:56


鴛鴦襪易唱? R u kidding me?
唔係特別高/低音就叫易唱真係笑死人
你試下係咪求其搵個人都唱到個groove 出嚟

TOP

鴛鴦襪易唱? R u kidding me?
唔係特別高/低音就叫易唱真係笑死人
你試下係咪求其搵個人都唱到個groove  ...
jasonng 發表於 2017-1-2 13:17

唱唔唱到個groove真係好主觀,我唔覺佢有groove,但係唱準晒大部份音
恭喜Kay成為2010年代第一位雙料女金 (女金 最女)(亦係2004年之後都未出現過既雙料女金)
亦都恭喜Kay成為叱咤史上首位大滿貫女歌手
再恭喜Kay首奪最優秀流行女歌手大獎!

TOP

今年叱吒真是扼殺獨立歌手或樂隊。搞到自己tvb化
最歌兩強看得出樂迷至愛同大眾至愛。頒比邊個都冇所謂,至少兩位歌手都贏到了觀眾群。欣宜贏大眾群,小明贏聽音樂果群。反而佢甘頒兩強,起碼俾人知道小明其實係多愛音樂既人擁戴的。好過一開始就公佈結果話欣宜贏左。我覺得叱吒俾左機會小明去發揮,雖然唱作人金獎應該是佢的。
我覺小明拿不到不感意外,論人氣知名度都唔夠tvb出道既欣宜入屋。但今年叱吒肯擺佢地兩個上台,係最好的做法,平衡到兩批觀眾,佢地亦因此增加認受性。

TOP

本帖最後由 bagfgfcde 於 2017-1-2 14:09 編輯
鴛鴦襪易唱? R u kidding me?
唔係特別高/低音就叫易唱真係笑死人
你試下係咪求其搵個人都唱到個groove  ...
jasonng 發表於 2017-1-2 13:17


算啦
有留意既會員都知佢份人乜事
你就無謂去同佢爭論
萬人萬套心中真理吖嘛

可能最女係 但投傳奇等於倒票落海 我絕不同意
人地大大話話都係第二高票 可以力撼女神
最受歡迎程度係排到第二
唔期望佢贏到女神 唔通期望無人知道雙子座??

TOP

叱咤嘅虚伪公信力一年又一年玩弄大众
樂迷依然會將叱咤捧到高高在上

TOP

本帖最後由 JayantL 於 2017-1-2 14:59 編輯

其實我唔明點解都話小明輸得唔抵
明明小明表演完欣宜仲未出場903就吹曬雞話截票
擺到明其實係對欣宜唔公平

最男最女有太空卡唔評論
但最歌現場投票輸就係輸 唔好輸打贏要
唔夠hit就係唔夠hit
話欣宜拉票搏同情 唔通小明就唔係靠小眾靠獨立拉票 仲要出先

抵香港到而家都見唔到實現普選嘅曙光
連接受票選結果嘅氣度都仲未有

TOP

對於成晚的賽果無乜太大的爭議性質,因為大部份都可以用大家平時的辛勤勞動推算出來
唯獨最男個位得獎人士 我想講講.
特首都唔連任,佢可以連任,真的是威威豬
一棵樹要成長得茂盛,根一定要札實。無論我去到哪裡,我都會記住,我的母語是廣東話。我只愛廣東歌

TOP

算啦
有留意既會員都知佢份人乜事
你就無謂去同佢爭論
萬人萬套心中真理吖嘛

可能最女係 但投傳 ...
bagfgfcde 發表於 2017-1-2 14:06


平時見到啲膠po 都費事理
係見到佢反容反到咁不智先出下聲
講嘢果然一貫佢嘅風格
覆都費事

TOP

其實我唔明點解都話小明輸得唔抵
明明小明表演完欣宜仲未出場903就吹曬雞話截票
擺到明其實係對欣宜唔公平
...
JayantL 發表於 2017-1-2 14:57


所以我寫既並唔係針對我最喜愛既賽果,而係整個編排,搞兩強玩煽情娛樂。
正常咁頒唱作金比小明唱傳奇,十大比欣宜唱女神已經好好,何必整得咁難睇?  又搞到雙方對立咁既氣氛?

商台呢種惡意係今年最嚴重,播到小明唱作金同女銅然後調位,製造最喜愛懸念,點知咩都冇,營造落差。

至於Jason,如果903想調位咪比金獎佢咯,頒金先好似自己都覺得呢個金獎唔應該比張敬軒咁。

全晚不論製作流暢度或歌手感言或現場演繹都係災難級,真係要思考一下應唔應該繼續支持呢個頒獎禮。

TOP

所以我寫既並唔係針對我最喜愛既賽果,而係整個編排,搞兩強玩煽情娛樂。
正常咁頒唱作金比小明唱傳奇, ...
powerful 發表於 2017-1-2 16:08


今年超時超咁多
明年應該唔會再有兩強噶啦
我真係未見過有頒獎禮係做差唔多四個半鐘
而且仲要係好多廁所位咁拖到咁耐

TOP

其實講到尾 四大頒獎禮咪又係商業遊戲 唔一定要跟民意走 結果係點其實都係得個睇字
不過就算結果係點都好 我相信睇得叱咤就係想睇一班DJ點用心做好場騷 同時歌手可以點樣令人感動
但好可惜好多DJ TAG完好似無睇過咁 同直接講結果無咩分別又唔令人感動
好多歌手有得唱歌又唔自重 歌都練唔好 又講好多廢話
最重要係個主題 除咗過場環節係比較關事 其餘好多時候好似都同個主題無關咁
成場騷可以搞得好好睇睇但而家好似乜都跌哂WATT咁
只希望下年唔好好似今年咁趕客

TOP

其實我唔明點解都話小明輸得唔抵
明明小明表演完欣宜仲未出場903就吹曬雞話截票
擺到明其實係對欣宜唔公平
...
JayantL 發表於 2017-1-2 14:57



絕對認同我對小明同欣宜感覺都系差不多
但今次網民插欣宜我真系覺得對佢有d唔公平
乜野叫拉票姐 就梗系搵人拉馬撐自己
況且903擺到明系想造比小明 但可惜失手 d live又唔爭氣  
Kay都準備左呂麗紅校長哥d黎拉票 如果佢有份表演唔知d人會唔會又話佢抽水呢?
當然唔會啦,因為宜家所有賣"小眾" "貼地" 路線 ge 歌手都自動上光環
而所有"高墻"(大公司)歌手系咪都會比人狂插  完全反映到香港社會撕裂狀況

TOP

只想叫叱吒繼續加油,可以聽取意見,唔好一意孤行,仲以為自己搞得好好

跟播放率頒嘅獎唔一定要跟民意,除咗我最喜愛系列,其他獎基本上係「903評審團」嘅「專業推介」同選擇,不過連我最喜愛系列都被某D公司出貓作弊去強搶,結果都幾灰下..

TOP

返回列表