返回列表 發帖

與其矛盾一生,不如讓廣東歌自由飛翔 - 2016廣東歌年結 (上)

本帖最後由 艾石仔 於 2017-1-23 00:04 編輯

[私家專欄]
與其矛盾一生,不如讓廣東歌自由飛翔 – 2016 廣東歌年結 (上)



來到2016年,原來廣東歌已經發展超過40年,或者是香港傳統娛樂事業已經由年青開始步入中年,守舊回憶傳統已經成為近五年的頒獎禮宣傳主打。華星回歸,寶麗金重生,就連飛圖時代的趙學而亦出來開第一次的個人演唱會。按照當年社會實況,重組是歡迎的。當年華星盛世,飛圖當道,寶麗金環球更賣得過百萬的唱片,對,就是那個年代。可惜我們都回不去那個年代,那個我們最光榮最光輝的年代,重組如果得到好音樂新唱片是好的,但原來一次又一次的重組只是借屍回魂。《陪著我走 In Search Of Lost Time》《I Am Here》《Evolve》《Beyond Imagination Too》,每次都用不同方法借屍回魂,這次翻唱成長歌曲,下一次翻唱自己歌曲,再下一次唱翻同公司其他歌手的歌曲,音樂得不到傳承,新人得不到認同,其實香港音樂早已進入末世階段。錯,其實是香港娛樂事業步入末日階段,隨住亞視結業,大台低收視,就連商台都每況越下,香港娛樂音樂事業似乎要來一個變革。

「當你遲遲未改變 就讓我改變吧 這個決定多可怕」
2016年,喜見不少歌手樂隊出走大公司,進入獨立音樂市場。「獨立」應該是2016其中一個最重要的詞語。所謂「獨立」就是那一份自家製作的味道,由選曲做歌MV派台方法都自己控制,當然產量一定比在大公司的年代爭得多,但至少是自家製作。何韻詩的「集體獨家贊助」成為了2016獨立思潮掀起的序幕,年中RubberBand個唱同樣自家製作,更推出了《呢度》細碟。開個唱以外,林欣彤雖然唱情歌,但都可以獨立做歌,《懸崖花》既有自己想法亦不失流行味道。獨立不單單只有單曲,亦可以有大碟演唱會。2016終於得到了林二汶盧凱彤的廣東國語大碟,林二汶跟周耀輝合作做成了《People Like Us》的唱片;盧凱彤集結了中台兩地音樂人,推出了自家製作的《你的完美有點難懂並不代表世界不能包容》,兩張大碟都有自己味道,應該是主流市場找不到的個性。
隨了「獨立」以外,還有的是歌手開始轉變。轉變的是歌手控制力越來越高,唱片公司有唱片公司推,歌手有歌手推自己音樂。最精彩的一定是許廷鏗,那份固執那份堅持不得不令人另眼相看。身處一間最不知所謂的唱片公司,但每一次就極力爭取,結果,得到一次又一次的好評。《阿樂》《你在我在》《我的志願》,雖然音樂上仍然未能特破,但至少自己選擇自己想唱的音樂題材。細許生要加許,大許生更要表揚,許志安2016年企劃正正傳承了香港樂隊,將他們的音樂帶到更主流的場地。《Andy Band Crossover》,跟四隊走流於主流與獨立之間的樂隊合作,做成了2016的3首主打歌。雖然坐上了「關愛座」,但仍然忘我不忘本地出走非安全地帶,似乎天后更須要這份勇氣。許志安如是,就連鄭秀文亦如是,貴為天后,但沒有安於現狀,她不是那種死要得到第2345678910個女歌手金獎。自從2009年鄭秀文回歸,每年都交出不少精彩作品,有快有慢更有自己的想法,2016推出相當精彩的《Fabulous》,她的敬業又是每一位歌手要學習的。

此外,亦開始有細公司得到了重視。所謂細公司就是沒有市場資源,亦沒有太多同事做宣傳,就連行台都要歌手自身上電台宣傳的那一種。「音樂份子」在2016的確是一間點題公司,黎曉陽文青氣質得到了廣傳,Nowhere Boys現場感染力及音樂特色開始傳開去,更可喜的是鄧小巧終於得到一間最好的唱片公司。派足整年,由選曲到音樂製作每一部份都相當精彩,將一個比賽歌手變成真正歌手,謝國維馮穎琪藍奕邦功不可沒。超級巨聲同年的王嘉儀在年尾亦推出了令人驚嘆的《Sophrology》,得到了趙增熹周耀輝幫忙,令整張唱片都很有味道。雖然要等待,但總好過在大台唱十年口水歌還要好。

還有的是雷頌德新簽的張美儀,她帶著的那份傻氣,正正衝擊了主流的沈悶。Sony的音樂部今年終於大發神威,隨了陳柏宇終於得到重視,還有小塵埃的《A Little Loud》,雖然來自大公司,但音樂製作絕對是獨立的。當然細公司還有來自維高文化的周國賢,整張《風起》大碟都是一手一腳主理,既是獨立,亦不失主流味道,真正做到流走主流獨立個性之間的平衡。

最特別要提的是《Evil is a point of view》麥浚龍的年度大碟企劃,前年《念念不忘》令多人突然愛上Juno的音樂品牌,但這一回一開聲唱「我在裂開 裂開」,不知道嚇走了多少「FANS」。《Evil is a point of view》無論是角色設定,音樂題材,或是主唱和音都表排得剛剛好。「大愛殺死小愛」,簡單一句就變成一張大碟,林夕周耀輝文字功夫更加帶有文學味道,令唱片昇華。可惜賣碟數量及流行榜都反映出,《Evil is a point of view》注定得不到青睞。

「要經過多少年 再經過多少失望」
娛樂事業要變,音樂生態要變,其實連歌手心態更加要變。過去,不少歌手帶著夢想入行,希望在廣東音樂大展拳腳,可惜最先得到的是香港電影金像獎「最佳女配角」一個獎,女歌手金獎早已失去意義。電影拍一年已經得到好成績,唱歌呢?出道6年才得一首叱吒十大,那首歌還要是最主流的曲風最沒有個性的一次,如此一比,我不如去拍電影,至少得到重視,得到的名利比當一個歌手還要高。歌手轉不了,就轉了事業,留下來的就是真正愛音樂的那班朋友。
還有的是一班唱了十年歌的女歌手,歌手有歌手命,女歌手頂盡最多十年時間。就連謝安琪都摘不了女歌手金獎,不如完成十週年個唱後,退下火線小休回家生兒育女好過。同期的吳雨霏王菀之薛凱琪都草草了事,每年推兩至三首歌,來到2016終於一起退下來,爭女歌手的任務成功交給鄭欣宜方皓玟王灝兒江海迦李幸倪連詩雅等人身上。且看這數位女歌手有沒有方法突圍而出,將那道高牆狠狠的拆下。

「難道我存在是為了你 纏住你永遠都飛不起」
《矛盾一生》說的是愛情,但其實放在任何一樣你愛的事情上都可以,最後一部就是《自由飛翔》。廣東歌開始進入了獨立年代,眼看不少獨立單位如方皓玟徐嘉浩黃劍文Serrini等等都開始得到認同。新一班樂隊朋友開始著手創造自己音樂,就如Blaster,Fabel等等,將樂隊定義拉得更遠,夾BAND不一定pop rock,都可以是電子是藍調音樂的。隨了音樂風格外,他們的題材亦相當貼地,既有寫地區的《牛頭角》《油尖旺金毛玲》;亦有寫上班族的《星期一太空漫遊》;及寫我城的《困獸都市》,音樂題材絕不失禮。

音樂單位以外,就連音樂平台亦開始自由飛翔。華星新秀英皇新秀再到超級巨聲,當這些大公司的選秀騷得不到認同,開始沒落之後,我們就得到了《ShowOff》。
私人國旗下的《ShowOff》團隊正正做了這一樣東西,他們不但在C AllStar音樂上教育聽眾,更走入人團走到校園進行教育工作。歌唱比賽目的不是爭金銀銅,是從音樂考量上,挑選一位歌手,送他們一首派台歌。既是挑選音樂人材,亦教下一代有意入行的學生朋友如何唱如何做歌如何做好歌手,他們實在不為餘力地推廣東歌。還有街頭表演的朋友,JL Music帶領的busking team 唱入市區,更成功令他們擁有自己的個人唱片,楊智遠是他們第一個出碟的歌手。

這班朋友都是半工做的,但有的就是信念。他們相信有夢就要去追,想唱就去唱,他們沒有大唱片公司支持,但是帶著一班新的製作朋友進入樂壇,新的填詞人新的作曲人新的編曲人,這班人都是在衝擊舊人的舊思維,是值得支持的。


上集好似太長,
下集盡量簡單少少。
anyway~多多支持好弟既page~
https://www.facebook.com/cplusmusichk/
1

評分人數

  • Tonlo

睇見女歌手果PART真係唉一聲.......

TOP

我唔知係唔係因為我其實係澳洲, 睇既角度有啲唔同,
尤其要聽廣東歌要靠自己努力去搵......
(利申: 係呢邊買香港碟真係難, 更甚我成日懷疑係唔係正版, 要支持唯有去合法平台聽)

今年有無新廣東歌係我會聽完又聽 - 有!!!
無表面傷痕/ 女神/ 矛盾一生/ 新貴/ 無人知道雙子座/ DEAR JANE 3部曲
其餘幾乎全部唔係中文歌...... (舊CANTO POP都有聽既)
係呀, 我仲聽廣東歌就係因為有共鳴又可以跟住唱, 就算無得唱K我都係鍾意跟住唱......
要聽跳舞歌/RAP (音樂>詞), 求FLING求編曲求氣氛, 詞有咩所謂? 點解要聽廣東詞?
尤其廣東詞好難填, 要啱音要文雅又唔可以REPEAT
其實有好多風格會唔夾, 人地試新野你要話人西歌......
同埋點解抄人地R&B/ROCK/EDM就好叻叻!? 我地自己地道既K歌就要插?
又係唔係唔同就係ULTIMATE GOAL!?!?
BEYONCE要去RAP定SUSAN BOYLE要跳BRITNEY既舞?
咁你唔愛我啦當年應該做至尊歌......
望下人地BIG BANG/ AKB48廿首歌都無一首BALLAD, 隻隻都跳舞咁滯你又接受到!?

JUNO上隻碟最後紅邊隻歌?
十幾年後我仲聽緊怯/ 痛愛/ 抱抱/ 16號愛人/ 爭氣......
TWINS既K歌, 音樂一出即刻識得跟住唱......
我大膽講, 其實掉轉, 應該每幾首派台先有一首非K歌,
為"唔K"歌而"唔K"歌其實討好緊邊個?
係唔係JOEY下年全快歌, 你地會覺得佢好值女金?
咪一樣討好唔到你地, 反而流失左一班跟左你咁耐既聽眾
(事實上 玩家/ SOCKS/ 得閒 我全部聽<5次)
要唔玩詞唔玩共鳴, 外國有大把揀......
而家要聽外國歌比以前方便得多,
要Attract本身無聽緊廣東歌既聽眾 (認為詞為次要)
音樂上 (旋律/編曲) 就要同外面比, 以香港既音樂人有幾多個/首做得到?

連點解仲有香港人想聽廣東歌都搞唔清楚, 唔怪得越做越霉......

TOP

我唔知係唔係因為我其實係澳洲, 睇既角度有啲唔同,
尤其要聽廣東歌要靠自己努力去搵......
(利申: 係呢邊 ...
光之父 發表於 2017-1-23 02:16



啊啊啊啊啊啊啊,高皓正你好呀!
講真,2000嘅港樂真係唔洗背歌詞,個音樂底一出好自然已經識跟住唱。
❤️  明白  我再流連也是總不配  是兩種命  是兩種人  ❤️

TOP

本帖最後由 hkchart 於 2017-1-23 09:19 編輯

K 歌做左成近20年,但編曲冇點UPDATE, 旋律編曲越黎越罐頭, 拎今年最HIT個堆
歌同十幾年前最HIT個堆K 歌比, 基本上個STYLE冇點UPDATE, 只係質素更差,感
覺就係聽緊D 十幾年前既SIDETRACK, 我不如聽返十幾年前個D + 大把中外既音樂
聽都聽唔晒

而家D 歌手走向獨立主要因為商業角度上, 主流樂壇已經萎縮到基本上同獨立音樂
既距離接近左好多, 基本上有冇大公司簽都係賣個幾千隻碟, 開3000人既演唱會,
有左少少名氣既行獨立, 可以做自己喜歡既音樂, 自己話事可能仲袋得多D

做慢歌都可以有唔同元素, 香港樂壇想復興,唔該唔好一味做罐頭k 歌, 出去搵d 有賣點有才華有特色既人/聲
返黎, 個目標係要討好到大眾, 甚至可以成為華語區/亞洲區既紅歌手, 唔係就
咁為左討好而家仲聽緊港樂個堆人, 好似80年代咁, 帶d 非主流但又有主流potential既人上地面

TOP

我唔知係唔係因為我其實係澳洲, 睇既角度有啲唔同,
尤其要聽廣東歌要靠自己努力去搵......
(利申: 係呢邊 ...
光之父 發表於 2017-1-23 02:16



    如果要講美祖過去十年值唔值女金 鞭屍洗版都唔夠

佢d歌含金量有幾高除咗佢d fans之外其他人心知肚明
其實唔會介意美祖做K歌 然而佢近年噶K歌得我杯茶係討好(個人意見)
歌曲 http://poll.fm/5qbaq 专辑 http://poll.fm/5qbah 组合 http://poll.fm/5qbal 女歌手 http://poll.fm/5qban 男歌手 http://poll.fm/5qbam

TOP

她不是那種死要得到第2345678910個女歌手金獎。
笑佐。

唔知點解,我覺得 我不是歌手 呢首歌隨便都可以完勝jpop任何一首歌。

TOP

我唔知係唔係因為我其實係澳洲, 睇既角度有啲唔同,
尤其要聽廣東歌要靠自己努力去搵......
(利申: 係呢邊 ...
光之父 發表於 2017-1-23 02:16


喂HI~好耐無見呀~
ANYWAY~廣東歌一直同時代變緊,
我都經歷過00年代果種好簡單既廣東歌,
琴同鼓就做到隻歌,有時仲會係big hits~
不過而家真係唔可以。
音樂上複雜左好L多,除左科技進步仲要同世界接軌,
琴結他電結他低音結他仲有唔同SET既鼓,
整體上而家既音樂聲音質素應該好過以前,特別係00年代。

題材更家難寫
不過真係無計,煮到黎就食
支持得幾耐就幾耐啦

睇見女歌手果PART真係唉一聲.......
abcxyz302006 發表於 2017-1-23 01:07


唔想次次都講佢,但女歌手問題真係年經黎

TOP

[打手mode]Thanks for the Fabulous shoutout
Jason's Playlist 2024
Week 12 白髮齊眉 - 鄧小巧

TOP

本帖最後由 boy4dudes 於 2017-1-24 16:19 編輯

Thank you 艾石仔 for the great article.

I was born in HK and now live overseas. As a die-hard Cantopop music fan, I think it is sad the TV / radio media allow a few singers and record companies to monopolise top music awards in the last 15 years or so. I miss the good old times when good music was the key to a singer's yearly popularity. Like Sally Yeh had a great year in 1988 because of <祝福>, had a quiet year in 1989 and then back in the spotlight in 1990 with <珍重>, <焚心以火> & <秋去秋來>. Sadly, she sat through the whole night supporting other singers in the 2002 903叱咤樂壇流行榜頒獎典禮 with <傷逝>大熱倒灶. I also Loved it when Miriam Yeung got Female Gold in 2000, despite her record company was heading towards it's shutdown.

I am glad we have online forums like this to share our love for Cantopop music. I am also happy that some newcomers are forced to become more creative (and independent) when producing and marketing their music.

Let's all keep our love for Cantopop music alive, with love

TOP

樓主, 00年代HIT 個D , EG 陳輝陽, mark lui, etc... D 歌編曲 係得鋼琴+鼓?
莫札特 個 D piano concerto 得鋼琴咪超級廢, 香港K 歌都不如?

TOP

本帖最後由 loowee 於 2017-1-26 20:20 編輯

Sorry, 我最討厭提倡廣東歌要獨立要非主流的所謂"樂迷"
廣東歌個吸引力一向都系流行旋律同歌詞有共鳴(尤其是情歌)
由70年代開始已經系咁  依種"K歌"系香港獨有文化

何時開始依班所謂非主流樂迷一直推崇港樂要多元化 一直話點解香港唔可以做到好似外國咁
搞到主流歌手唱情歌唱K歌好似冠上一個罪名咁
大佬 人地文化本身系多元多種族 唔同genre系由歷史慢慢演變出黎 宜家香港系有好多所謂"非主流"音樂人就系到有樣學樣 根本大部分indie artists indie bands 老老實實我覺得好垃圾,完全唔識寫旋律唔識寫詞。當然,亦都有人搵到個好好balance,例如方皓玟我覺得d歌就做得好,主流得黎不失個人風格。

我個人聽英文歌多,Fleetwood Mac, Bjork, Tame Impala, Rihanna, Goldfrapp etc. 我乜鬼都會聽。咩野會吸引到我聽廣東歌?咪就系廣東歌獨有ge 旋律同到肉ge歌詞,因為依種K歌情歌系其他地方音樂比唔到我。我黎酒樓食野梗系食點心,你成班香港人走去學整外國菜做乜勁?

香港樂壇宜家最缺ge唔系indie,而系pop做得唔夠好(例如TVB堆罐頭主題歌),旋律唔好聽 詞太複雜,同埋唱片公司marketing越做越差。近年hit ge歌有咩? 天梯 那誰 到此為止 高山低谷 女神 矛盾一生 etc. 其實全部都好Pop好"K",高唔高質你自己定斷,但起碼佢地能夠代表到廣東音樂同聽眾ge集體回憶。

我唔系話完全支持主流 反對非主流 我覺得兩者可以共存 甚至可以搵到個交匯點(謝安琪, 方皓玟 etc.) 但真系好厭惡依種不斷貶低廣東大路歌而抬高獨立非主流ge 清高樂迷。最終個point就系,一間酒樓d點心越黎越唔好食 系應該要師傅檢討下或者培養人去提高 點心個品質,而唔系硬推意大利菜法國菜。

TOP

樓主, 00年代HIT 個D , EG 陳輝陽, mark lui, etc... D 歌編曲 係得鋼琴+鼓?
莫札特 個 D piano concerto  ...
hkchart 發表於 2017-1-26 01:15

我錯,
我想指既係音樂編曲上樂器多樣性黎講, 而家既歌係繁複好多,,,,
00年代既我唔係話好一般, 而係有個既定格式,
同埋好易認得出邊個係MARK邊個係陳輝陽,
當年既社會環境都仲係HIT呢樣野, 就算MARK真係影印咁抄又點?
但而家唔得,
你見周仔寫曲都好, 編曲都要搞好多花神呢到隻歌有「獨特性」
呢個亦都係我所講既繁複

唔單單係音樂, 仲有歌詞上都比起2000年代果D繁複得多
而家越簡單就越比人話,
淨係一句「我想識你女朋友」都比人鬧到死

TOP

我錯,
我想指既係音樂編曲上樂器多樣性黎講, 而家既歌係繁複好多,,,,
00年代既我唔係話好一般, 而係有個既 ...
艾石仔 發表於 2017-1-26 22:10



其實你係用D 蘋果同香蕉比, 你拎謝檸檬, 盧巧音, 黃耀明黎比個結論會係相反...

TOP

本帖最後由 matthew1990 於 2017-1-27 17:27 編輯
Sorry, 我最討厭提倡廣東歌要獨立要非主流的所謂"樂迷"
廣東歌個吸引力一向都系流行旋律同歌詞有共鳴(尤其 ...
loowee 發表於 2017-1-26 20:05

非常同意你的睇法

我唔反對歌手出 K歌
但而家啲 K歌真係冇以前咁耐聽
一首overrated af 既我想識你女朋友都俾人捧到上天你都知乜事啦

另外近呢一兩年我發現好多歌手為另類而另類
嘗試吓新野固然係好事
但有好多時出黎既效果都唔多掂
搞到兩邊不是人
[其他分享] (零難度) 如何自行製作伴奏音樂
http://www.cmusichart.com/discuz/viewthread.php?tid=22055&page=1&extra=#pid1902279

TOP

其實你係用D 蘋果同香蕉比, 你拎謝檸檬, 盧巧音, 黃耀明黎比個結論會係相反... ...
hkchart 發表於 2017-1-26 23:39

我認為咁係因為主流樂壇過度萎縮
令部分獨立音樂可以變成主流的一部分
[其他分享] (零難度) 如何自行製作伴奏音樂
http://www.cmusichart.com/discuz/viewthread.php?tid=22055&page=1&extra=#pid1902279

TOP

本帖最後由 matthew1990 於 2017-1-27 17:23 編輯

Sidetrack 少少講句
與其話而家本地聽眾既音樂接受程度下降
不如話大部分願意接受其他音樂類型既年輕一代
已經走哂去聽其他國家既音樂
[其他分享] (零難度) 如何自行製作伴奏音樂
http://www.cmusichart.com/discuz/viewthread.php?tid=22055&page=1&extra=#pid1902279

TOP

Sidetrack 少少講句
與其話而家本地聽眾既音樂接受程度下降
不如話大部分願意接受其他音樂類型既年輕一代
...
matthew1990 發表於 2017-1-27 17:11



   應該喺話而家年輕一代嘅娛樂方式唔單單喺得廣東歌。80年代90年代沒有手機沒有平板,當時人們嘅娛樂活動就只有廣東歌同埋粵語片

TOP

Sorry, 我最討厭提倡廣東歌要獨立要非主流的所謂"樂迷"
廣東歌個吸引力一向都系流行旋律同歌詞有共鳴(尤其 ...
loowee 發表於 2017/1/26 20:05



同意。希望有日後有廣東歌吸引人聽。

TOP

山林道
一早都知道門已鎖床已翻仍未慣
客廳極黯淡
也許轉身已太晚

TOP

返回列表