|
 
- 積分
- 1193
- 貢獻
- 312
- 參與
- 881
|
【拖乘客落機】風波鬧大 多方要求檢討機位超賣政策
美國聯合航空一班客機，因機位不足而有乘客被強拖落機事件，美國參議院商務委員會領袖周二去信，要求聯合航空及芝加哥機場當局解釋事件；另新澤西州州長就要求下令，禁止航空公司超賣機位的作法。
信件由4位商務委員會的重量級成員聯署，包括共和黨籍的委員會主席圖恩（John Thune）、同黨的航空小組委員會主席布倫特（Roy Blunt）等。信中批評聯合航空的解釋「令人不滿，似乎低估了公眾的怒火」，「付了錢的飛機乘客最不應遇到的，就是上機後與執法人員發生肢體衝突，特別是這次衝突是可以避免」。
4位聯署人向聯合航空母公司行政總裁穆尼奧斯（Oscar Munoz）提出多條質問，要求解釋包括聯航超賣機位後將乘客趕落機的政策等。4位聯署人又指事件其實可以靠較好的溝通或額外的「獎勵」去避免，似暗示聯航對補償乘客被要求落機的金額不夠吸引。
而新澤西州州長克里斯蒂（Chris Christie），則要求當局禁止航空公司超賣機位，他周二去信運輸部長趙小蘭（Elaine Chao），批評航空公司趕客落機的做法不合理。
至於白宮發言人斯派塞（Sean Spicer）表示，總統特朗普形容片段令人感到不安，但他不會作出任何評論，以免影響調查結果。斯派塞指當局正檢視事件，但聯邦政府展開獨立調查的可能性不大。
http://hk.apple.nextmedia.com/re ... l/20170412/56553212
---------------------------------------------------------------------------------------------------------------------------------------------------------
杜汶澤Facebook:
「你唔係唔知，航空公司有超賣機位夏話？」
今日見到UA單新聞，真係好心噏。
其實大家又知唔知，你比咗錢訂咗機位，都唔代表你100%上到機。
我同助手尾寶，就試過咁嘅經歴。
話說有一次去某個國家拍戲，果度出曬名無啖好食，所以一般人如果唔係為咗錢，絕對唔會去。
Any皮，果朝早我地去到機場check in，個地勤人員（利申唔是UA）話：
杜先生，唔好意思，班機爆咗。
我：哦...... 咁好生意？咁恭喜你喎。
地：...... 你無位喎。
我：吓？哦。尾寶！
咁尾寶咪比張 e ticket 比佢囉⋯⋯
地：係，你係訂咗位，不過我地爆左喇，所以你上唔到機喇！
我同尾寶異口同聲大叫：係咪真咖？
一諗到唔使再去某國，兩個即時跳起 yeah 啦！之後我就同個地勤講：
咁麻煩你同個製片講有件咁嘅事，今日拍唔到嘞，你話你肯賠，咁就 ok 啦！咁我就返去瞓嘞吓！
寶：好呀！多謝你呀小姐，我其實好眼訓呀！
出咗名成日肚餓同眼訓嘅尾寶當然好開心。即刻打比製片，然後將個電話交比地勤人員。我隱若聽到電話裡面傳來鏗鏘響亮嘅粗口聲，從地勤個樣睇嚟，件事其實未完。地勤收綫之後，打咗個電話，跟住又有一兩個人過嚟，又㩒下部電腦。之後佢好似好撚驚喜咁吊高把聲話：
綺！杜先生！我搵到個位比你呀！
我：「搵到」個位比我？我訂咗咖！
之後我地拖住兩個hand carry 同兩條半睡嘅身軀上機。
寶：「搵到」個位喎，九成九搵到第二個好蝦d嘅乘客就真啦！
我：咁梗係啦。
其實到今日我都仲係好好奇，究竟咩政權，可以咁樣保障生意佬呢？點解因為飛行成本高，就可以一千個位賣千幾張機票呢？點解比咗錢都唔等於飛到呢？究竟係咩 logic乜嘢法律可以咁保障航空公司呢？係咪全世界都咁呢？
當然大富豪會答你，係呀！細佬，所以我自己有飛機囉，你唔鍾意搭的士你都買車啦！
有錢佬，當然會咁答。
但係有時呢個世界上唔公平嘅事，就未必有人答到我
---------------------------------------------------------------------------------------------------------------------------------------------------------
大家又無試過overbook被趕落機？呢道有無地勤爆下料 |
|
發表於 2017-4-12 13:20
| 