(叱咤新人魔咒)入行10年仍為生活徬徨 李卓庭：成日想放棄
* <span>導讀</span>
* 因為競爭激烈，在《叱咤》得到獎項的歌手，很多時候都激動得淚流滿面，究竟這些眼淚，又會唔會其實係怕自己慘中「魔咒」呢？
歌手李卓庭於入行前曾參加新秀歌唱大賽，並為著名監製方樹樑唱多過首Demo歌曲，其中一首更是Demo歌曲Fiona代表作《奇洛李維斯回信》的原曲《名種愛人》。入行後主打搖滾歌路形象鮮明，李卓庭07年推出首張個人專輯《09．18》，以及參演藝術中心舞台劇《瘋女社》，結果在2007年度叱咤樂壇流行榜頒獎典禮奪得「叱咤樂壇生力軍女歌手金獎」，而銀獎及銅獎分別是鍾舒漫及梁雨恩。
本以為可以一帆風順，至少都可以繼續在樂壇上打拼，07至10年的4年間，總共推出四張專輯，分別是《09:18》、《Eunix Mag》、《After School》及《Beautiful Loser》，成績可說是不過不失，但新人王的光環早已耗盡。2011年起更有根本改變，因合約問題一度無法出歌。2012年解約後以自由身推新歌，自始變成每年一首歌，2012年推出《因為等待》、2013年《養分》、2015年與馬嘉鈞合唱《薰亻(衣)戀》及2016年與謝文雅合唱的《懶斯文》，但始終難以在主流樂壇保持曝光。
由07年入行，Eunix不經不覺已經入行十年，問到她奪金獎後，會否覺得事業不似預期時，她坦言：「只是覺得當時多了人認識，出席活動多了，以為可以爬得高啲，但原來唔係我諗得咁理想，其實做歌手一啲都唔用易，因為收入不穩亦不多，很多時候為生活費而感到徬徨。」Eunix出道時，短時間內轉過兩間小型唱片公司，或許就是她成績未如理想的原因。「我諗每個歌手都想簽大公司，但會唔會一定平步青雲就不知道。想！但唔代表一定可以得到！我覺得所有嘢都係交俾上帝安排啦。但反而覺得我睇到同埋學到好多嘢。我覺得好多嘢都係同際遇有關吧。自己入行時經驗不多，成日驚講錯野，都唔係一個好識跟人相處的人，所以好被動。」
今年既然是Eunix入行十周年，對於她來說是值得記念的一年，因為10年來都沒有放棄音樂，她表示：「好奇妙，每一次想放棄都會突然有一些演出機會，雖然工作量不多，但會非常享受。而且這些經歷都令我心態改變，對音樂更堅持，非常感恩。所以今年我會同音樂人John Laudon合作，創作出一首能夠比我唱出入行10年心聲的作品。」
李卓庭在5月5日為李健達當演唱會嘉賓。
Eunix的工作雖然不多，但總算不時有表演機會，例如她近期在《李健達十二門徒演唱會》為李健達作演唱會嘉賓，並唱出新歌《沒有你就沒有我》，歌曲由李健達親自作曲填詞。Eunix說：「《沒有你就沒有我》呢首作品由李健達為我創作，係一首講母愛嘅歌曲。雖然呢首新歌仲未錄好，但已經先喺李健達演唱會唱出，亦希望呢首歌可以係母親節時候完成，比更多人聽到。」
其實呢篇野係延伸自閱讀有一個近年新人仍然堅持既歌手～
佢應該都係其中一個霉霉既新人金獎～
除左係新斗記食飯係坊間Hit過一排之外
都真係霉到。。。
或者咁講獨立做音樂或者出自細公司就註定紅唔起～
其實真係好悲哀～ |
發表於 2017-5-8 20:28
| 
發表於 2017-5-8 20:54
| 
美斗日日AIIII 大慨係咩都做吾到,無路向