許廷鏗過檔遇阻滯自由身搵醫靠

matt0605

http://orientaldaily.on.cc/cnt/entertainment/20170510/00282_024.html

許廷鏗過檔遇阻滯自由身搵醫靠               

身為「巨聲幫」的許廷鏗上月底與無綫及星夢結束七年賓主關係，一心過檔華納的他近日出現阻滯，有傳因他突然拒簽經理人約，想自組工作室製作歌曲交予華納發行，故遭新東家叫停。同時有傳無綫將其列入「黑名單」，現時可謂「兩頭唔到岸」。

許廷鏗（Alferd）於2009年參加無綫舉辦的第一屆《超級巨聲》勇闖樂壇，憑獨特唱功及「將軍澳吳尊」之名獲星夢揸Fit人何哲圖（Herman）簽約成為歌手，在無綫及Herman聯手力捧下成為「星夢一哥」，所唱歌曲均登上《勁歌金曲》榜冠軍位置。由於Alfred上月底與無綫及星夢約滿，年初已傳他決意離開娘家過檔華納。                                    

回復自由身的Alfred坐定粒六過檔接會離巢的「華納一哥」周柏豪棒，可惜近日傳出華納突然「煞停」，令Alfred「兩頭唔到岸」。原來他突然改變將經理人合約一併簽給華納的意願，有意自組公司做製作，只將歌曲交由華納發行。華納見唱片市道低迷，幾乎出一張唱片就蝕一張，故表明要簽埋經理人約先有得傾。娛樂工作被迫叫停的Alfred幸仍有牙醫工作，近日他頻頻到診所開工。

Herman叮囑靠自己   

據知，Herman得悉愛將堅決離巢既傷心又憤怒，認為對方不懂飲水思源，更傳出無綫將Alfred列入「不受歡迎」之列，不會力推其新歌或讓其打入音樂榜三甲，可算全面封殺。Herman昨日在電話中承認與Alfred已約滿：「係約滿咗，佢話想出去闖吓，咪由佢囉。（覺得佢唔飲水思源？）每個年代睇法唔同，當然公司一直都好栽培同對佢好好。（無綫列佢入黑名單？）當然佢之後嘅歌唔會話有高播放，公司一直投放好多資源喺旗下藝人度，以自己藝人行先。」隨即叮囑Alfred：「將來佢要靠自己嘅資源同平台。」               

而Alfred則回應說：「入行六、七年都係同一公司，面對轉會關口都唔係好識拿捏，多謝伯樂Herman由細睇住我大，希望嚟緊日子可以保持良師益友關係，轉會暫時唔算話太急同阻滯，想畀時間同空間自己諗吓方向點做，有咩新消息會同大家公布。」另外，華納發言人承認對Alfred感興趣：「呢刻未落筆簽任何合約，將來有喜訊通知大家。」

繼Chok峯之後又想封殺埋Alfred?

Ching2015

其實 Alfred 同 Warner 簽約，過程係咪真係 曾經 有阻滯，
由始至終只係得 東方 一個自說自話，而 東方 嘅 ...
Bluejays 發表於 2017-5-29 21:15

真係6月回復自由身，今天已經以華納歌手身份出席活動。佢份合約應該同小巧果份一樣，沒有過冷河期，6月回復自由身。小巧果份14年5月底到期 , Alfred果份17年5月底，應該Alfred係14年加簽左三年，所以6月份可以自由身轉會。

Ching2015

http://hkm.appledaily.com/detail ... tant&issue=20170603
加入華納後由華納經理人陪同下出席第一個公開活動，話6月12日出新歌。TVB有記者出席但沒有訪問Alfred.

咁快出黎，懷疑佢同星夢合約根本波有冷河期。

Ching2015

即係咁，simple math 話我知，
1月1日 到 5月31日 係 5個月，唔係 6個月 :P
Bluejays 發表於 2017-6-1 14:43

唔比冷河5個月嗎?
都話佢6月1號自由身啦，華納IG都開始promote新歌了，懶理點計。

kayzzz

"我找到了"歌詞 何韻詩
連同昨天所輸的一起找到了
哭泣夠了我以後要笑
這一個是我的碰上即刻知道不必揭 ...
721AXA 發表於 2017-6-2 00:58

Sor唔熟hocc啲歌

721AXA

似係新歌歌詞喎
kayzzz 發表於 2017-6-2 00:49

"我找到了"歌詞 何韻詩
連同昨天所輸的一起找到了
哭泣夠了我以後要笑
這一個是我的碰上即刻知道不必揭曉

kayzzz

「哭泣夠了  我以後要笑」

未必係講緊佢心情
而係講緊佢 歌曲類型 要由 哭泣嘅歌 變為 笑 嘅歌 ...
Bluejays 發表於 2017-6-2 00:31

    似係新歌歌詞喎

Bluejays

回復  Bluejays
咁嘅話就證實咗佢地之間真係冇阻滯，如果從新聞上話秘密落筆簽約到宜家係冇可能整到 ...
hooyaoching 發表於 2017-6-2 00:24

「哭泣夠了  我以後要笑」

未必係講緊佢心情
而係講緊佢 歌曲類型 要由 哭泣嘅歌 變為 笑 嘅歌

zethso

六月八號出新歌？

hooyaoching

回復 381# Bluejays


    咁嘅話就證實咗佢地之間真係冇阻滯，如果從新聞上話秘密落筆簽約到宜家係冇可能整到隻歌兼整埋mv
不過都幾期待係咩歌 唔通數字歌？

Bluejays

Alfred's instagram and facebook
just posted the first promo for his new song.
Time was exactly midnight of Jun 2.

warnermusichk posted (not-repost) 2 mins later.

阿mark

做咩Alfred嘅IG新post好似好大怨氣
hooyaoching 發表於 2017-6-1 17:15

被标簽唔饮水思源，唔怨就假啦！

kk8733

都錄緊歌啦
又係舒老闆
kwanie 發表於 2017-6-1 11:54

華納近期好喜歡用舒文。。

hooyaoching

做咩Alfred嘅IG新post好似好大怨氣

Bluejays

信用卡啲 expiry date，無論 年份 點樣轉，月份 都好少會轉，
就算損壞補領，expiry date 個 年份 改左，月份 都唔會改。

同一個道理，合約 都係咁。
要追縱合約嘅月份，係唔需要理會年份，可以獨立去追縱的。

另外，一向話 港姐/華姐/港男 出身的，就算做到幾紅，
佢嘅年齡都唔會係秘密，因為參選時乜都公開哂。

同樣地，其實 巨聲 啲 合約 全部互相緊扣，
當時又多傳媒報導，其實好難保持到秘密的。

Bluejays

我想問下上年林欣彤有唱片公司帮佢報名嗎？
阿mark 發表於 2017-6-1 11:35

如果有一日 坤哥 或 Hubert 要跳槽，
就要勞煩 各路 Mag粉 幫手 重組 巨聲2 啲合約 嘅 來龍去脈 喇。

我在此 鳴謝 劉威煌先生 喺 三年前 留下線索 比我地去跟蹤。

Bluejays

又係舒老闆
kwanie 發表於 2017-6-1 11:54

唉 ... 嘆氣 ...

Bluejays

回復  Bluejays
先唔理之前的舊合約了。星夢合約好可能是簽左三年, 由2014年1月至2017年1月完約, 再有六個 ...
Ching2015 發表於 2017-6-1 13:45

即係咁，simple math 話我知，
1月1日 到 5月31日 係 5個月，唔係 6個月 :P

Ching2015

回復 366# Bluejays
先唔理之前的舊合約了。星夢合約好可能是簽左三年, 由2014年1月至2017年1月完約, 再有六個月過冷河，即17年6月回復自由身。至於華納合約幾時開始應該好快會宣佈。

Ching2015

一到6月1號，星夢Facebook已經delete埋Alfred張相，雪/過冷河幾個月，應該係6月1號回復自由身啦。
https://m.facebook.com/voiceentgp/?locale2=zh_HK

Ching2015

我想問下上年林欣彤有唱片公司帮佢報名嗎？
阿mark 發表於 2017-6-1 11:35

應該無!
所以勁歌個榜都係tvb單方面決定。

kwanie

"回復自由身的歌手許廷鏗被東網率先爆，他今年在無綫「勁歌金榜」的冠軍歌曲《痛醒》被「消失」於《2017勁 ...
Ching2015 發表於 1/6/2017 11:04

都錄緊歌啦
又係舒老闆

阿mark

"回復自由身的歌手許廷鏗被東網率先爆，他今年在無綫「勁歌金榜」的冠軍歌曲《痛醒》被「消失」於《2017勁 ...
Ching2015 發表於 2017-6-1 11:04

我想問下上年林欣彤有唱片公司帮佢報名嗎？

Ching2015

"回復自由身的歌手許廷鏗被東網率先爆，他今年在無綫「勁歌金榜」的冠軍歌曲《痛醒》被「消失」於《2017勁歌金曲優秀選第一回》候選歌名單上，被懷疑與他不續約無綫有關，無綫勁歌金曲監製麥鎮東直認不諱：「係呀，因為佢完咗合約，冇唱片公司幫佢報名候選，所以咪冇得入圍。"
http://hk.on.cc/hk/bkn/cnt/entertainment/20170523/mobile/bkn-20170523210001969-0523_00862_001.html


6月3日勁歌，Alfred因為冇唱片公司幫佢報名候選，所以咪冇得入圍。即係可以自由身簽其他唱片公司啦。可能6月有消息公布同plug新歌。咁重趕得切追AP.

Bluejays

留意翻，我都等到 5月31日 先將 呢盤數 寫出嚟。

Bluejays

巨聲1 由 30強 變 26強 嘅時候，
TVB 要 26強 全部 簽 talent holding 約，
時為 2009年 6/7月。

2010年 1-3月，
TVB 再與 大部份 巨聲1 歌手 簽 經理人約，
劉威煌、鄧小巧、何雁詩 係最早簽的，
Alfred 考慮多左一段時間，所以比佢地遲簽左少少，
不過 最多都係 2/3月 嘅事。

劉威煌 係 2014年 6月 同記者講 佢剛剛變自由身。
即係 巨聲1 嘅約，
可以係 5年，用 talent holding 份約 做 start date，冇過冷河期，
或者係 4年，用 經理人 份約 做 start date，有過冷河期。

星夢 嘅約，係由 2014年 1月 開始，
TVB 冇可能比 Alfred 嘅 TVB約 到期日，早過 星夢份約 嘅到期日，
即係喺 2014年 1月 之前，Alfred 已經 加簽左 TVB 經理人約，
簽嘅時候，應該有 就住兩份約 嘅到期日 嚟簽。

理論上，回復自由身嘅月份 不出 1月、2/3月、6/7月，
wild card 係喺 過冷河期 嗰度。

Our_Souvenir

所以我一直都唔信 Alfred 會唔簽經理人約
但係估唔到星夢會咁狠心，整衰呢個親生仔個朵
仲要我睇唔出咁做 ...
cymusic 發表於 2017-5-30 12:22

   
呢個世界就係咁
反轉豬肚就係屎
愛你變成恨你
損人不利己既野都要做嘎

hooyaoching

回復 358# hkchart


    查實我相信每個歌手之所以做歌手係因為喜歡唱歌，希望唱到膾炙人口、打動人心、直闖心扉嘅歌，而唔係隨住一部劇而出，隨住大結局而終嘅口水歌。雖然話係宣傳平台大，容易積累人氣，但係絕不是符合歌手嘅初衷。所以我認為入得到星夢都係有其他原因，譬如話想紅，想有群從基礎，之後唔係話都係離巢啦。

kwanie

唔係公司之間嘅 competition，
星夢 同 Warner 嘅 地盤，河水不犯井水。

何生 最冇面嘅係，Joyce 出左首 ...
Bluejays 發表於 30/5/2017 14:53

其實Joyce成隻碟都大大巴車埋肥佬去
轉歌路轉埋唱法

Bluejays

所以我一直都唔信 Alfred 會唔簽經理人約
但係估唔到星夢會咁狠心，整衰呢個親生仔個朵
仲要我睇唔出咁做 ...
cymusic 發表於 2017-5-30 12:22

唔係公司之間嘅 competition，
星夢 同 Warner 嘅 地盤，河水不犯井水。

何生 最冇面嘅係，Joyce 出左首 女神。
重點喺 before and after 嘅 比較 度。

on07111

所以我一直都唔信 Alfred 會唔簽經理人約
但係估唔到星夢會咁狠心，整衰呢個親生仔個朵
仲要我睇唔出咁做 ...
cymusic 發表於 2017-5-30 12:22

呁你想像下jiey yung 走egg會點做.

cymusic

其實 Alfred 同 Warner 簽約，過程係咪真係 曾經 有阻滯，
由始至終只係得 東方 一個自說自話，而 東方 嘅 ...
Bluejays 發表於 2017-5-29 21:15

所以我一直都唔信 Alfred 會唔簽經理人約
但係估唔到星夢會咁狠心，整衰呢個親生仔個朵
仲要我睇唔出咁做對星夢有咩得益
定係星夢真係覺得 Alfred 係佢旗下歌手既 direct competitor ?

hkchart

^ 另想簽約加入星夢/tvb的新人真係要想清楚﹖你係EASON級數先學人講呢D 說話啦
歌唱比賽排到第N 名， 簽你不特只， 仲比隻螞蟻/出走咁既質素既歌去捧一個新人  & 谷唔起都照狂谷你咁多年,
你話要自己出面搵自己班底做歌老闆就出錢比你做, 應該話， 簽到星夢既歌手真係死好命

其他全部大公司簽親都係D 已經上位既歌手 + 創作/有唱功 OR 識跳舞既新人， 都冇咁既資源/待遇
一個百冇新人有間咁既公司簽， 要諗清楚都係諗清楚自己係咪發緊夢

Ching2015

留意翻，痛醒 轉 MV，係 5月29日。
臨近 6月，就好多動作了。
Bluejays 發表於 2017-5-29 21:22

咁講應該合約6月先到期。我覺得金堅根本一早同華納傾好哂，果的甚麼轉會有波折我一直唔信。Alfred要做牙醫，邊有時間自組公司? 柏豪走，入華納係最好選擇。臨時改變主意，玩咩?而家都快6月啦，星夢要玩都唔可以玩佢好耐啦。期待佢正式宣佈轉會派新歌。另想簽約加入星夢/tvb的新人真係要想清楚啦。

數彩虹

華納好熱鬧 唔知兩個新人點架呢，Jude碟都未出到就又多個女新人

歌手衛詩（Jill）出席跳舞比賽活動 ...
KITSTON 發表於 2017-5-28 18:16

     個「Really?」有聲噶

Bluejays

留意翻，痛醒 轉 MV，係 5月29日。
臨近 6月，就好多動作了。

Bluejays

其實 Alfred 同 Warner 簽約，過程係咪真係 曾經 有阻滯，
由始至終只係得 東方 一個自說自話，而 東方 嘅料，就一定係由 星夢 放嘅。

我之前已經提過，同樣係 巨聲1 嘅約，
劉威煌 係 6月頭 同記者講，佢 6月 開始自由身，
小巧 亦係 6月 開始去 中國好聲音 初選。

巨聲 啲 TVB 合約，係有條款註明，
約滿後 幾耐 唔可以簽其他經理人 或 亮相其他電視台的。

成件事，絕對有可能係 Alfred 同 Warner 一早已經傾掂數，
只係等呢段 過冷河期 一過，就可以公佈，
但 星夢 就趁呢段 Alfred 唔可以講野嘅期間，
作料比 東方 話 講數有阻滯，
臨到 6月 就將講法扭翻轉，話傾掂數，目的只係想寫衰件事。

我本來都相信 星夢 冇做到咁衰，
但當臨近 6月 就叫 東方 轉口風，
令我冇辦法相信 星夢 唔係喺度攪野，
因為我一直相信 6月 先係 巨聲1 啲約 嘅結束期。

Ching2015

No la
我估係 何生 唔比 Jinny 出 麻醉，要將 痛醒 獨立。

但 何生 咁 anti-麻醉，
係因為 Alfred 事前 ...
Bluejays 發表於 2017-5-29 20:30

即係佢同Jinny點friend都好，Jinny一日係星夢都唔會再有機會合唱/合作啦。不過新公司有機會同Janice, Shiga, Dear Jane合作，集中哂我最like 的男，女歌手同樂隊，重正!
其實有冇source搵到麻醉，好奇想聽下。

Bluejays

即係有其他人過檔？
kayzzz 發表於 2017-5-29 20:19

No la
我估係 何生 唔比 Jinny 出 麻醉，要將 痛醒 獨立。

但 何生 咁 anti-麻醉，
係因為 Alfred 事前冇同 何生 講，
變相係 Alfred 喺冇 Jinny公司 嘅同意下 同 Jinny 合作，
定只不過係 何生 唔可以再比其他歌手 玩自主 就唔知喇。

Technically，如果未得 Jinny嘅公司 同意，
Jinny嘅公司 有權唔准 Jinny 出現喺 Alfred 嘅 MV。

kayzzz

當歌係一樣，只係換左個 MV 嘅時候，就即係只係關個 畫面 事
Jinny 台灣演員 台灣場景 執導/攝影/後期 .. ...
Bluejays 發表於 2017-5-29 19:06

即係有其他人過檔？

Ching2015

當歌係一樣，只係換左個 MV 嘅時候，就即係只係關個 畫面 事
Jinny 台灣演員 台灣場景 執導/攝影/後期 .. ...
Bluejays 發表於 2017-5-29 19:06

如果當初過唔到可以唔上星夢official You tube, 只係Alfred personal channel 同facebook播。點解到Alfred離巢同簽華納先delete? 應該係同華納班底同留唔到人有關。

Bluejays

昨天loop過重有的, 我都唔明。下個會唔會係仁至義盡MV被消失?
可能唔關Jinny事，因為係華納班底。{:4_100: ...
Ching2015 發表於 2017-5-29 18:05

當歌係一樣，只係換左個 MV 嘅時候，就即係只係關個 畫面 事
Jinny 台灣演員 台灣場景 執導/攝影/後期 ... 任選

Alfred 自資嗰三個MV，TVB用左兩個，淨係 痛醒 唔過，即係唔關 Alfred 自資事。
如果淨係 TVB 唔播，你可以話係 電視尺度 問題，
又或者係 TVB policy 唔准用 非自己人 做演員，或者 台灣演員/場景 冇簽 release form，
但而家連 星夢 youtube 都 delete 埋，範圍就收細左好多喇。

Ching2015

星夢 youtube channel
今日剛剛將 痛醒 喺台灣拍 有 Jinny 客串嗰個 MV delete 左，
換翻 勁歌版 嗰個上去 ...
Bluejays 發表於 2017-5-29 17:39

昨天loop過重有的, 我都唔明。下個會唔會係仁至義盡MV被消失?
可能唔關Jinny事，因為係華納班底。

Bluejays

星夢 youtube channel
今日剛剛將 痛醒 喺台灣拍 有 Jinny 客串嗰個 MV delete 左，
換翻 勁歌版 嗰個上去。

我一直好好奇，台灣拍嗰個嘅 copyright 邊度出左問題，
攪到 星夢 竟然肯出錢重拍。
我之前傾向相信係 台灣嗰邊 有人冇簽到 release form
（應該唔關 導演組 事，因為 你在我在 同一班底），
但現在我傾向相信 係因為有 Jinny 客串出鏡 嘅問題。

唔知仲會唔會有其他野陸續消失。
Playlist 就已經冇左架喇。

Ching2015

華納好熱鬧 唔知兩個新人點架呢，Jude碟都未出到就又多個女新人

歌手衛詩（Jill）出席跳舞比賽活動 ...
KITSTON 發表於 2017-5-28 18:16

轉投華納都好，有機會出快歌/跳舞歌。

Ching2015

睇來肥仔鏗好減肥囉，期待佢出新歌，咁柏豪95%去英皇啦。
angelicdestiny 發表於 2017-5-28 04:44

之前廋過，休息左幾個月又肥番。遲的要宣傳同拍廣告，MV應該會有motivation去減。

KITSTON

華納好熱鬧 唔知兩個新人點架呢，Jude碟都未出到就又多個女新人

歌手衛詩（Jill）出席跳舞比賽活動，Jill聽到強勁音樂時忍不住聞歌起舞，郁身郁勢，她謂：「加盟華納之後都未有機會出快歌，好掛住跳舞。」Jill稱讀小學時曾參加跳舞比賽，最後攞了第一名。

講到許廷鏗（Alfred）落實加盟華納成為同門師弟，Jill聞言驚訝說：「係咩？Really？我唔知呀，我只知道公司簽咗有兩個新人，一男一女，話個男仔有少少似柏豪，識彈琴，依家有埋Alfred咁多人好熱鬧。」Jill笑言以後可以找Alfred幫手洗牙。問到想不想跟對方合作時，Jill：「都想呀，不過佢唱K歌多，襯我家姐多啲，咁一係我哋一齊唱快歌又跳又唱啦。」

http://hk.on.cc/hk/bkn/cnt/enter ... on=hk_entertainment

angelicdestiny

睇來肥仔鏗好減肥囉，期待佢出新歌，咁柏豪95%去英皇啦。