michaelycy_2007

其實繼續簽TVB同星夢對佢無壞處
原因係:
1. 前幾年雖然佢係星夢人, 不過唔係首首歌都要類似班底, 老闆仍然放手比佢自己造歌
2. 電視劇歌曲雖然903封殺, 不過好在點擊率同電視播放率高, 家傳戶曉 (例如護航, 記住忘記我, 歲月無悔)
3. 有D亮相電視比電台更有用吧

如果佢堅持轉會或者離開TVB, 我暫時見唔到咩佢說服力原因
除非
1. 佢離開TVB之後歌曲風格或者班底上比宜家可以更大突破 (不過呢個論點不合理, 因為宜家D歌已經可以有自己班底)
2. 佢斷TVB關係會為佢帶來其他利益

michaelycy_2007

TVB同903, 根本上係對立, 明顯佢係不甘自己D歌903成績差, 連首痛醒都上唔到榜, 覺得係因為自己係TVB局限佢903發展, 所以決心離開

不過根據前人經驗, 呢種人以後只會比TVB封殺, 即係佢D歌以後都只會三台冠, 甚至997之後捧唔捧佢都成疑, 佢可能覺得903 D獎珍貴過TVB, 不過最終只會有獎無人氣, 做網絡紅人不過唔再入屋, 收入更加唔洗講, 好彩佢有另一份工, 加上屋企有錢, 歌手呢個職業從來都唔係要賺錢, 所以先有本錢得罪TVB, 被電視台封殺

michaelycy_2007

Maslow's hierarchy of needs --> self-actualization永遠係放最後

當你咩都無, 自然想好快咁有D基本野, 所以無論藝人定歌手, 未紅時都必定投靠TVB, 紅左之後覺得TVB局限自己發展又多限制, 所以走

一句到尾: 人不為己, 天誅地滅
不過奉勸佢一句: 記得飲水思源

michaelycy_2007

林峯咪係樣版咯，以為離開tvb好掂，宜家d歌係就係上到903，仲好似有首冠軍添，不過估計無乜人會記得佢上 ...
阿mark 發表於 2017-5-11 00:17

    不如我舉個相反例子: 陳柏宇
    自從2015年願意亮相TVB之後人氣急升, D歌傳唱程度都高左好多, 證明TVB對於歌手知名度真係好有幫助

    就算天王天后李克勤容祖兒都唔會願意同TVB反目, 你頒獎比佢地, 人地都會多謝架, 證明去到呢個級數都希望同傳媒保持良好關係

    如果只靠網絡而無傳媒, 歌手肯定死得

michaelycy_2007

任何一個對唱歌有heart嘅人都唔會想自己日日唱電視歌搞到每隻碟tracklist都九唔搭八
尤其佢唔算等錢使 又算 ...
JayantL 發表於 2017-5-11 00:57

    電視劇歌同自由度係兩件事

    佢係星夢, 我見唔到佢有D咩係無自由, 歌曲班底完全自由, 工作種類又任揀, 唔拍劇就唔拍劇, 我唔覺將來佢會有更大自由度, 原因係現時佢自由度已經近乎maximum, 除左無得亮相其他電視台, 不過我唔覺得亮相其他電視台會幫到佢音樂

    至於電視劇歌曲, 就算佢一年唱10首電視劇歌, 都唔代表佢唔可以同時自己造歌, 兩樣野性質不同, 電視劇歌宣傳電視劇同幫佢入屋, 自己D歌就表達自己理念, 完全無衝突, 佢離開TVB之後無錯係完全無晒電視劇歌, 不過唔代表佢可以造到更多其他歌, 因為以前佢已經係同時造兩種歌, 反而無左電視劇歌, 佢一年D歌會少左添, 可能由20首減到10首 (只是例子, 並非真實數據)

michaelycy_2007

任何一個對唱歌有heart嘅人都唔會想自己日日唱電視歌搞到每隻碟tracklist都九唔搭八
尤其佢唔算等錢使 又算 ...
JayantL 發表於 2017-5-11 00:57

    TVB無錯係無幫坤哥宣傳過D歌, 不過佢整體亮相率高, 仲係平日黃金時段, 對佢個人整體人氣已經好有幫助啦
    我同TVB保持良好關係唔係為冠軍歌或者D獎, 而係亮相電視台宣傳自己

    如果許廷鏗離開星夢不過繼續TVB經理人約, 最多勁歌金榜成績差D, 不過人氣問題應該不大, 至少叫維持到

michaelycy_2007

一直覺得佢好大野心同自視好高，可能因為出道以來都一帆風順，而且佢唔使憂柴憂米又有後路，想出去搏一搏可 ...
Crooks 發表於 2017-5-11 10:55

    學術討論: TVB/星夢改革方針應該係...?? 呢個係我一直非常希望引起討論既話題, 可惜人人只係懂鬧, 我都好想知可以點樣變先會更好

michaelycy_2007

支持佢嘗試唔同公司，佢唔係唔飲水思源的人
見佢好有義氣，佢支持佢班戰友可見佢的義氣
佢出歌為同事亦可見 ...
simpleme 發表於 2017-5-11 11:05

    即使唔轉公司一樣可以成功, 謝霆鋒, 容祖兒, Twins都差唔多20年

michaelycy_2007

其實alfred算唔算係星夢自由度比較大嘅一個？至少唔使一直出罐頭歌／主題曲 ...
newguy 發表於 2017-5-11 12:10

    TVB谷一個人只有靠劇集歌, 如果係非劇集歌, 即使係星夢人, TVB只好比冠軍歌佢, 宣傳方面做唔到D咩, 所以當歌手人氣低, 唱劇集歌比非劇集歌更有效提升人氣, 好似HANA咁, 如果佢唱我的志願, 根本唔會有100萬點擊率

    不過當一個歌手人氣高左之後, 老闆自然放手比佢造自己歌啦, 因為及使TVB唔宣傳, 首歌成績都唔差

michaelycy_2007

許先生其實無真正為TVB貢獻過D咩
相反TVB真係幫左佢好多, 你離開難道要TVB繼續捧你?

相反有D藝人為TVB帶來電視劇高收視, 即使佢離開向外闖, TVB仍然會願意保持良好關係, 期望他日回巢拍劇

michaelycy_2007

周柏豪有否機會簽TVB?

michaelycy_2007

個人認為，首要係放棄壟斷，睇到自己班歌手有幾多人討厭，都未明物極必反呢個道理？然後再檢討星夢究竟有 ...
Crooks 發表於 2017-5-11 18:08

    只要解決到電視劇歌曲來源, 星夢就可以bye bye
    星夢設立目的就係製作電視劇歌曲, 捧人只係其次

    不過現時電視業根本好差, 就算多幾多個電視台都無用, 節目收視無可能回復到以前, 因為宜家網絡發達, 觀眾可以透過網絡重溫節目, 咁收視低廣告自然少, 收入少, 資源投放就要更策略性, 主攻劇集而放棄兒童及音樂節目

michaelycy_2007

如果無版稅事件就唔會有星夢呢間公司
阿mark 發表於 2017-5-11 19:28

    因為以前有好多其他歌手願意唱劇集歌, 遲下套舊劇蘭花劫, 主題曲由陳慧琳唱

michaelycy_2007

版稅事件改變成個樂壇，其實宜家d劇集歌都唔係好差，只係成日得果幾個歌手唱，所以d人就好反感咯 ...
阿mark 發表於 2017-5-11 19:35

    非常同意, 只係要改變並非易事, 提升音樂節目質素要金錢投入, 但係錢從何來呢? 劇集歌歌手要多元化一D, 但係人從何來呢?

michaelycy_2007

真係好鬼正, 正過好多星夢劇集歌
boy4dudes 發表於 2017-5-11 20:35

    呢點同意, 不過現時難以再有如此製作, 並非因為星夢出現, 反而係因為難以再有人願意製作劇集歌先要有星夢出現

michaelycy_2007

除了Kay媽媽 - 兩生關, 孤嶺花, 諸神混亂製作真係算頂級
boy4dudes 發表於 2017-5-11 21:12

    班底外判, 人地時間都多D, 質素自然高D

michaelycy_2007

見IG 好似錄緊新歌。。應該好快知咩新唱片公司啦。
kk8733 發表於 2017-5-11 21:14

    呢個人已經進入我黑名單, 罪狀係: 自視過高, 忘恩負義

michaelycy_2007

理解佢點解唔想唱tvb歌，但亦都唔覺得佢有咩藝術造詣或唱功或獨特風格去handle自己音樂製作。 ...
loowee 發表於 2017-5-11 22:41

    其實唱TVB歌有咩壞處呢?

    如果佢一年有quota, 例如10首歌, 你唱得多TVB歌就少D自己歌, 咁你拒絕唱TVB歌係絕對理解
    不過現實係你一樣可以唱10首自己歌, 只係呢10首之上加多幾首劇集歌, 有何不妥呢? 對佢個人有咩負面影響呢?

    唯一我可能聯想到既壞處係: 佢一日係TVB人, 903都唔會落力捧佢上頂峰

    By the way, 假若佢唔係TVB, 人地金像影后會為佢拍MV???

michaelycy_2007

如果TVB既音樂部真係做到好歌既又點會走?
問題係何生根本唔識做而家既歌手
淨係用上一代既方法黎做佢地咪 ...
艾石仔 發表於 2017-5-11 23:11

其實何生淨係想做喲洗腦劇集歌取悅師奶或者睇電視既人然後自high覺得好hit，
根本唔追求歌曲質素，唔係想 ...
nbhddddd 發表於 2017-5-11 23:28

如果你要完全獨立自主, 任何歌曲都自己話事, 恐怕你只適合存在於自己世界

就算強如天王天后, 自主性會好高, 不過都唔係100%自主, 香港回歸D歌曲你覺得係唱片公司定歌手自己接?


當然, 有一點我好同意, 劇集歌藝術性係會低D, 因為目的只係HIT, 推高套劇集收視
不過偏偏有藝術性既野唔係人人懂得欣賞, 所以如果歌手有腦, 應該兩樣野都做, 令到自己HIT先, 然後做自己想做既野
香港中產真係好少, 好多低下階層只懂欣賞洗腦歌

michaelycy_2007

而家唔係紅完全獨立喎, 我亦無講過獨立
只係同其他歌手合作,
你見過去咁多project 何生有無推過?
搵邦邦寫 ...
艾石仔 發表於 2017-5-11 23:53

    好老實講, 我唔見得許生係星夢有D咩係佢想做不過老闆唔比
    班底真係任佢揾, D歌都有宣傳, 我唔明咩叫無推過, 如果咁都叫無推過, 咁點先叫有推?
    當然, 星夢有好多歌手無佢咁大自由度, 不過我好肯定許生自由度已經係maximum

michaelycy_2007

當你已經呼風喚雨, 我真係唔明你仲可以埋怨D咩?
做人要懂得感恩, 不要自視過高, 不要覺得自己所有成就都只靠自己

michaelycy_2007

好懷念以前華星，有自己歌，有劇歌，兩樣都 hit
星夢真係好難Copy 到，假如黎小田肯幫星夢一把就好了{:1_16 ...
venus 發表於 2017-5-12 00:18

    其實許生都算兩樣都HIT, 護航, 記住忘記我等等劇集歌, 我的志願, 仁至義盡等等自己歌都OK HIT

michaelycy_2007

其實 Alfred 同 何生 嘅志願 都完全成立，冇話 邊個啱 邊個錯。

Alfred 絕對有能力幫 何生 達成 何生 嘅志 ...
Bluejays 發表於 2017-5-14 01:41

    Bluejays先生, 讀完你咁多留言, 我真係萬分佩服, 你D分析實在太一針見血了... 你用紅白鬥做例子, 完全係因為你已經清楚晒成個TVB運作同所有事情起因

    我十分同意係香港歌手質素不及從前, 知名度低, 所以TVB先無心做音樂, 因為就算點做都無人留意, 反而白白浪費黃金時段

    反而我想講番許先生, 我可以幾肯定, 佢日後被TVB封殺後, 903大機會力捧, 首首冠軍, 變左陳奕迅2.0, 可能都有大量三台冠, 宜家903暫時4冠, TVB暫時21, TVB應該無得再多架啦, 903就會勁升, 不過903未有21首之前, 佢應該已經退出樂壇, 因為其實無左TVB呢個平台, 佢唔會做到佢想做既野, 佢成日話希望透過自己D歌去影響時下D人, 不過無左電視, 唔識你既人只會繼續唔識你, 最後得番一班死忠粉絲, 最後點都會心淡

    相反, 如果佢能夠做到TVB只係唔捧佢, 不過又未去到封殺, 即係勁歌無冠, 無大獎, 不過籌款節目仍然有得上下, 咁就唔同講法

michaelycy_2007

我想補充一句, TVB宜家個難關就係究竟我要精英主義定民粹主義

香港大部分市民都並非一D有藝術觸覺去欣賞高階或者藝術性較高既音樂, 所以AGA, GIN LEE, JAY FUNG, 胡琳所唱呢D旋律性較低既音樂類型, 係難以有大市場, 除非香港市民整體素質或者音樂素養大大提高

michaelycy_2007

有同感，覺得Alfred簽華納比較好，華納網上宣傳好勁, 之前柏豪都唔需要靠TVB啦，何況Alfred一早已經入左 ...
Ching2015 發表於 2017-5-16 10:50

    入左屋係以前既事, 不代表永遠, 林峰已經係好例子

michaelycy_2007

我覺得TVB唔會做到完全封殺... 因為真係冇人可用... 同埋始終Alfred 係TVB出身既IMAGE 太深入民心~~~  ...
ashleylin 發表於 2017-5-16 08:35

    我不會看得過分樂觀, 你主動同人反面, 我係對方都唔會優待你, 大家和平分開就話姐

michaelycy_2007

其實我好強調, 每人都可以轉公司, 就算TVB全職藝人, 離開TVB北上發展, 探索更多可能性, TVB好多高層都話 歡迎, 而且都唔會封殺, 吳卓羲, 廖碧兒離開後同TVB一直保持良好關係, 原因係佢地和平分開而係同TVB反面, 我覺得面子對公司而言好重要, 你同我開火, 我唔封殺你先奇, 醒目D就應該話感謝公司過去栽培, 而唔係數TVB有幾差, 除非你甘願被封殺

michaelycy_2007

睇佢條條comment都狙擊緊鏗鏗
一就係打手 一就係對熊貓專一至死嘅fans ...
JayantL 發表於 2017-5-16 22:31

   非也, 我有留意熊貓, 不過只係留意咁大把, 同死忠粉絲差好遠

FYI 樓上係容粉同大台粉
kayzzz 發表於 2017-5-16 22:39

   你可以咁講

佢唔係狙擊緊 Alfred，佢係真心想 Alfred 好，
但係佢覺得 Alfred 要留喺 TVB 先會有前途。 ...
Bluejays 發表於 2017-5-16 23:22

   真係非常感激你咁明白我!!! :)

michaelycy_2007

其實我只係議事論事, 雖然當中可能夾雜左D個人意見
我都唔想多解釋, 有片有真相, 睇完你地就會知道咩叫口是心非, 同埋人可以有幾善變
http://hk.on.cc/hk/bkn/cnt/enter ... 1209_00862_001.html

BTW我完全無心針對華納, 華納係一間好公司, 我只係不滿許廷鏗呢種不懂飲水思源既行為

michaelycy_2007

點解佢又會話合約仲有好耐，但之前又會講面對轉會關口...
好假
John 發表於 2017-5-17 14:56

    對呀, 許生真係好假

michaelycy_2007

TVB 啲合約，at least 巨聲嗰啲，係有條款註明，
約滿後 幾耐 唔可以簽其他經理人 或 亮相其他電視台的。 ...
Bluejays 發表於 2017-5-17 19:09

    我所在乎並非合約期差幾耐, 而係以下紅色字D位

近日有指歌手許廷鏗（Alfred）將離巢星夢唱片，他出席無綫盆菜宴時與星夢老闆何哲圖孖住受訪僻謠，Alfred為過檔傳聞作出否認，並指合約仍有頗長時間：「呢幾年都好多呢啲傳聞，所以都唔想解釋咁多，唔想畀人放大講。（對公司好有信心？）我做得好開心，好似之前陳柏宇咁，都會效忠公司。」何哲圖表示跟Alfred合作開心，雙方溝通良好，問到會否花更多資源在Alfred身上？何哲圖交由Alfred作答，Alfred說：「公司畀我自由度好大，好似之前鮑起靜未過嚟無綫，Herman（何哲圖）都搵到佢幫我拍MV，呢種係大家咁多年嘅默契。」何哲圖大讚Alfred經常有新鮮意見，拍MV亦有不同版本，吸引更多瀏覽，Alfred乘機宣傳新歌，表示MV中喊得很激烈，網上點擊成績理想。

   如果係真話, 真係無理由要走, 如果係假話, 明顯佢個人好假

michaelycy_2007

廖碧兒? 定係你想講胡杏兒?
仲有而家邊個同 TVB 開火?
邊個數緊 TVB 有幾差? ...
Our_Souvenir 發表於 2017-5-16 20:47

    我指唱 實情 果一位

michaelycy_2007

傻既， 娛樂圈有幾多個人係真性情， 係既話就會比你話串/自大/唔識做人， 不過
我又覺得個肥佬一D 都唔抵可 ...
hkchart 發表於 2017-5-17 20:08

    何生當聽眾係下屬
    許生又何嘗唔係當身邊所有人都係下屬? 咩都要跟自己主意去做, 目中無人

michaelycy_2007

唔只係娛果園啦
做邊行都要識得講野
matthew1990 發表於 2017-5-17 20:15

    不用唔洗講反話講到咁呀......
    好大自由度, 好開心, 效忠 --> 呢D用詞如果非真心話, 真係無需要講, 只要話傳聞呢D野唔回應咁多啦, 咁已經可以啦

michaelycy_2007

如果你係真心想 Alfred 好，就要學識放開。

你想佢喺 TVB 得到嘅，只係用嚟滿足你自己，
正如 怪獸家長  ...
Bluejays 發表於 2017-5-17 20:47

    你個怪獸家長比喻都好貼切, 都好多謝你不斷回應我D留言 :))

    不過我最想講既係: 我宜家開始認清楚許生係個點既人, 無論佢將來條路點走, 至少已經比我覺得佢為人假, 誠信有問題

michaelycy_2007

如果你以為得你撐 TVB 同 星夢，以為自己喺度孤軍作戰，
所以要強調 TVB 有幾好，Alfred 唔應該放棄 TVB  ...
Bluejays 發表於 2017-5-17 21:01

    我個人認為

    1. 離巢與轉會: 難分誰對誰錯, 是非對錯好大程度上係主觀同個人意見

    2. 誠信: 對錯就係黑與白, 你講左一D野, 之後無故180度改變之前態度, 好難令人覺得你係對

    我現時對(1)尚可看淡, 不過許生(2)好有問題, 效忠與離巢, 明顯係基本價值上互相違背, 佢口話效忠, 幾個月後就離巢, 誠信真係破產

michaelycy_2007

我其實都想Alfred留係星夢/TVB，可以開紅館及年底爭獎，但都尊重佢的決定。係公司年年都大把同事轉工啦， ...
Ching2015 發表於 2017-5-17 21:42

    無錯你係可以唔講關於續約問題, 不過我諗你應該唔會主動話好愛公司同會效忠掛...

michaelycy_2007

點解要咁執著「效忠」依啲字眼？
佢只不過係話有jason「效忠公司」單新聞，之後就話覺得做得開心好緊要。
...
DinG² 發表於 2017-5-17 22:01

    1. Argumentation: 論證自己論點的過程, 不應該加入沒用的論據

    2. Maxims of conversation: 兩個人溝通過程中不會加入與話題無關的內容

michaelycy_2007

見到咁多人維護許先生既誠信, 令我更加覺得周議員好慘...

michaelycy_2007

幾鍾意喺依啲咁唔academic嘅topic都見到依啲theories
但你都識講「不應該」，啲theories、maxims有幾多真 ...
DinG² 發表於 2017-5-17 22:46

    句「唔係」的確已經出賣左佢, 不過佢仍然要兜, 佢舉陳柏宇個例子明顯有用意, 唔會隨隨便便講, 只係唔知佢當時究竟點樣諗

    無論如何, 佢講過咁多句野, 如果句句都係真話, 一定唔會出宜家呢個結局

michaelycy_2007

唔係多人維護
只係大家對於許生一直以黎既應對都理解
而你就一直執著係一 d 唔應該執著既野上 ...
Our_Souvenir 發表於 2017-5-17 23:07

    我都唔想執著於一D唔應該執著既野上, 只係見到社會上太多人都執著於一D唔應該執著既野上, 比我一個感覺係, 人講或者無講任何一句說話, 都要為自己行為負責

    許先生係咪應該向公眾解釋一下: 究竟邊一句先係真話呢?

    周議員就係因為遲左少少交代一D野, 宜家D反對派圍攻, 證明早D主動講晒所有野對自己有利無弊

michaelycy_2007

解咩釋啫 多舊魚

而家大眾好似都冇覺得佢誠信有問題喎
暫時得你一個狙擊佢之嘛 ...
Our_Souvenir 發表於 2017-5-17 23:33

    我想講, 如果所有人都覺得佢誠信有問題, 就唔會得我一個係度講, 佢一早要好似周議員咁出黎向公眾解話啦

    真係好唔公平, 許先生講野可以唔洗負任何責任, 周議員就慘到被彈劾 (其實佢並無許先生咁言行不一, 只係未透露事實全部)

michaelycy_2007

你咁講 我反而想要求何哲圖出黎解釋多 D
點解一開始實牙實齒話世紀賤男同狐狸精冇拍拖
但第二日對狗男 ...
Our_Souvenir 發表於 2017-5-18 20:19

    兩點回應
    1. 何哲圖並非當事人, 不知情都唔定
    2. 如果何哲圖知情, 講大話當然有錯, 應該道歉, 但係同許先生件事無衝突, 許先生同樣有錯

michaelycy_2007

^ 因為行業唔同囉， 做歌手就算係大話精都至多比網民插， 老闆繼續BUY就得

講左咁耐其實大部份人既POINT都 ...
hkchart 發表於 2017-5-18 20:15

    其實好老實講, 公司無左許先生真係無損失, 星夢youtube點擊率最高D歌都唔係許先生D歌, 而係劇集歌

michaelycy_2007

真心想知, 呢度有邊個係真心 (無條件) 鍾意 / 支持許廷鏗?

michaelycy_2007

希望快點出
    真心想聽
simpleme 發表於 2017-5-19 23:08

    見大家對佢動態咁雀躍, 睇黎佢都好多忠粉, 不愁無公司

michaelycy_2007

作為一個從出道就開始留意既FANS黎講
個人覺得 阿佛 其實宜家既地位有D 唔上唔落
只可以講系 星夢一哥  拿 ...
steven891026 發表於 2017-5-23 01:07

    相當中肯呀, 現時遭TVB封殺, 星途都難以更上一層樓, 雖然音樂夢可以繼續追

    佢應該估唔到TVB會全面封殺, 所以可以話失預算, 就算要同TVB破冰, 相信也非一年半載之事

michaelycy_2007

優秀選連雙週冠都ban就知係全面封殺了，其實903俾奬佢，可能都同星夢quota有關，唔係好信佢離開星夢，90 ...
阿mark 發表於 2017-5-23 11:18

    佢宜家實知死啦, 不過當初走既時候可能無預計到被封殺

    903會比quota星夢? 他們可是敵人呢......

    最男5強不入代表佢樂迷根本實力有限, 佢D人氣全靠TVB

michaelycy_2007

2014 fred 新人銅
2015 /
2016 alfred 男銅
阿mark 發表於 2017-5-23 14:37

    不過新人以外, 903幾乎全面封殺星夢 (即使非劇集歌)

michaelycy_2007

唔計alfred，非劇歌係咪得: 無名氏、熊貓、炮火、情人自擾有上榜？
阿mark 發表於 2017-5-23 14:46

    何雁詩 只想可以跟你走 太想討好你
    鄭俊弘 風沙 一個人的永恆 驚
    胡鴻鈞 讓我放開 明知故犯 如夢初醒
    譚嘉儀 ALL

    全部封殺

    如果呢D歌手係許生走左之後即刻上榜, 就論證到你quota論正確