Crooks

一直覺得佢好大野心同自視好高，可能因為出道以來都一帆風順，而且佢唔使憂柴憂米又有後路，想出去搏一搏可以理解，衰左大不了專心睇牙。

其實ph同shiga一直都另有經理人公司starz people（即hmv收購左嗰間），所以唔簽經理人約唔一定係問題，睇下個deal點傾啫。總係覺得欣宜對佢影響好大，之前傳一齊自組工作室，而家睇黎好大可能。

睇見星夢搞成咁，突然有啲同情何生，佢的確好錫好偏心alfred，佢嬲同要封殺呢個「反骨仔」都係人之常情。其實tvb點差都仍然係最大最有效嘅宣傳平台，真心希望經過今年發生咁多事，何生何太會醒覺，徹底改革下tvb/星夢嘅發展方針，搞到犯眾憎咁何必呢？

Crooks

轉會係正常事，佢公司個個出事先覺得佢可憐，佢大方D啦
simpleme 發表於 2017-5-11 11:14

如果你係老細，悉心栽培一位下屬，比最好嘅job佢，年尾比最大份bonus佢（and all at the expense of your other staff)，然後佢一個屈尾十話走，你嬲唔嬲？尤其藝人係長線投資

Crooks

學術討論: TVB/星夢改革方針應該係...?? 呢個係我一直非常希望引起討論既話題, 可惜人人只係懂鬧,  ...
michaelycy_2007 發表於 2017-5-11 12:38

個人認為，首要係放棄壟斷，睇到自己班歌手有幾多人討厭，都未明物極必反呢個道理？然後再檢討星夢究竟有冇存在嘅必要。

其實，如果tvb可以將音樂策略還原到版税事件前，已經係好大進步。睇而家佢同Sony嘅友好關係，版税應該唔再係問題，環球唔賣你賬，只因覺得你太廢（其實環球自己都唔見得有幾風光）。但世界好現實，只要做到有質素又有口碑嘅節目，一定大把人排住隊上，睇下李克勤都肯上咩流行經典唱歌就知。所以我覺得，與其將精力花喺捧班親生仔女但又吃力不討好，倒不如先focus做好音樂節目、做返好勁歌，打好同唱片公司關係好過啦！

Crooks

非常同意, 只係要改變並非易事, 提升音樂節目質素要金錢投入, 但係錢從何來呢? 劇集歌歌手要多元化 ...
michaelycy_2007 發表於 2017-5-11 20:17

連容祖兒都唱劇歌，何以見得冇人肯唱？起碼同星夢班歌手同level嘅都一定lur飯應，少錢都唱，因為人人都知唱劇歌可以入屋，睇下hana一首歌就彈出。

至於音樂節目，係有冇心做多過有冇錢做嘅問題，其實之前星夢傳奇都唔係咩大制作，一樣做到有noise。就算tvb真係冇咁creative諗唔到新野做，外國甚至大陸都大把音樂節目比你參考。最簡單將我是歌手搬過黎，搵啲新新舊舊唱家班黎唱，我相信收視都一定唔會差。

Crooks

如果搵其他唱片公司既歌手唱
最後咪又係變睇公司分獎
信唔信蛋蛋一堆暗星拎哂啲大獎?

如果搵自己藝員唱
...
matthew1990 發表於 2017-5-12 22:08

咪就係睇tvb有冇決心改革同做好件事，如果又係勁歌個陣容就嘥氣啦！

Crooks

呢樣好睇電視台同唱片公司既勢力差如果用番我是歌手比, 人地芒果台喺大陸咁多人睇
而且大陸個市場咁大, 唱 ...
matthew1990 發表於 2017-5-13 10:15

其實我寫嗰段野係有人問如果tvb要改革音樂方針可以點改，如果tvb真係做，當然要有全盤計劃，拎去同唱片公司傾，講到尾唱片公司都係睇利益，而家就係因為覺得你個垃圾勁歌冇value先唔比面你。我亦從來唔會低估tvb嘅影響力，你覺得劉佩明/何雁詩定Aga知名度高？Tvb肯制作一個重頭節目，擺prime time播，隨時可以令幾個歌手成功上位/翻生。我是歌手只係例子，有心做絕對可以創新節目形式，亦毋須一定要搵到天王天后級數黎唱先有吸引力。只要節目個頭開得好，就會有更多彈藥去bargain，更容易平衡各方利益，甚至請到大星黎做嘉賓。

不過我都係ff下，係我覺得星夢衰到貼地，tvb係時候睇睇未來個方向啫，可能何生何太覺得一啲問題都冇呢！