skyhorse1111

我係覺得中國隊今年喺選人方面有d高估左替補主攻同副攻既能力。喺接應同副攻冇絕對進攻實力下，如果想攞冠軍，要有一傳保障先可以做到戰術令多點開花。所以替補主攻冇左小惠的話，我會寧願栽培汪慧敏(國內唯二保障型主攻?)做Grothues 2.0，或者轉王夢潔做後排防守球員幫助度輪，至於進攻型主攻嘅小彤同李靜二選一就夠用。

副攻方面，我都預計到今年一傳水平會下降，影響快攻戰術，所以我會覺得攔網比快攻實用得多。與其對攻攔平衡但唔出眾嘅王媛媛委以替補重任(或打造鄭益昕接班楊珺菁)，我覺得王辰玥應該有用ｄ，起碼聯賽上佢嘅定點攔網能力遠勝前兩者(甚至好過小袁同高意)，如果喺國家隊集訓再執下ｄ動作手型，面對強力接應應該大機會ｄ攔到些少。

skyhorse1111

呢幾場其實都有用王夢潔做後排防守
但係效果非常唔理想 雖然關鍵時候有所發揮 但整體黎講 佢起得好少波 而 ...
chanchan0909 發表於 2017-8-6 11:44

始終都係一傳問題，尤其對serbia呢d發球勁嘅球隊真喺特別困難。所以我意思係淨係用林莉做自由人，王夢潔就專喺每局局中/局尾換入頂替劉曉彤/張常寧保一傳，始終佢喺四川隊頂一傳都唔錯，宜家感覺中國隊成日都卡輪……

skyhorse1111

但國內聯賽打得好或者成功率高嘅人唔一定喺國際上面有好好嘅得分能力
李靜同陳麗怡就係例子 仲好記得 Jenn ...
chanchan0909 發表於 2017-8-6 18:04

李靜同陳麗怡喺省隊都有對角幫手保一傳，自己主力進攻，咁嘅體制好難叫地方教練集中練佢地一傳。反之，汪慧敏喺李靜嘅存在下，應該會繼續做主力嘅對角保一傳同後排防守，同時亦見到佢嘅扣球手法變化多左。要做到Grothues咁樣場場有近4成嘅得分率可能仲有難度，但要做到Malesevic咁稱職嘅保障型主攻應該仲ok！

skyhorse1111

李靜同劉曉彤其實我會prefer前者，始終後者2020年都31歲，雖然冇嚴重傷病，但以亞洲球員黎講真係有d老，攻擊力未必可以維持到。李靜喺大獎賽後期扣球成功率都提高到近4成，而且喺浙江體制嘅訓練下，本身防守能力就高d，要做倫奧週期嘅劉曉彤2.0未必唔得。不過當然希望有更多後起之秀可接班啦

skyhorse1111

http://sports.qq.com/kbsweb/game.htm?mid=100002:20456
肥思做guest host lol

skyhorse1111

係咪沈靜思
喺街到仲未有得睇場比賽
chanchan0909 發表於 2017-9-5 16:05

   ysys

skyhorse1111

感動 即使唔喺國家隊都仲係好關心呢個團隊 證明佢地嘅關係都非常好  ...
chanchan0909 發表於 2017-9-5 16:18

仲要講得唔錯, 好過馮坤, 有望接班李穎HAHAAAA

skyhorse1111

腦殘人話會放水就真係唔會，不過既然已鎖定冠軍，我同意可以用半主力出賽，始終呢個係今年最後一場大賽賽事，對住發球防守都強嘅日本，俾刁琳宇試下主打、王夢潔練一傳都無妨……

skyhorse1111

唔會啦 中國從來都係唔會比任何機會日本
chanchan0909 發表於 2017-9-10 18:08

如果要用呢個陣容先僅僅贏到都幾需要憂慮，因為2020年場上就會有3個三字頭球員，以中國黎講真係老將lolbtw小蘋果聯賽表現普通，但黎到大賽d狀態感覺好左好多wor hahaaa

skyhorse1111

咁後面 3 年仲有好多比賽可以比佢地發揮架嘛
chanchan0909 發表於 2017-9-10 18:24

如果郎平做主教練就唔驚新人冇機會上場，但安導………睇住佢大獎賽分站講一套做一套真係有d擔心玩殘d老將同朱婷lol……(touchwood)
尤其見到顏妮有肩傷同丁丁有腰傷都咁搏命……

skyhorse1111

其實海膽已經好好 喺國內現役二傳領先其他二傳幾條街
chanchan0909 發表於 2017-9-10 18:39

係好好…佢個省隊得佢一個二傳撐住…每場剩係可以有一輪攔網被換出“休息“下= ="btw日本二傳sato雖然第一年主打，但感覺好似好過宮下遙lol

skyhorse1111

乜唔係富永主打咩
Stanley 發表於 2017-9-10 18:52

應該未分邊個主打掛？anyways不過傳球思路同穩定性都幾好

skyhorse1111

喺到都想表揚一下另外 4 隊嘅教練
八一雖每場主力都一樣
但起碼去到後面都會比替補發揮
恒大用全新陣容
大 ...
chanchan0909 發表於 2018-1-3 19:47

我都幾唔同意大部分嘅睇法哈哈…因為聽落有d高估左中國排超同教練嘅實力。上海肯用替補應該純粹因為主力太多老將，而且其餘主力年輕球員都日漸成熟，所謂嘅替補其實已經係佢地半主力陣容。
恒大嘅本土球員，包括主攻副攻二傳實力相若（但都唔強），換左都冇大差距，換陳佩妍我估都只係因為卡里羅體力唔太夠吧，不過好嘅係睇得出幾個外援嘅加入真係提升左本地球員嘅訓練同技術水平。
北京就仲奇怪，搞左咁多年竟然都冇諗過培育自家二傳手（仲以為陳馨彤永久轉會原來又唔係），副攻一個冇進步一個大傷今年先勉強用左一少陣關瑞格，年年淨係想搵外援內援填補空缺。好在國家隊幫手train左幾個新人俾佢用，又咁啱rachel傷左，所以幾個主攻接應先有機會上場。
八一就尚算正常，小袁終於成熟好感動，其他主力都幾年輕，有困難先換人援沖下都俾到佢地累積經驗，只係兩位主攻同自由人嘅一傳始終唔太好，所以唔睇好。

skyhorse1111

丁霞嗰邊情況更慘 ...有個咁嘅教練唔使指意有得抖
第一階段最後兩輪打福建
已經確定對方唔會出線之下
仲係 ...
chanchan0909 發表於 2018-1-3 19:35

遼寧就真係同意，副攻二傳明明有ok嘅替補都唔用多d，中國隊仲要靠顏妮丁霞打世錦賽lol，不過話時話，佢地都叫靠自己培訓左段放宮美子同王美懿呢三個有能力就國家隊邊緣份子嘅球員嘅。天津同浙江都圍繞住核心人物打，加上又大範圍咁換左新血，可以變動嘅地方都唔多，至少佢冇要求李盈瑩接一傳，朱悅洲狀態不佳都冇再被換走，如果俾多d機會俾替補二傳就更好。宜家天津楊藝孟子旋一傳咁穩，浙江又加左林莉鄭益昕補充埋最後兩個大漏洞，兩隊都有實力入4強。

江蘇雖然冇咩俾張常寧小宇休息，但佢地其實成個主力陣容都好後生兼聯賽年資短，累積多d聯賽經驗都好嘅，始終過往幾年都有惠隊就佢地後盾。不過最理想嘅當然係吳含早d傷逾打替補，唐寧雅同臧倩倩打多d啦！

skyhorse1111

睇左江蘇對浙江，汪慧敏肩傷真係幾影響左成隊嘅保障環節，估唔到鄭益昕需要頂替蔣虞曉接一輪一傳，朱悅洲一落後排又少左一點進攻，王娜又未敢俾鄭益昕後攻，所以某幾輪戰術真係好單調，一有調整攻就好容易俾人攔死。

skyhorse1111

恭喜 81
呢場打得非常精彩
chanchan0909 發表於 2018-1-6 17:54

   未睇，但睇得分都知兩個主攻同袁心玥應該都有上佳表現吧！

skyhorse1111

btw遼寧終於有衫換

skyhorse1111

同時打所以呢場都係其他比賽休息時間先轉黎睇
大劉帶傷上陣 打得非常出色
今日 81 防守 ...
chanchan0909 發表於 2018-1-6 20:15

   遲d睇番…買金哥真係好抵…發扣攔一傳樣樣掂，楊捷同其他上海球員同佢訓練應該都得著唔少

skyhorse1111

王媛媛 高意 楊涵玉 胡名媛 都好有潛力
鄭益昕擔任隊長亦都表現搶眼 , 顏妮實力唔使講 , 攔網水平已經經過 ...
chanchan0909 發表於 2018-1-7 22:02

有好多有潛力嘅幼苗係真，但幾位嘅攔網技術真係同世界級差好遠，係依家一傳稍弱嘅國家隊黎講，冇攔網真係差左一大截。另外前四位成人賽年資尚淺，失誤同起伏都比較多，快攻速度同變化、以及小球技術都有好大上升空間；
鄭益昕就比較平均，睇得出係場上好勤力咁防守同跑唔同戰術，但身體條件有限，高度上有少少輸蝕。
世錦賽個人prefer用番高意同鄭益昕做替補，其他人我覺得起碼要到奧運年先成熟。

其他位置沿用大冠軍盃主要陣容都ok，但要幾位老將全部捱到2020真係危危地，真係好需要接班人。

替補主攻宜家睇落段放劉晏含李靜都逐漸追貼劉曉彤，但四人類型咁似，帶一個都夠（甚至係帶汪慧敏保一傳），第四主攻我更睇好李盈瑩。

接應嘅話，sorry陳佩妍我真心覺得就算touchwood有人傷左，有排都未輪到佢。係有高度，但宜家冇經驗冇一傳扣球冇速度冇力度，亞錦賽表現都唔好，練多幾年吧！

其他幾位聯賽主力接應都冇咩高度可言，我會睇好朱悅洲同王美懿。前者單腳背飛嘅變化同速度，以及攔網手型都好左好多，強攻稍差但見佢有一定滯空能力，應該可以再加強。而後者今年承擔大量一傳，比起楊藝雖然仲差dd，但有高度更搭救，有提升潛力。唐寧雅扣球都有力有速度，不過未知過唔過到國際賽嘅高牆。錢靜雯就入左一年國家隊都唔覺有咩地方可以再發掘，似聯賽球員多d……

skyhorse1111

唔左講埋二傳同自由人。

二傳始終講經驗，感覺聯賽表現最好嘅都係丁霞同輩。海膽已經世界級就唔講。米楊同王娜對自己球隊每一輪都好了解，傳球思路都好清晰，困難球都夠得好好，係年紀同前者“案底“做成制肘。

刁琳宇受惠於陣容完整，變化都可以多d，傳球都比較到位，係傳困難球方面可以再加強。陳馨彤傳球都幾到位，但始終太平穩冇咩驚喜，容易俾對手估中。姚笛表現好番d，但一傳一唔到位就開始亂。幾位各有短處，都有進步嘅空間嘅。其他嘅新手首個聯賽表現都合格，但似啱係2024用多d。

反觀，自由人就有驚喜喎。王夢潔表現越黎越好，林莉有起伏但都逐漸重回正軌，宮美子王美漪平穩發展。幾位新人都有潛質，王思敏防守好好，孟子旋一傳唔錯，龔靜表現都可圈可點，jenny終於唔洗再擔心喇。

skyhorse1111

好想痛哭  北汽雙殺江蘇 !!!
奇蹟嘅三連勝 !!! 唔容易呀 !!!

不過今日江蘇亦 ...
chanchan0909 發表於 2018-1-9 22:05

woww估唔到宜家係大混戰。大家主場作賽都特別給力，連北京都雙殺江蘇。
睇落3-7名都有機入四強，邊隊一傳穩就邊隊贏。
江蘇始終人員齊整，頂到一傳就ok。
天津嘅一傳好似開始有d動搖，都幾影響佢地戰術。
八一都係一傳問題，另外王雲蕗呢點都好關鍵。
浙江雖然未開齋，但話哂對陣嘅都係小組頭兩名，如果磨合再好d，絕對有可能驚喜5連勝。
北京小組賽落後太多，真係好睇曾曾小彤對決大梅段放嘅結果。
any肥，第二階段精彩好多lol!!!!!!!

skyhorse1111

咁睇法中超入4強最少要攞8勝，北京仲要對四場遼寧八一八連勝好有難度，反之天津有兩場對恒大，預計都應該係天津八一爭最後一個名額，而浙江磨合期對哂強隊好可惜，但絕對有能力做八一嘅攔路虎。

skyhorse1111

2017 - 2018 中國女排超級聯賽 常規賽 第十九輪

01.19 19:30　遼寧 3 : 0 上海　(25:13 25:20 25:18)
第 1 ...
chanchan0909 發表於 2018-1-19 16:47

上海呢個係咩走線策略……點解突然出哂後備=.="

skyhorse1111

其實刁嘅傳球以佢一直以黎嘅水平真係好難睇好
雖傳得分散 , 但真係好慢 , 所以一直唔明點解 D 人話佢超越姚 ...
chanchan0909 發表於 2018-1-23 21:08

調番轉黎講，宜家中生代嘅二傳都同世界級替補水平差甚遠，陳馨彤姚迪刁琳宇已經係國內聯賽鐵定嘅正選陣容，但都有明顯弊病；
幾個年輕二傳，例如孟豆周妤婕郁佳睿，表現可圈可點，但亦好明顯超級缺乏經驗，東奧週期都幾忟水。
所以郎平應對都幾頭痕喇……

skyhorse1111

一睇你就知你係路人球迷啦 , 寶寶前面咁多場拎左咁多分你視而不見
今日一場打得唔好就比你無限放大

其實我 ...
chanchan0909 發表於 2018-1-23 21:17

睇左郎平最新訪問，都好認同佢期待排聯更開放嘅理念。依家嘅聯賽攔網能力偏低，發球又差不多清一色跳飄，對主攻嘅考驗唔算大。
所以幾個中生代嘅主攻，好似大細劉段放李靜先可以打得行雲流水。
但佢地國際上嘅身體條件唔算好好，真係要有強勁嘅對手或隊友先可以進步。
例如上年李靜係大獎賽後段表現明顯好過瑞士精英賽好多，其他球員都一樣！


郎平都有講到幾位老將退役，今年都要重新培養東奧週期嘅球員。佢地真係要加油喇！！！

https://www.youtube.com/watch?v=t2sFcMPnMf0

skyhorse1111

2017 - 2018 中國女排超級聯賽 常規賽 第二十輪 賽果

01.23 19:30　上海 3 : 0 江蘇　　(25:23 25:13 25:1 ...
chanchan0909 發表於 2018-1-23 21:53

江蘇後兩輪都係強隊, 反之八一就對北京浙江, 隨時後者可踢走江蘇, 但明明個陣容唔係好覺強左咁多@@

skyhorse1111

81連續兩年都係咁輸法lol

skyhorse1111

https://sports.sina.cn/others/vo ... rhcqz4478324.d.html

Wowww估唔到陳友泉咁為個囡著想haha

skyhorse1111

李靜唔係重點 , 重點係你力捧嘅陳佩妍點解唔見左 ??????????

今日見到有報導提起任凱懿 , 說實話真係估唔 ...
chanchan0909 發表於 2018-2-13 14:43

如果計埋四強潛在球員, 我心目中大名單係,
主攻: 朱婷 張常寧 李盈瑩......劉曉彤 段放 劉晏含 任凱懿 (汪慧敏)
副攻: 顏妮 袁心玥......王媛媛 鄭益昕 高意 楊涵玉 胡銘媛   
二傳: 丁霞......米楊 姚迪 刁琳宇 陳馨彤 郁佳睿
接應: 曾春蕾 龔翔宇......朱悅州 王美懿 楊方旭 (楊藝)
自由人: 王夢潔 林莉......宮美子 孟子璇 王思敏

主攻要睇集訓幫到佢哋練到幾多一傳,
要保一傳嘅話可能就要用汪慧敏, 楊藝,
另外喺宜家女排副攻攔網唔強嘅情況下, 二傳嘅進攻調動真係好重要 (所以米楊在列)
潛力股就有段放(有古賀紗理那feel, 都係有手法、搶時間、打觸手、攻防平衡)、朱悅洲(周蘇紅feel, 打波聰明識搵空檔、節奏有變化, 國外球隊應該好難防佢, 但極需要好二傳)同孟子璇(一傳能力好好, 可以話係天津入四強第二大功臣)。

skyhorse1111

國家隊偏向對邊攻手除左要有一定嘅攻擊力之外同時一傳要有自保嘅水平
所以我諗應該唔需要好似地方隊咁要有 ...
chanchan0909 發表於 2018-2-15 09:02

佢地喺中超可自保，其實都係因為發球威脅唔大，但宜家歐洲多番d大力跳發，我覺得連寶寶小彤曾曾都係僅僅合格，劉晏含李靜同任凱懿就直頭唔合格，咁嘅一傳水平隨時廢左副攻。


至於接應方面，小宇貌似有後攻，但佢打嘅線路咁普通，去到國際賽場實俾人防起哂，所以其實佢係接應競爭上並唔佔優，如果筐筐狀態恢復番7成以上，或者朱悅洲嘅進攻變化可以持續展現係國際賽場上，小宇隨時保唔住第一替補位置。

skyhorse1111

同意  舊年就有呢個隱憂 !
不過寶寶曉彤曾曾佢地長期喺國家隊嘅隊員 , 對於排壇嘅形勢都算係瞭如 ...
chanchan0909 發表於 2018-2-15 17:01

any肥，要用番哂幾位老將應該都係世錦賽權宜之計，今年由番jenny揸大旗，應該可以逐步培育到新人出黎，始終國內宜家都有好多好苗子，尤其主攻自由人都好好，前者一則有高度一則有技術夠全面，就算冇強力接應進攻端都冇太大問題嘅；後者就直頭感覺比13/14年個一批基本功更厚更全面。

只係替補二傳副攻暫時同世界級仲有好大距離，但隨著聯賽新周期，佢地愈黎愈多機會，應該個進步會愈黎愈明顯嘅，坐等收成期!

skyhorse1111

香水嘅二次球終於唔係送對手機會喇
另外雖然得分差唔多, 但感覺楊舟前排三輪加發球輪真係強過馬蘊雯好多~~

skyhorse1111

曾今日都比人睇死，好難得分
Nathan 發表於 2018-3-20 21:55

   同意, 曾曾一對防守強既球隊即刻好難得分, 反而張磊既跑動進攻王媛媛先攔唔到, 天津都難d預判落點.....

skyhorse1111

點解楊捷唔上場打？佢一傳穩
Nathan 發表於 2018-3-20 20:30

   佢一傳其實都好一般......可能曾曾仲好DD

skyhorse1111

天津三個接應一分都攞唔到
李瑩盈場場都打咁多調整攻，好明顯有倦態喇，仲要楊舟對佢嘅定點攔網一場好過一場，
不過上海贏波三位邊攻都好大功勞，多點開花搞到天津攔網都束手無策……

skyhorse1111

第二期集訓名單
Setter：姚 迪、孟 豆、丁 霞、孫海平、刁琳宇
Outside Hitter：張常寧、張軼嬋 ...
Wonders 發表於 2018-3-26 12:08

計埋集訓緊嘅17人，如無退隊情況嘅話，宜家嘅分布會係：

主攻：劉曉彤、金燁、任凱懿、劉晏含、張常寧、張軼嬋、段 放、李盈瑩、吳晗、許璐瑶（朱婷）
二傳：陳馨彤、姚 迪、孟 豆、丁 霞、孫海平、刁琳宇
副攻：鄭益昕、楊涵玉、袁心玥、高意、顏 妮、王媛媛、胡銘媛
接應： 曾春蕾、朱悅洲、楊方旭、錢靖雯、龔翔宇
自由人：林莉、王夢潔、王唯漪、宮美子

成個大名單嘅年齡結構幾好，
個別黎講，孟豆孫海平咁少上場都擊敗郁佳睿比較shocked，
王美懿主接六輪一傳進攻力大減可能係輸俾錢靖雯嘅原因之一掛，
其他位置都幾正路，張軼嬋全運會同聯賽表現唔錯，恭喜哂！
至於王思敏同孟子璇，分別喺擔綱主力同聯賽後段有大波動，下年再累積多d經驗吧！

skyhorse1111

已經有人前幾日調左出隊了
朱悅洲 , 錢靖雯 , 吳晗 同 金燁
許璐瑶 好似都走左

孟豆確實意外 , 亦都比較 ...
chanchan0909 發表於 2018-3-26 17:09

ohhh咁接應都仲係靠兩個老將加小宇，練陣嘅話張常寧李盈瑩都有可能客串下，話哂兩人打過呢個位置，郎導又冇刻意分開主攻接應。
以宜家嘅時間點黎睇，之後嘅集訓應該都係劃分一二隊練點契吧！
到依家都仲好記得14年嘅二隊陣容好多都好爭氣，及時搶到世界杯同奧運入場券=）

skyhorse1111

對 ! 練陣肯定咩人可能連位置都會輪流調換黎打 !
今年入選嘅人我見球迷同教練嘅諗法居然比較相近  ...
chanchan0909 發表於 2018-3-26 22:26

楊舟腳傷唔輕加身高唔算高, 攔二號位背飛稍弱, 中超又冇強力接應俾佢練,除非新人唔爭氣否則都幾攔入圍, 不過入到二隊既話, 分分鐘做到顏妮2.0=)


李靜今年無左單丹娜汪慧敏頂一傳, 壓力大左失誤即刻多左, 一傳就更差, 所以......

skyhorse1111

2018 澳門銀河娛樂國際排聯世界女子排球聯賽
澳門站嘅比賽將於 5 月 22 號 (二) 到 5 月 24 號 (四)
澳門站 ...
chanchan0909 發表於 2018-3-29 23:03

   轉左weekday比賽香港站會唔會易d搶飛呢?

skyhorse1111

希望上海引kim成功既例可以吸引其他省隊都嘗試引援啦...
始終老將退役好多隊真係有好明顯漏洞, 八強之後直頭冇咩競爭力...

skyhorse1111

上海 , 北汽 , 恒大 如無意外會引
天津下年引松田明彦 , 應該都會買一個邊攻
引援真係會令成個球市變得更加 ...
chanchan0909 發表於 2018-4-3 23:06

1. 福建好似都有好初步計劃...
2. 河南雲南四川有人科水的話應該都會引吧...始終一年過後佢地既新人都好普通, 個別位置仲特別差...
3. 至於內援既話都應該只係一線球隊既替補, 能力高極有限...
4. 如果聯賽能夠有多幾個攔網勁既副攻同強力接應, 水平就高好多...
5. 二傳要靠溝通, 頂盡都係內援, 睇到福建今年換左二傳即刻差咁多就知地方隊要加把勁培育新人喇!

skyhorse1111

而家只對聯賽有興趣
國家隊 ? bye
chanchan0909 發表於 2018-4-7 22:38

都幾有睇頭呀...想知今年改制jenny點安排練兵、長岡望悠復出狀態、兩位被捧到上天既00後中日戰對撼、同埋朱婷egonu再次隔網對攻...

skyhorse1111

2018年度美國女排 Volleyball National League 26人大名單

Setter: Lloyd (C) / Carlini / Dannemiller /  ...
Wonders 發表於 2018-4-20 13:28

個組合都相當穩陣不過都冇咩亮點……係副攻線突出少少……Whitney呢個賽季喺雲南打都唔算好勁 (當然二傳唔掂都有d關係)