根 - 許廷鏗 Feat. 2868

Nicholas

歌曲: 根
主唱: 許廷鏗 Feat. 2868

派台日期: 2017-6-12



曲：AGA 江海迦
詞：林若寧
編：Larry Wong
監：舒文

剛剛出生感應父母那溫暖
家中花貓四歲去世那哀怨
朋友八歲那天 換學校未再見
同樣真心的感激每段淵緣

想起當初比賽為戰友膽顫
能夠幸運結識是傲慢是親善
同樣亦是經驗 揉合美醜向我感染
誰懲罰過我 誰扶植了我 誰同樣也列入謝師宴

無論偶遇或道別都感激它發生
營造逝去種種感想才有這玩味餘韻
無憾或後悔亦是像水份
替我吸收好感與罪惡感 讓我充份

無論冠軍或落敗都應該雙冠軍
令我驕傲與氣餒每次叫我汲取教訓
從前無論我幸運或不幸
帶我觀摩風景 鳴謝我的腳印

挑剔祝福都會令到我鼓舞
遊戲或是競爭亦是活著溫度
濃霧或是朝露 同樣美好賦予激素
誰懷念過我 誰忘掉了我 泥濘上種出命運未虛耗

無論偶遇或道別都感激它發生 (真心感激遇過不幸)
營造逝去種種感想才有這玩味餘韻
無憾或後悔亦是像水份
替我吸收好感與罪惡感 讓我充份 (已忘掉愛 還是痛)

無論冠軍或落敗都應該雙冠軍
令我驕傲與氣餒每次叫我汲取教訓
從前無論我幸運或不幸
帶我觀摩風景 鳴謝我的腳印

無論眼淚或是樂觀都長出了根 (開不出花那算不幸)
培植逝去種種感想才有我現在神韻
無憾或後悔亦是像水份
替我吸收好感與罪惡感 讓我充份 (已忘掉錯 還是對)

從前做過的身份都一樣是慶幸 (今天方知我最僥倖)
令我生命抱怨過與抱歉過汲取教訓
能成為舊愛現在亦僥倖
灌溉今天風景 來自那一個吻

daniel1136

真心幾好loop,5分
愈聽愈聽得出味道

hkchart

STOP啦， 停哼， 本來拎定花生睇你點向條白痴肥佬反擊，點知咁就KO左，
1) 旋律毫無記憶點好拖好沉悶， 編曲聽完冇印象好罐頭..
2)份詞咁鬼死長以為會好多野講， 其實幾萬個例但三幅被，就係得一個POINT， 任何經歷都係有價值? 然後用萬個例去重覆呢個MESSAGE﹖  哼哼你會唔會膚淺左D﹖
3) 至於停哼既歌藝，  首歌高潮尾聲一大堆TAXI CHAN式假音都收貨﹖咁重要既轉會第一
擊， 真係對自己歌聲既要求係得咁多﹖   錄300次+降KEY+AUTOTUNE+分段錄都冇時間﹖真係HEA住咁派台?


萬眾期待， INSTA出幾十編論文谷到衡，個個FORUM都議論紛紛， 報紙幫你打埋歌， TEASER出左
三個，  MOOV FRONT PAGE BANNER ...睇各大平台既排名， 心照啦

期待903 狂谷呢首做至尊歌, 我估今次要做埋903台歌先得, 1/1 要聽到哼哼LIVE

stephybest

Verse都還可，chorus太dum所以唔好聽，
同意唱黎唱去都係嗰三幅被，歌路亦都令人煩厭，
咩鬼要長大啦，不忘初衷呀，stop啦好嗎，
重新長大青春頌我的志願一直loop到而家真係悶

angelicdestiny

Melody係悶左D，但係越聽越鐘意。

721AXA

聽preview已經覺得又係個啲歌, 全首就更悶
又係個種melody, 又係個啲提材, 仲要唔K唔搶耳

好鬼似梁漢文個一大堆感恩系列

dicksonkwok

No offense, 利申 都幾like鏗
但首歌曲詞都真係悶 同埋cliche，同一個題材已經講左10萬次，尤其係鏗
聽多左好多次，都同佢星夢時期既歌唔大分別，唯一聽得出少少就係唱腔好似自然左，但都係少少扯住..
作為轉會頭plug，的確爭d，如果咁落去佢真係好難做..
不過903而家近年都好鍾意熱播悶K歌 eg..愛情小品
留名睇依首年尾10大..
2分

John

各大鏗粉全線好評
估唔到投票見真章
隻歌頗悶
聽多幾次先比分

望一望credit
Larry Wong舒文
唔怪得咁悶啦

賴爽

真心悶 hehe

2 分

KITSTON

呢頭離開左自己嘅根，轉頭就出首咁嘅歌，講到自己好感恩佢嘅根俾佢嘅一切咁，唔覺得諷刺咩？

hkwilliamsiu

聽了數次許廷鏗的根, 曲帶點沉重, 詞是林若寧, 歌者帶出的訊息都好明顯, 是一首剖白自己內心的一首歌, 人無完美, 很多時會忽略了身邊的人感受, 但有時活著就要帶點自我,無奈, 激情和自我釋懷, 這就是人生, 亦是我們的根. 今次Aga 的曲其實幾好，音域都適合金堅唱，而且曲中有起伏，副歌亦很容易入耳。首段他輕聲的唱開得不錯，祗是他擺脫不了我的志願唱腔，中段有來點哭腔令人有㸃礙耳，但詞的內容就是想突出人的無奈感，最後再用輕聲結尾，代表歌者放下執著，令曲內容更豐滿。今次金堅表現中規中矩，但曲詞還是有驚喜，成績合格有餘。最後他可以將聲線放鬆和將感情含蓄一點, 這首歌其實都幾好loop. 今次轉會雖然無突破, 還是給他多點鼓勵. 4+1=5 分
另外最後一段的一句"無論眼淚或是樂觀都長出了根"令人有點遐想 , 究竟是鬚根, 還是成長了的子孫根.

John

呢頭離開左自己嘅根，轉頭就出首咁嘅歌，講到自己好感恩佢嘅根俾佢嘅一切咁，唔覺得諷刺咩？ ...
KITSTON 發表於 2017-6-14 09:50

我覺得主要問題係
轉會如果係想搵突破, 想做D唔同嘅音樂
轉個背又係出返同一類K歌
咁難免會令人問「點解要轉會」

起碼衛蘭華納第一隻歌穿花蝴蝶
大家係會認同係A Music難以出現
但呢隻歌同許廷鏗星夢時代嘅歌分別似乎唔係咁大
好似你在我在變化仲大過佢

而舊年許廷鏗係星夢三首歌 我的志願、你在我在、痛醒 都已經係佢自己做
當中兩首都係頗悶嘅K歌的時候
再加上華納第一plug一樣都無咩變化
更加會令人懷疑許廷鏗音樂視野有幾多
定還是佢無辦法駕馭其他曲風, 甚至較成熟的感情變化

hkwilliamsiu

呢頭離開左自己嘅根，轉頭就出首咁嘅歌，講到自己好感恩佢嘅根俾佢嘅一切咁，唔覺得諷刺咩？ ...
KITSTON 發表於 2017-6-14 09:50

人生就是這樣,充滿矛盾, 每一個成長都會不停轉變, 每走一段路, 可能帶點罪惡感, 可能會踫壁,甚至失去了至愛, 但回望從前最重要是懂得感恩和和自我釋懐, ,有時回頭想一想, 笑一笑,伸一個懶腰,然後繼續生活下去.今次他祗是唱得太著緊,如果能夠像張國榮唱風在起時的態度, 多點釋懷, 放鬆一點唱,成績一定會更加好.

winkochueng

真系好悶  唱多D 面具 果d pop-rock 啦

艾石仔

我覺得主要問題係
轉會如果係想搵突破, 想做D唔同嘅音樂
轉個背又係出返同一類K歌
咁難免會令人問「點解 ...
John 發表於 2017-6-14 10:00

可能唔想比人話反骨所以推呢隻歌出黎掛

hehehaha

華納最近咁鐘意男歌手歌搵女歌手feat

btw，隻歌係悶係保守，成長呀呢個issue寫過唱過10萬次
如果佢唔係hehe會比0分

z6yhk159

我寧願聽返痛醒

racingmito

聽完首歌令我記起返以前小學中學的老師 ,人無論走得幾遠,都要回頭看一看,對從前扶持過自己的人感恩 。LOOP20次

kwanie

5分係比 Sophy既

Bluejays

各大鏗粉全線好評
John 發表於 2017-6-14 09:14

Really?
你翻一翻查下 各大流行榜 嗰邊啲留言

我好多真心評語都唔 post 得出嚟，因為我一向比你地更苛刻，唯有 post 呢將相：
https://www.instagram.com/p/BVKjQBWh5By

希望呢個係 下一 plug

Gary

好悶啊，不如唱首出櫃不出櫃喇，有新意好多。

samxdxd

盲粉點都支持，六年鏗粉，五分
首歌3分，我覺得最大問題係無記憶點，我loop左一整日，都記唔到其中某幾句歌詞
轉會加2分，總共5分鼓勵，希望佢下plug會令我有驚喜

electric

無論mv定題材我都以為佢係舊公司咁

Bluejays

講個 MV。

用 唱歌嘅術語 去解釋會易啲明：
唱歌有 tempo，accent，dynamics ... 透氣位 retard 氣聲 假聲 you name it，
只係將歌詞 一字一句 唱出嚟，係叫做 讀歌。

放喺 拍 敘事MV 度講，
只係將畫面 一個一個 拍出嚟 剪埋一齊，
冇 tempo accent dynamics 嘅 拍攝 剪接 技巧，
係等於拍 畫面，唔係拍 敘事片，
一係唔好敘事，敘事就要有 敘事嘅技巧。

執導 攝影 剪接 部門 其實都冇事，
但當個 order 係要 讀畫面，唔准加入應有嘅 敘事技巧 時，大師都唔識拍。

影像嘅 equivalence of 唱歌技巧 係有得學嘅，
只要明白 敘事影像 同 唱歌 一樣，有 屬於 敘事影像 嘅 一套技巧 就 ok 了。

我的志願 MV 當然有同一個問題，
你在我在 加拿大MV 冇事 因為唔係 敘事，
痛醒 MV 好少少，
但其實最慘係 你在我在 個 群星MV，
shot coverage 唔夠，剪接 亦完全冇 tempo 可言。

我覺得 拍攝剪接 技巧 好 嘅 MV 依次序係：
福氣  歲月 記住忘記我  迷宮

敘事MV 中，技巧最好嘅，一定係 紙牌屋。

kk8733

無論mv定題材我都以為佢係舊公司咁
electric 發表於 2017-6-14 14:42

點解入左新公司可以用番。。自己D 倉底貨。。完全唔覺有華納參與。。

華納只係幫手宣傳。。

John

Really?
你翻一翻查下 各大流行榜 嗰邊啲留言

我好多真心評語都唔 post 得出嚟，因為我一向比你地更苛刻 ...
Bluejays 發表於 2017-6-14 14:02

佢歌路 (曲風+題材) 都樽頸左一兩年
要盡快搵到新出路
如果唔係次次靠打人情牌打唔到好耐

我覺得我係呢個post講得已經算係有禮貌同客氣
因為對佢仲係有期望 唔想鬧得咁盡

nicholashin

其實佢自己都識寫呢種曲風既旋律 點解唔自己寫
歌悶到一個點

Ching2015

Really?
你翻一翻查下 各大流行榜 嗰邊啲留言

我好多真心評語都唔 post 得出嚟，因為我一向比你地更苛刻 ...
Bluejays 發表於 2017-6-14 14:02

嘉姐話金堅會有五首派台歌，根係第一首。以華納的效率真係可以半年派哂五首，睇個ig佢而家應該ready緊派第二甚至第三首。講番首歌，唱腔其實ok, 聽得舒服，但太似早期的side track如小島，雨傘等，根本不宜做主打歌。作為入華納first plug絕對唔夠搶。我覺得呢首派台無問題，但應該儲夠AP, 第四，第五plug先派。

liebe

依然出悶歌，非常失望，
14年起到而家都係冇突破。

新公司幫佢策劃啲更到肉嘅歌畀佢啦唔該，
摸索撞牆期係時候完啦，行出佢自己獨有嘅風格先係長久可行辦法

Ching2015

佢歌路 (曲風+題材) 都樽頸左一兩年
要盡快搵到新出路
如果唔係次次靠打人情牌打唔到好耐

我覺得我係呢 ...
John 發表於 2017-6-14 16:03

試下R&B同跳舞快歌吧。整多首面具或者Volar都唔錯，同埋衣著轉下形像，華納應該support到。

loowee

一早講左Alfred自己本身根本冇乜音樂天分/藝術觸覺啦，去邊間公司都無補於事。佢依種體型過多幾年只會越老越漲，到時連偶像派都冇得做。

JayantL

第一plug保守啲好正常
如果第二plug都仲係咁
咁真係要認真諗下究竟係星夢問題大啲 定佢自己問題大啲

Bluejays

佢歌路 (曲風+題材) 都樽頸左一兩年
要盡快搵到新出路
John 發表於 2017-6-14 16:03

歌悶到一個點
nicholashin 發表於 2017-6-14 16:22

覺得悶，其實係因為 冇共鳴，唔感動。
有共鳴 起上嚟，「雞 全部都係雞」 得 六個音 六個字 都唔會覺得悶。

所以其實要考究嘅，
唔係喺 重覆性，或者 悶唔悶 度，
而係點解 冇共鳴，唔感動。

我一直都係 針對緊 冇共鳴 呢個 point，
反而 重唔重覆 我唔係好 care。

註：我諗 有共鳴 嘅定議，唔係 有少許少許人 覺得感動就夠。

chh2006

其實佢有自主權有咩用? loop住又loop依堆topic + 拍個（佢自己以為好touching）既mv + social media 洗下版，佢唔係真係以為自己搵到自己方向呀交咁既貨，但好在 對佢零期望，其實佢作為巨星幫中最多resources既一個都真係浪費，相反小巧 sophy已經摸索到自己方向

Lewis

其實呢首歌個編曲真係悶到喊
Aga個曲亦唔見得有幾好
其實佢唱歌都唔太動人，亦無共鳴

Crooks

自從青春頌之後
由許廷鏗開始自己搵班底制作非劇集歌
到回應傳媒轉會事
再到而家呢首「根」
我對佢嘅好感度係直線下降

音樂嘅野唔係靠講靠吹靠包裝就得
佢而家唱歌，即使歌詞看似幾有意思幾有深度
我係feel唔到有heart、feel唔到佢有幾熱愛音樂
只覺得佢無時無刻喺度經營緊如何上位、攞獎
每首歌都沿用同一個佢以為可以食餬嘅formula
難聽啲講係好刻意好做作

唱亦見唔到佢有嘗試去進步
今次啲假音直程un耳到唔想再聽多次
既然有晒自由度、自主權又有充裕時間
點解唔用啲時間努力改善下基本功？
6個月派5首歌有冇必要？
係咪覺得Pakho唔唱得都可以男金所以你都得？

記得13年我仲力撐佢拎左Jay Fung個男銅
只因為一首青春頌
而佢唱青春頌之所以動人
我相信係因為無心插柳，冇agenda、冇雜念
有嘅係一份而家已經聽唔到嘅純真

JayantL

睇鏗鏗最新嗰條IG
話AGA個曲係按照佢一直以來對鏗鏗作品的印象而作的
睇來AGA覺得鏗鏗以前啲作品好悶所以作隻悶歌俾佢

Lewis

睇鏗鏗最新嗰條IG
話AGA個曲係按照佢一直以來對鏗鏗作品的印象而作的
睇來AGA覺得鏗鏗以前啲作品好 ...
JayantL 發表於 2017-6-14 19:59

    癡線
如果係跟番佢啲罐頭歌黎作，咁搵aga黎作曲有春用咩

Bluejays

自從青春頌之後
由許廷鏗開始自己搵班底制作非劇集歌
到回應傳媒轉會事
再到而家呢首「根」
我對佢嘅好感度 ...
Crooks 發表於 2017-6-14 19:44

我又唔覺得個問題喺呢度。
我冇懷疑過 佢自己嘅感情唔係真嘅。

我反而覺得係，佢個 世界觀 開始 同社會脫節，
所以喺 取材 同 歌詞 上，好難得到更闊嘅共鳴。

當聽眾覺得 取材 同 歌詞 距離自己好遠，
feel唔到 get唔到 首歌嘅感情，
就會覺得 首歌冇感情，
而唔係真係 個歌手自己 冇感情。

~蛋撻~

睇鏗鏗最新嗰條IG
話AGA個曲係按照佢一直以來對鏗鏗作品的印象而作的
睇來AGA覺得鏗鏗以前啲作品好 ...
JayantL 發表於 2017-6-14 19:59

咁美GA真係捉到佢路,呢隻好鬼悶....

KITSTON

自從青春頌之後
由許廷鏗開始自己搵班底制作非劇集歌
到回應傳媒轉會事
再到而家呢首「根」
我對佢嘅好感度 ...
Crooks 發表於 2017-6-14 19:44

同意

近年都睇得出佢呢個人好計算，上年點都等TVB俾多個大獎同15分鐘表演時間先走，出歌又諗住Sell青春、時間、回憶一定hit，所以不斷出，今次仲為自己製造好形象等人覺得自己轉公司都仲不忘感恩，嘗試淡化自己反骨嘅形象，知TVB唔敢捧佢做最受歡迎男歌手，又貪其他台嘅獎，所以為左滿足自己野心爬到更高，就背叛公司。

其實無TVB幫佢佢都無宜家咁入屋咁快紅啦，唔念感情仲要講到自己好委屈又好感恩咁，感覺好噁心，覺得佢好虛偽，如果唔鍾意TVB嘅模式又咁有骨氣覺得自己唔洗靠TVB上位嘅，星煥變星夢嗰時就已經要走啦

tom

唔評論佢為人
但聽完首歌之後 好似無聽過咁
冇乜記憶點
悶

MOQKEN

6828其實系乜，果幾個女聲系乜人？

Kyle_

好悶啊，不如唱首出櫃不出櫃喇，有新意好多。
Gary 發表於 2017-6-14 14:03

AGGER可以取代勞斯萊斯, 做隻新一代HEHE歌既代表


反OT: 首仄正歌OK既...一入副歌D 尾音好難頂下.....
ME身為零鏗半個盲粉都頂唔順哩首......

JayantL

6828其實系乜，果幾個女聲系乜人？
MOQKEN 發表於 2017-6-14 21:14

28=許廷鏗巨聲參賽號碼 68=王嘉儀巨聲參賽號碼
女聲=王嘉儀

HOOOO

好耐冇試過期待佢既歌 不過聽完都係失望
曲悶 詞又係呢D題材
次次都係正能樣角度 想講咩硬班班直出
加個老土多過感動既MV
其實我覺得應該搵人幫佢包裝下佢D IDEA先囉
唉等下一PLUG

Lewis

AGGER可以取代勞斯萊斯, 做隻新一代HEHE歌既代表


反OT: 首仄正歌OK既...一入副歌D 尾音好難頂 ...
Kyle_ 發表於 2017-6-14 21:15

    其實佢唱首hehe歌真係仲易爆紅，叫"巨根 feat.1069"

Ching2015

好耐冇試過期待佢既歌 不過聽完都係失望
曲悶 詞又係呢D題材
次次都係正能樣角度 想講咩硬班班直出
加個老 ...
HOOOO 發表於 2017-6-14 21:56

講多無謂，快D派下一plug啦!

华凛

我觉得首歌好闷啊，听完一次之后毫无记忆点，1分吧！