KITSTON

呢頭離開左自己嘅根，轉頭就出首咁嘅歌，講到自己好感恩佢嘅根俾佢嘅一切咁，唔覺得諷刺咩？

KITSTON

自從青春頌之後
由許廷鏗開始自己搵班底制作非劇集歌
到回應傳媒轉會事
再到而家呢首「根」
我對佢嘅好感度 ...
Crooks 發表於 2017-6-14 19:44

同意

近年都睇得出佢呢個人好計算，上年點都等TVB俾多個大獎同15分鐘表演時間先走，出歌又諗住Sell青春、時間、回憶一定hit，所以不斷出，今次仲為自己製造好形象等人覺得自己轉公司都仲不忘感恩，嘗試淡化自己反骨嘅形象，知TVB唔敢捧佢做最受歡迎男歌手，又貪其他台嘅獎，所以為左滿足自己野心爬到更高，就背叛公司。

其實無TVB幫佢佢都無宜家咁入屋咁快紅啦，唔念感情仲要講到自己好委屈又好感恩咁，感覺好噁心，覺得佢好虛偽，如果唔鍾意TVB嘅模式又咁有骨氣覺得自己唔洗靠TVB上位嘅，星煥變星夢嗰時就已經要走啦

KITSTON

其實都已經對佢為人徹底失望，無論佢再出咩歌我都會盲反架啦

做歌手係公眾人物，人格唔得唱得幾好都無用，佢只係不擇手段咁向上爬，唔係純粹咁鍾意唱歌俾人聽，唔知佢最初參加比賽心態係咪已經係咁，不過宜家佢事實上係咁

KITSTON

無論佢再出咩歌我都會盲反架啦
謝謝.....
起碼知道左先
samsam 發表於 2017-6-15 20:48

唔洗客氣。

KITSTON

我反而幾欣賞佢有上進心，比著一般打工仔有好機會就轉工有咩出奇? 有機會點解唔把握? 有幾多員工會同老闆打 ...
Ching2015 發表於 2017-6-15 21:39

無錯，林峰個case無疑係反骨喎，TVB當年落足力捧佢，Chok都可以捧到佢金曲金，拍劇加勁歌令佢名氣同身價都暴漲，佢繼續留o係TVB視帝都應該輪到佢啦，TVB力捧係會多左人反佢，不過佢得到咁多都係利多於弊呀

有上進心唔係問題，轉工亦都唔係問題，公司對佢差，捱左好多年都無人留意的話轉工都係人之常情，因為係公司對佢唔住呀嘛。宜家佢係靠TVB谷佢先令佢上到宜家呢個位，可能903都會一直咁支持佢，不過客觀咁睇如果當初無左一堆劇集歌，佢人氣仲會唔會可以做到宜家咁高？TVB俾左咁多資源佢，到後期亦見到TVB肯俾自由佢，放手俾佢做音樂拍MV，所以佢如果只係想唱鍾意唱嘅歌，TVB都滿足到佢呀。TVB咁大間公司，巨聲仲有咁多人，TVB都唔一定要靠佢做開荒牛喎，況且TVB 14年成立星夢，許廷鏗全年唱嘅三首主題曲得護航一首係hit，吳若希越難越愛唔洗講，其他三首都街知巷聞，講開荒牛真正幫到TVB嘅其實到吳若希都未到許廷鏗啦。再者，佢星煥轉星夢時都應該知道受得TVB著數，多左曝光機會一定要受番一定程度限制架啦，你入A公司做正常都唔會一心以拎到B公司D獎為目標呱...如果佢係放眼於出面嘅世界，o係星煥終止合約，開設星夢嘅時候就應該選擇離開，因為係間公司結束，所以你絕對有權轉公司，好似Kay咁知道TVB多約束又唔洗靠TVB好自然唔入星夢。如果佢當初照入星夢係因為想效忠Herman嘅話問題就黎啦，真正對佢感恩就唔係打完齋唔要和尚，而係用星夢歌手身份拎到更好成績，其實睇佢成績嘅趨勢，尤其係903，要上到更高唔係無可能嘅事。

欣宜、Mag嘅情況又唔同，欣宜唔係TVB親生女，無受過TVB好大恩惠，對TVB黎講只係普通歌手，o係星煥(唔屬於TVB)結束時搵另一間公司無問題。Mag就TVB+EEG其實兩面都不討好，EEG唔力捧，TVB又屈在星夢歌手之下，完全無好處先無奈離開，宜家新公司under王祖藍同曾志偉，同TVB都有密切關係，總叫無離開自己嘅根。

其實以前聽佢出道訪問，講起佢參加巨聲前其實已經俾Herman睇中簽埋約，去巨聲係想吸取經驗。但係比賽規定有合約在身唔可以參加，李寶龍因為被發現有合約要被退賽，真係好想知道佢當年係咪蓄意隱瞞身份去參賽，如果係都幾不擇手段下...

KITSTON

參加 巨聲 時，Alfred 同 Herman 冇約。
喺 巨聲 之前，Alfred 只係見過 Herman，傾過下，
後來因為要參 ...
Bluejays 發表於 2017-6-16 00:08

原來係咁，多謝更正

KITSTON

既然唔想同TVB有太多牽連，覺得星夢唔好，唔適合佢，當初星煥結束點解點解佢肯入星夢？佢都知一定要唱主題曲架啦，唔會入左去先知原來要唱咁多主題曲呱，動機無疑係想借主題曲入屋先會簽。佢宜家拎晒星夢D著數先走，走左先唱番首根，講到自己都唔想咁，證明佢話重視根只係虛偽，打咁多講自己好重視"根"嘅宣傳稿，為嘅都係想挽回形象，不過顯得唔真心同虛假，除非根唔係指星夢啦。

同埋如果資源被同公司分薄就叫對待差，就要走，華納咁多人佢係咪都要早走早著好D？佢自己開公司做老闆一定最自由啦，做人無可能咩都自我中心，想點就點，唔係話要無左自己，不過生活o係社會就要就要群己兼顧，佢係獨立個體不過同時都係公司成員，有時為公司做一D野都係理所當然，唔係永遠追求公司點樣配合同服侍你自己架。

KITSTON

星夢 成立嘅時候，佢 TVB 經理人約 未滿，
係由 TVB 決定 佢去邊間唱片公司，
除非佢 違抗 TVB 命令，即 ...
Bluejays 發表於 2017-6-16 20:01

同老闆關係好定差都只可以靠估，無得就咁判斷當時佢地關係算唔算差

至於帶歌手好多時都係公司安排，譚嘉儀呢D本來唔熟嘅，佢去到第二間公司都唔會主動幫手宣傳啦

KITSTON

星煥個陣沒問題所以有青春頌發生到

同埋根係指超級巨聲
說到尾佢真係一個歌手
TVB =星夢咁真係唔啱佢 ...
samsam 發表於 2017-6-16 21:06

到星夢時期佢一樣做到自己班底嘅歌呀，仲多過星煥時期添。

如果根係單單指超級巨聲，係重要，不過無左TVB嘅養份，單靠根佢可以成為今時今日呢棵樹咩？好多參賽者等左好耐先有機會有自己歌，佢未出道TVB已經俾首我的離開也是愛佢，你可以話佢唔係黎自星夢，不過佢一定係黎自TVB啦呱，TVB俾左咁多機會佢一直幫佢爬到上呢個位，唔好講到TVB欠左佢令佢要走先得架。

人緣方面，其實佢係因為性格好而人緣好定係互惠互利所以保持良好關係係無人知嘅，亦都無證據說明，不過佢大部分熟嘅人都係比賽時識落嘅，因為比賽而結緣都證明唔到佢做歌手之後嘅性格有無問題。