Serendipity

大家似乎FF太多了，泳兒聲係好唱功都好，但致命傷除咗係唱片公司唔放資源之外，佢冇乜風格都係一個問題(所有EEG霉星都係有同樣呢個問題)。初出道時覺得佢同IVANA有點類似，但過咗一兩年後見到IVANA有變化，相反泳兒仲係唱返年年一樣既歌，旋律又唔突出，如果係有地位或者有後台就話，但唔係的話肯定會沉。就算佢去環球都唔會做到Kay，Kay既歌好有個人風格，而且泳兒都已經過咗高峰期。

而家Gin可能有少少呢個定位問題，但主要睇吓佢揀到乜嘢歌，暫時啲歌旋律都仲算可以，而且有公司谷係有好大分別。Aga同Gin既歌都算多人識，麥記功勞都不少。

Serendipity

Gin以前就係無風格無公司支持先冇人識，而家有公司支持所以好過之前。
Ivana幾唔紅都有一定支持者，紅館都上過三次，佢喺香港樂壇都算有個位置。
Kay冇風格係國語碟，Binary Yelling Slowness 你們的幸福都係精彩及有個人風格的作品。
泳兒Day 1都係有公司支持，啲歌係冇乜風格但有新人光環所以冇問題，但新人過後又冇公司支持，問題就開始出現。洪卓立的情況都類似，鍾舒漫直情都冇乜公司支持過。佢哋根本keep 住一年一EP定突然唔唱都冇乜分別。

Serendipity

所以咪話佢冇風格，成日轉風格形象即係等於冇風格，根本唱咗咁多年定位都係好模糊，除非撞到一首歌咁啱hit得起，但都好可能無以為繼。樓上總結得嗰班女歌手幾啱，雖然我覺得Fiona而家都開始有少少迷失，反而Kary轉變得幾成功。

Serendipity

又唔係做唔到新人架啵(唔好有主觀感覺，睇成績同事實黎睇)
星娛樂有坤哥、欣宜
華納有Pakho、Dear  ...
Wing1211 發表於 2017-7-4 16:17

蛋記唔幫洪卓立鍾舒漫開show好正常，講真佢哋都冇人氣，我諗歌迷數量都唔多，應該流失晒，有乜可能坐滿一個場館，呢個年代冇noise都唔駛旨意開到show。至於泳兒，佢會好過呢兩個，但都係冇人氣，最慘好似越唱越霉。其實佢哋應該計劃清楚先出碟，每年出幾隻唔突出既歌仲衰過停一排先再出，不過我諗問題係可能收到比較好既歌都去咗師兄師姐度，淨返啲一般貨色。

Serendipity

呢個年代gimmick同自己網上宣傳好重要
唱片公司最多係幫你出歌、出碟、搞show、爭獎
宣傳既一間公 ...
Wing1211 發表於 2017-7-5 10:12

   你呢啲提議都好好，講真呢個年代做歌手都唔可以咁被動。不過呢啲方式可能只適合一啲比較新既歌手，佢哋年資太耐，其實如果冇興趣可能連上網搵佢哋channel都費事。或者佢哋去吓TVB拍吓劇先可能會好啲。