on07111

新城知訊台台長朱明銳在《新城勁爆頒獎禮》後的慶功宴接受訪問，講到有傳他會離開新城，他直認：「兩個月前傾，我覺得自己喺新城有貢獻時期，喺高峰想退休，退出電台行業。眨吓眼做廣播接近四十年，其實自己有啲攰，同埋希望有啲新方向。（咩新方向？）我會抖抖，但唔抖得耐，我性格唔停得，抖一個月左右，會加盟新公司，係綜藝娛樂有關，都係我老本行，到時都係需要好多人幫手，希望媒體都支持我。」問到新公司是否給予優厚條件？他表示新城的退休條件好好，足以讓他一年不用工作，不過因為性格關係，所以希望退休後再轉投其他公司。

否認被退休

講到傳聞指他「被退休」，他即否認此說，更自爆一年前頒獎禮訪問時「中指托眼鏡」是導火線：「我早喺一年前舊年頒獎禮講咗少少嘢，覺得自己闖咗少少禍，嗰時就喺度諗，係咪應該喺自己控制到自己發展嘅情況下離開圈子呢？離開係好開心嘅，所以我頭先都冇咩激動嘅，反而我係有少少唔捨得同事。因為我2001年同新城夾到依家，我哋DJ同同事冇咩點變，大家好似一家人咁，都係公司畀我哋好好機會。」


避談是否受壓：今日同英皇正式破冰

問到去年事發後可有受到公司壓力？他即迴避問題：「冇冇冇，你哋都好有興趣寫，我同英皇關係係幾好嘅，今日可以講係正式破冰，軒仔係大贏家，雖然容祖兒冇嚟，都冇咩所謂，先頭師兄（祖兒男友劉浩龍）坐我隔籬，我都同佢講麻煩你轉達畀祖兒聽，我真係冇嬲，我係支持佢，睇番歷史，祖兒喺我任內係攞得最多嘅大贏家，所以我係好欣賞佢。」他又表示他朝到新公司，若然祖兒要開騷，都好樂意再合作。

與新城合作至生辰

朱明銳又透露會在新城留多兩、三個禮拜：「我最後一個騷係1月24日，有大騷喺會展搞，已經宣傳緊，有曹格、杜德偉、鄭欣宜、草蜢。本身冇諗過今日講退休問題，同公司協商咗一月中講，但因為有報道講咗出嚟就澄清番，合作會到我生日嗰日完結。」

問到可會有同事與他一起離開新城？他表示應該不會，因為新工與傳媒無關，又自言見到一手栽培的DJ深感驕傲：「好似我見到阿Bob（林盛斌）會好驕傲，因為佢係我一手栽培出嚟，依家獨當一面，林柏希、路芙都係。（走咗攬唔到佢哋？）唔需要有人攬，佢哋有能力。」

否認新城搬竇

他又表示新城近年經濟好好，近期亦派了花紅。問到下任台長是誰，朱明銳表示暫時無可奉告：「唔係由我決定，我決定退休後，節目一定有改動，不過唔係我決定，一定改革，一月中就會公布，依家唔可以講住。」問到有傳新城會搬到葵涌，他否認：「一定唔會啦，我哋係旗艦嚟架嗎，同埋我哋搬一個studio講緊係要成2-3千萬，入面有十個studio，點搬啊。」

與DJ合唱《友情歲月》

訪問完後，朱明銳與DJ一齊上台合唱《友情歲月》，朱明銳又對DJ們講：「大家會成日見面，好似一家人咁。」並承諾會請大家食飯，令一眾DJ超級感動，其中路芙更落淚鍚朱明銳的面，范振鋒更表示：「唔使擔心我哋已經長大。」

風見志郎

方珈悠死咗去邊

LoveMirkay520

除咗牛華《my love》，Sandy《決心》之外
仲有咩歌一上903榜就冠軍

on07111

現年31歲的歌手李幸倪（Gin Lee）日前被東網踢爆「破Dry」，秘戀富貴男友兼在西九豪宅同居。她今日現身首屆「KKBOX香港風雲榜」發布會，獲頒「十大風雲歌手」後受訪就事件解畫，沒有否認拍拖兼全程帶記者「遊花園」。甫受訪記者恭喜她時，她表示：「上到C1嚇一嚇、醒哂，但希望下次再上C1係有關音樂上嘅成就。（係咪拍拖？）邊有時間拍拖呀？今年都想Focus喺事業，喺頒獎典禮都有講過要低調做人、高調做音樂，所以生活上都好低調。」

扯開話題護愛苗

問到是否驚見光死，要保護愛苗？Gin Lee否認，隨即扯開話題：「呢幾年都好畀心機做嘢，大家睇住我大，所以多謝你哋關心！」追問現時好幸福？她再說：「兒女私情先擺埋一邊，討論『國家大事』先，就係我今年會進軍大中華市場，會出全新國語碟，依家狀態愈來愈好，多咗人認識。」

生活的確比以前好

講到脫貧住豪宅，她坦言生活的確比以前好，問到是否自購物業？Gin Lee大反應話：「點買得起呀？（男友買？）唔講呢啲，如果有任何好消息就會同大家講。（拍拖都唔係好消息？）有好消息會同大家講。（如果影到會認？）到時先算！」
對於昨天戀情曝光，Gin Lee被爆秘戀富貴男友，她則回應：「其實識我嘅人都知道我係十分低調嘅人嚟，我除咗驚嚇之外，係有少少遺憾嘅。如果有機會再上C1全版，我希望係音樂上面嘅成就。我會加把勁，希望下次係攞好勁嘅Grammy、Oscar。」實行對戀情避而不談。問到新年會否帶男朋友見家長，Gin Lee則左右而言他的表示約了中學同學去旅行，對戀情保密到家。

森姆@結論

除咗牛華《my love》，Sandy《決心》之外
仲有咩歌一上903榜就冠軍
LoveMirkay520 發表於 2020-12-2 22:56

哥哥同梅姐 芳華絕代
Leon 情深說話未曾講

hehehaha

除咗牛華《my love》，Sandy《決心》之外
仲有咩歌一上903榜就冠軍
LoveMirkay520 發表於 2020-12-2 22:56

   

本帖隱藏的內容需要積分高於 100 才可瀏覽

LoveMirkay520

填詞人最怕的事（上）
VERSE-CHORUS-VERSE (黃偉文專欄)
《JET》11月號

說最怕？因為不敢說討厭，「填詞人」身段，不敢放太高。

第一怕被打回頭，QC肥佬的貨品從來出不到我門口，大哥大姐你有商譽，小弟也有自己的招牌，觀眾的眼睛就算不是雪亮的，至少也不是盲的，好貨拿出來有時未必驚天動地，但劣品一獻世即刻人人喊打，而且我們這一行，唉~一首寫得差以前有一千首寫得好的都前功盡廢，怎麼敢一邊打麻雀一邊攪拌一堆字出來混飯吃……我出名寧缺毋濫童叟無欺，要麼就不接，接了就一定不留力，哪怕你是天皇還是新丁我幾時試過大細超？冰火五重天從來做到足何嘗有唔嗲唔吊只做「三重」或者「兩重半」？所以你拿着我挖空心思計過算過度過最適合你「士獃佬」的Haute Couture，請給在下一個夠強的理由才好回來退貨……十幾年前我還初出道，還「順攤」的時候，有個概念寫了五六次給不同的歌手，總是被打回頭，那個題目叫「散步」，講兩隻手指在愛人身體不同「景點」遠足漫遊……小美說「你知啦，呢排阿王同鍾麗緹又有啲緋聞，唔係咁方便唱埋啲咁嘅題材……」？？？林珊珊話「阿伊健呢首歌突然間變咗黃埔花園商場嘅廣告歌……」（OK！呢個我明，當我黑仔）……還有其他不同的人的不同推搪理由，總之，寫寫吓連我自己都覺得這個題目過時了不再新鮮了，從此丟落鹹水海。

第二怕無端端被改，而這種怕又分為兩個部份：（A）歌名被改！改名是我人生裏其中一個最大的 Obsession，很多時寫一整份詞就是為成全一個好名字，所以我改的名大家千祈咪「掂」，否則手都斬埋你……但在我不知情的情況下先閹後奏，出咗街我先知也無符，黃栢高為首的相關集團最喜歡做這樣的事，陳慧琳本來有首歌叫〈一億七千萬雙眼睛〉，我承認有點長，但至少幾有型，到派台時Paco卻粒聲唔出幫我改了做〈星夢情真〉，星咩嘢夢情咩嘢真唧？都九唔搭八嘅，但黃先生後來才告訴我，這個名原來是他叫我當時的老闆俞琤御賜的，雙重的大石「責」死蟹，我仲邊有聲出？邪就邪在，這類我認為近乎污點的作品，常常到最後都變成很hit的，即是條褲爆呔那天才撞到最多人，吹脹。

與其說「咁啱」又是 Kelly，不如話「咁啱」又是Paco，幾年後替陳小姐填了首改篇歌，用了個自己儲了很久很喜歡的歌名〈社會的錯〉，那年Kelly是勁歌的「最受歡迎女歌手」，在頒獎禮上「首唱」新作，我才知這首歌又被「去勢」了，居然不顧與內容無關，就咁用返首歌日文原曲的名字〈Ask〉，我都想Ask吓到底是〈社會的錯〉還是Paco的錯？（嗱嗱嗱，一次過順便澄清埋啦吓，阿劉昇媽首〈Phone殺令〉交出去嗰陣明明仲係〈封殺令〉架吓！）

但在眾多被改名換姓的案例中，最最最莫名其妙的紀錄保持者也不是這個，至今仍然令我抓爆頭的是黎明，不是後來變成了〈為了對你再想念〉的〈靜電〉或者無端端改做〈愛瘋了〉的〈受難曲〉（來自04年《Love & Promises》 EP，喂，明眼人一睇就知唔係我style啦），而是2001年替Leon填的〈休戰日〉，其實當時似乎有鋪「改嘢癮」的黎生已有點微言，所以我已後備了一個〈You're so Cool〉給他揀，因為首歌是講「女友將男友箍得很緊」之類的，係係係，我知兩個都唔係特別標青嘅名，「Cool」與「箍」的食字甚至有少少爛Gag feel，但至少貼題吖大佬，失驚無神這首歌在派台時變了無頭無尾兼「倔雷搥」的〈喜〉，係，〈喜〉，你們上網Google一下這份歌詞就明我的下巴當日為甚麼脫骹了。（好在佢無將同碟的其他歌改埋做〈怒〉〈哀〉〈樂〉唧！）

終於講到第二怕的（B），就是在未被徵詢之下給改了歌詞並錄了音印了碟，許美靜的〈傾城〉整段A2給剷走了Repeat A1算數，小事，至少是我寫的；林憶蓮張學友的〈日與夜〉：「最好全部記憶收起，終會淡忘你的臉」那麼平庸那麼無嘢，但畢竟一句半句，就算我不告訴大家這是陳輝陽先生一時技癢的神來之（敗）筆，殺傷力也不太大。歷史上最心狠手辣的整形手術，是郭富城很久以前的一首side - cut〈紀念冊〉，原裝歌詞被「東一忽西一忽地『採用』了」，中間混入了30%不是我的手筆，成品堪稱歌詞界的Frankenstein，最慘那名替我 Nip/ Tuck的高手真人不露相，作詞一欄掛的仍是我的名字，對於那位路見不平拔筆相助的俠士（雖然到底是誰我相信也不難猜吧），叼了光這麼多年，真想說句不敢當。

說慘，我其實不知道明明不是自己寫的但要「認頭」慘，還是以下這個更慘，仍然是Aaron的file，幾年前接到一首快歌的訂單，可是那一年實在忙，到了講好的交詞日期我卻未寫好，唯有打電話去千道歉萬道歉，誰料那邊廂已在錄音室等，並說無論我已完成了多少，都先fax過去「唱住先」，我唯有將寫好的整段副歌交出，奇怪是這天之後，沒有人再追歌詞，直到出碟的那天，我看一看track list「咦，點解我未寫起嗰份詞會唱咗嘅？」原來，對方已不等我自己完成了歌詞，但用了我提供的歌名〈神經〉和Chorus第一句的Hookline 「神經，早已經」五粒字，只五粒字大概不構成「盜用」吧，但明明是我的財產呀，唯有當花籃「豪俾佢」啦，對於那位同行，我甚麼都不想追討，不過我覺得我有講這個故事的權利。

第三怕沒有字典的studio，我不敢說是監製不識字，監製是沒必要識字的，否則也不用俾錢請你填詞，但一位盡責的 producer，錄音室裏至少要有本字典吧！遇上唔識讀的字，就算不想打電話問應該負責的填詞人，也得有本工具書才能自食其力呀，以下是一個有邊讀邊的經典案例，一字記之曰：固。

十幾年前李樂詩小姐有首派台歌叫〈失戀於戈壁沙漠〉，歌詞有句「嘗盡失戀的乾涸」，監製大概認為那「三點水」是廢的，CD裏唱出來是乾「固」；一年後我為（OMG，咁啱又係）陳慧琳寫了首〈Yeah Yeah Yeah〉，歌詞有句「欣賞箇中的意圖」，監製大概也當那「竹花頭」是流的，CD裏唱出來的，又是「固」中。

「個」字看到這一篇文章，應該抹一額汗：「好彩人人都識我唧！呼～」（待續）

LoveMirkay520

VERSE-CHORUS-VERSE (黃偉文專欄)
2009年12月號《JET》

繼續怕之前，想插入一個人人都以為是「怕」的「不怕」。

我其實不怕歌手唱Live忘記我的歌詞，當然是指「間中」，「時時」的話我再大方觀 / 聽眾也會介意吧，不用出動我的撲克臉了。

偏偏歌手們自己相當耿耿於懷：那場演唱會如果明知我在座的話，歌手們便很怕自己忘詞甩嘴我會發嬲，結果太concious要拿背默100分，便愈險象橫生，不好彩唱到哪一句啱啱望到台下的我，便即時撻Q，萬試九千靈。

換了我自己在台上唱歌，唱唱吓見到觀眾席上填詞人的身影，恐怕也一樣後果，所以我去看演唱會前都建議大會不要給我「最佳位置」，也別告訴歌手我那一天會來，當然自己也忍住不要在開場前入後台蒲頭講句「Good Show」之類的，只可惜我的髮型與呎碼皆易認……結果他們完場在台見到我的第一句話便是「Sorry」而不是「Hello」或「Thank You」，證明他們十分介意我介意他們忘詞，在此，我必須向這批歌手正式重申：我不會Mind，尤其是「心虛榜」的冠亞季軍，Eason、明哥和阿詩，Take it easy，人嚟?嘛，點會無錯，而且，其實你哋幾時聽過我講過「哦，你死，你記錯我啲歌詞！」呢？

更想知道的是，林夕周耀輝陳少琪林若寧等同業有沒有遇到這種情況？還是，只得我有？那麼，我面壁……

回到害大家等了一個月的「怕」。我第三怕不知道自己要甚麼的歌手，但怕還怕，不一定等如憎。

舉個例，林憶蓮，她2005年那張專輯我本來是要包碟的，會也開了三四次了。（我還問過她有沒有看過我寫那篇「憶蓮雲吞」口添，只見珊迪小姐巧笑倩兮，問曰：「朋友e了給我看過。」搞到我暈哂大浪。）作為蓮迷之一，這是件一生可以只得一次的「孝順」機會，喂，寫哂成張碟10首歌喎，印象中林小姐也未試過由第一cut唱至最後一cut都是着住Jean Paul Gaultier的，意義重大。

感性歸感性，我當然心裏明白，最愛的不一定meant to be在一起的。

結果，就是開幾多次會，都套不出憶蓮的口風，到底她想要唱甚麼？信我，明問暗套旁敲側擊「講最近鍾意一部電影我聽吖？」「如果你陣間落樓下見到有個女人喊，你會覺得係發生咗乜事呢？」兼飾金魚佬與催眠師，結果還是得到笑笑的搖頭。

無符，唯有拿着那些旋律回去試寫，寫我覺得有趣的適合她的。

第一次交詞，Sandy望了兩眼，如常笑容靚聲音甜：「哦，你想寫《Desperate Housewives》！」以歌手來說歌詞理解力驚人而且對潮流的觸覺很好，一度令我以為自己一標正中紅心……「但我唔係想要呢啲喎。」仍然客氣中見嬌嗲。

「咁，你想要乜呢…或者唔鍾意啲乜呢……有啲乜可以keep呢……可唔可以話俾我聽呢……」連我也被感染到娃娃音起來了。

「唔……唔知呀。」甚至有種我見猶憐的感覺。（後來才知道「你見猶憐」的應該是我。）

回去又寫寫寫，寫我猜她會喜歡的東西，結果又被溫柔地ban了，又回去寫寫寫……

情況有點似，男朋友問女朋友今晚想食咩，她說唔知，於是他買了日本菜回來，她說不想吃，又問她想食咩，她又說唔知，於是他又買了法國菜回來，她不說不想吃，又問她想食咩，她又說唔知，於是他又買了越南菜回來……不寫下去了，又不是很有趣的寓言故事。

總之，他懂的菜式都買過回來了，他能碰的運氣都碰過了，還是沒有買中她口味的運氣，他知道，這樣下去，她會餓死，他會支力死。

於是，他辭職，在雙方關係變得ugly之前。

最慘的是，我知道憶蓮甚至不是玩我或刻意令我估唔中，她是真心地連自己想要甚麼也不知道而且不懂如何表達……套用一句李宗盛的歌詞（希望前李太別介意）：「總之那幾年，你們兩個沒有緣」。抽身，或者是對喜愛的人「好」的唯一方法。

是我自己一語成讖，「憶蓮雲吞」果然不該試，或者我們的關係最好是水餃甚至生煎包，我明，所以此後我並未減少分毫對林小姐的愛與崇拜，她依然是當代我最愛的歌姬之一，甚至還假想，過幾年，當時機對的話，我還是很希望有幸為她寫一首〈囍帖街〉才收山的……

講到眼濕濕口添……hm……hm（清喉嚨）……講返呃……最怕「不知道自己要甚麼的歌手」，我所討厭的其實是那種你一顆丹心給了他，他卻總是覺得隔籬飯香的那一種「Um，你寫俾阿XX首XX同阿ZZ首ZZZ好似采彩啲唧呵，唔知你覺唔覺呢？」，問他要甚麼他又答不出總之覺得你唔錫佢（咁一早何必搵我？）交了五稿歌詞結果因為死線已屆勉為其難地錄回第一稿，浪費自己時間又浪費別人心血那一種。

我第九怕的（即是本來有四五六七八的，怕長氣跳過了），即是最怕的，是「copy & paste」。

是，我明白歌迷自收音機聽到偶像的新作面世一定急不及待將歌詞抄下去post上網公諸同好的，但聽寫是件很難的事，尤其變成了歌曲還經過大氣中雜訊的干擾，所以第一稿放上網就100%全中的歌詞，對我來說幾乎是未見過，情有可原，但請求將歌詞貼堂的人可不可以也負責跟進修正，官方途徑如果發表了「正字版」，可否幫手執番幾粒字粒。我知，第一波的copy & paste已覆水難收，起碼後來者不會再錯下去吧，請明白填詞人斟酌的每一隻字都是花過時間精神感情的（當然，我認，有時用功了很久仍有錯別字錯讀音的漏洞，這方面我以後會更小心），寫得夠不夠好見仁見智，至少還他們一個原貌吧，沒有考證的聽寫，剪下，貼上，等於給蒙羅麗莎加了二撇雞，達文西見到會心痛的。

可恨的是，有些明明可以從官方途徑取得正版的機構，例如電台網頁、收費聽歌的網上平台、電視台甚至唱片公司自己發行的MV，居然都偷懶，好端端的original寧願放埋一邊都費事摷，費事問番阿陳奕迅王雙駿攞，有甚麼方便得過網上搜尋一個再copy & paste？連唱片公司都錯，也真的抵死，雖然不暝目的是我。

例如最近的一個案例是我看完謝安琪的演唱會，完場後和周博賢先生說了一句：「喂，老友，你自己都是填詞的，一定明白我心情，所以麻煩你，〈3/8〉的歌詞字幕，尾句那個『沿路的風裡』下一場可不可以幫我改返『風呂』？」結果，傳回我耳裏的版本是有人覺得我提出這樣的要求很「多事」，兼且把我說成「對這個演唱會彈三彈四」，怎會這樣的呢？是誰傳出去的呢？我當然相信不是周博賢與謝安琪。

所以呢，就是囉，我其實不怕彭羚《窗外》專輯第一版，「填詞人」一欄印上了「黃偉人」；也不介意Eason《U87》初版的〈大個女〉作者無端端益了我；前幾天容祖兒說起〈華麗邂逅〉在某頒獎禮上得獎，她多謝了林夕，我甚至都無印象了……我介意的是以訛傳訛遺臭萬年的copy & paste。

填詞人最怕的事，以上一至八你都幫不到我的，唯獨這一項，你得嘅，只要在每次right click之前幫我跟一眼，謝謝orz。

on07111

千嬅被責走音唔甘心
更新時間 (HKT): 2002.08.28 08:00
楊千嬅昨日出席在添馬艦舉行的「BiothermSkinLovingColors呵護皮膚色彩系列」活動，昨日所見千嬅額頭的頭髮明顯稀疏，千嬅說：「好耐㗎啦，演唱會已經係咁。」

對得住良心
當記者提起早前她在《太陽計劃》活動時唱歌走音，千嬅即時表現不滿，她說：「舊聞啦！我當時戴住耳筒，自己都聽到自己唱乜，但係有冇走音真係無從稽考，總之我對得住自己良心，啲人識唔識聽走音係一個疑問，話我走音嘅人嘅出發點亦都係一個疑問，我亦唔需要搵藉口，更加唔希望搞到好似《城市論壇》咁。我都有返屋企聽過聲帶，如果第時有人為我心悅誠服拍手掌，我會多謝鬧過我嘅人。」

hehehaha

當年CM個個都bully 璇璇
好彩我覺得首歌ok

http://www.cmusichart.com/discuz ... p;extra=&page=1

LoveMirkay520

日前陳慧琳(Kelly)在成都假日酒店出席某產品的推介會，態度親切友善，和歌迷打成一片。她亦大方響應被指在演唱會咪嘴一事，形容事件是“好心做壞事”，因她是怕歌迷聽不清楚才播伴奏帶，沒想到會惹來這麼大的迴響。

　　據香港成報的報導說，陳慧琳對被陳奕迅篤爆她在演唱會中咪嘴，表現平靜，也沒有迴避，坦白地說：“其實這真是好心做壞事了，我以前在演唱會中唱勁歌因為動作比較大，聲音就要小一點，很多歌迷反映說聽不清楚，音響人員於是便準備了伴奏帶，想不到弄巧反拙！”Kelly表示日後如果聲音太小的時候還會用伴奏帶，但在台上依然會真唱。


聽講eason一直唔妥kelly

kaman921

想要歷屆港台頒獎禮片

John

港台頒獎禮當晚只得一獎的陳慧琳（Kelly）亦坦言對賽果失望，但卻否認當晚因為失意而黑面，Kelly說：「我只係愕然啫！」對於容祖兒指「舞影行動」後的獲獎才是實至名歸時，Kelly語帶無奈說：「係囉，實至名歸！」

on07111

無綫各個頒獎禮的生殺大權，向來操於高層手上，一如以往為玩驚喜，一眾高層在《勁歌》頒獎禮前忽然決定飛起大熱古巨基，將最受歡迎男歌星獎頒給陳奕迅。坐足全晚只得一個獎的陳慧琳則忍不住炮轟唱片公司爭獎不力，指其公司是弱勢社群，暗寸無綫不公平，歌手再努力也沒有用，連頒獎嘉賓周慧敏也揶揄道：「我想邊個攞冇用，最緊要TVB高層決定先啱。」

相關新聞：祖兒無視志偉：我怕醜

無綫前晚在紅館舉行的《2006年度十大勁歌金曲頒獎典禮》，備受矚目的最受歡迎男歌星獎本是大熱古巨基的囊中物，最終卻落入其勁敵陳奕迅手上，賽果雖然合理，但難免令人感到意外。據悉，無綫每年在頒獎禮前兩天會兩度開會，由陳志雲、樂易玲及何麗全等高層決定大獎去向，所有計分及歌迷投票只屬輔助性質。
據本報收到消息，上周四召開第一次高層會議時，仍屬意由基仔兼奪男歌星獎及金曲金獎，但上周五召開最後會議時，突然有人提出效法去年佘詩曼踢走大熱胡杏兒奪台慶最佳女主角獎的做法，因為全世界都以為男歌星獎會頒給基仔，倒不如將獎項分給Eason更能收到驚喜效果，無綫又特意請來基仔好友周慧敏任頒獎嘉賓，讓人更覺得基仔得獎是十拿九穩。
前晚當周慧敏宣布男歌星獎得主是Eason時，攝影師沒按慣例拍攝Eason經理人陳家瑛或唱片公司人員的高興表情，反而第一時間拍攝基仔經理人黃柏高（Paco）的錯愕反應，娛樂性十足。

漁人得利
無綫安撫側田豐收

賽前Paco為基仔爭獎出盡法寶，無綫突然轉軚將男歌星獎頒給Eason，為了安撫Paco，便多分幾個獎項給他力捧的側田，據悉Paco本來只為側田爭取到一首金曲獎，結果漁翁得利的側田前晚竟一口氣奪四個獎，與劉德華及容祖兒齊做大贏家，連側田自己也意外之極，領獎時連得甚麼獎也搞不清楚。賽果忽然大執位，Eason的《最佳損友》及李克勤的《天水．圍城》從未入優秀選的歌曲也能得金曲獎，可謂相當混亂。
與Eason同屬正東唱片的陳慧琳，前晚只得一個不頒給她也不知道可以給誰的亞太區最受歡迎香港女歌星獎，連一個金曲獎都分不到，她出席慶功宴時直言：「坐咗成晚好辛苦呀。」問她是否嫌少獎，Kelly說：「係呀，以為十首歌梗有一首，點知冇，好失望。」
記者鼓勵Kelly今年再努力時，她晦氣地說：「冇用啦，時勢唔同，唔係歌手努力就得，公司都要努力。」問她是否覺得公司不夠努力為她爭獎，只顧為Eason爭獎？Kelly說：「係呀，公司唔夠努力，Eason一早應該攞，佢都攞好少獎，不過佢都有大獎。」

千嬅吞蛋
「正常，佢轉會嘛」

問Kelly日後會否多為無綫工作爭取好成績？她說：「咁樣冇意思，做嘢為攞獎就唔值。」談到楊千嬅食白果，Kelly說：「好正常，佢轉會嘛。擺明拎獎同公司有好大關係，我地弱勢社群嘛。」
至於失卻男歌星大獎的基仔被問到可感失望時，他說：「每一次得獎我都會感恩，06年嘅古巨基贏咗05年嘅自己，我宜家着眼07年繼續努力，我喺後台都有同Eason擁抱。」問他輸給Eason是否心服口服，在旁的Paco搶答道：「06年《愛得太遲》係實至名歸，男歌手係遲早問題，呢行係睇夠唔夠長命去玩。」基仔則說：「遇到首好歌已經證明我有好運氣。」Eason則說：「我冇定時間要自己幾時攞男歌星獎，過程緊要過結果，今年做歌嘅過程好開心。」
其實行內人早知無綫高層愛玩驚喜的遊戲規則，前晚頒獎禮開場不久，劉德華已公然表示覺得頒獎禮沒有公平及不公平，只得有規矩和沒有規矩。周慧敏也似早已知道結果，當她在台上被志偉問最想誰得獎時，她說：「我想邊個冇用，最緊要TVB高層決定先啱。」志偉也忍不住說：「珍珠都冇咁真。」

乐坛风云

無綫各個頒獎禮的生殺大權，向來操於高層手上，一如以往為玩驚喜，一眾高層在《勁歌》頒獎禮前忽然決定飛起 ...
on07111 發表於 2021-1-2 19:02

   06年最男肯定係Eason喇，個年佢紅館甘爆

sexykaren

06年最男肯定係Eason喇，個年佢紅館甘爆
乐坛风云 發表於 2021-1-3 11:36

  06年臣拎哂4台男歌手金，基拎哂4台金曲金，好公道，臣自2001年起除04年無玩，06年首次無一台金曲金，唔明基拎哂金曲金仲妄想拎最男?

kenneth

無綫各個頒獎禮的生殺大權，向來操於高層手上，一如以往為玩驚喜，一眾高層在《勁歌》頒獎禮前忽然決定飛起 ...
on07111 發表於 2021-1-2 19:02

   兩個字 黑暗
四個字 黑箱作業

乐坛风云

06年臣拎哂4台男歌手金，基拎哂4台金曲金，好公道，臣自2001年起除04年無玩，06年首次無一台金曲金， ...
sexykaren 發表於 2021-1-3 19:21

   古巨基拿最男係遲早嘅問題，07年起劉德華唔玩，男歌手獎又多個名額出來分

乐坛风云

叱咤連續4年為天王天后級歌手創造神話：2017送禮失魂記，2018祖祖心之科學，2019Sammi我們都是這樣長大的，2020莫文蔚呼吸有害。幫上一代嘅神級歌手首奪至尊歌，假如劉德華，陳慧琳，楊千嬅這幾位未來幾年都嘗試一下，必定能獲得至尊歌。彌補佢地幾個的遺憾

sexykaren

古巨基拿最男係遲早嘅問題，07年起劉德華唔玩，男歌手獎又多個名額出來分 ...
乐坛风云 發表於 2021-1-4 22:11

07年無諗過咁快俾雙料eason, 以為送禮亞太

sexykaren

叱咤連續4年為天王天后級歌手創造神話：2017送禮失魂記，2018祖祖心之科學，2019Sammi我們都是這樣長大的， ...
乐坛风云 發表於 2021-1-4 22:41

劉華肯定無，莫后廢事翻唱佢歌，kelly睇環球肯不肯俾錢，千嬅就有機d

我等我在

劉華肯定無，莫后廢事翻唱佢歌，kelly睇環球肯不肯俾錢，千嬅就有機d
sexykaren 發表於 2021-1-4 23:26

千千形象插水
Kelly機會比佢大

sexykaren

千千形象插水
Kelly機會比佢大
我等我在 發表於 2021-1-5 10:54

kelly係有機會，主要因大公司，連李克勤都得，千千點會唔得，睇公司

gordon0807

kelly係有機會，主要因大公司，連李克勤都得，千千點會唔得，睇公司
sexykaren 發表於 2021-1-5 11:55

   千嬅唱片仲係寰亞人, 都叫大公司, 睇下林生出唔出力JE而佢又仲會出新歌
形象,而家反佢個的不嬲都反緊佢,只係新聞狂谷好似好勁
佢一向都係小眾人喜愛,只係當年的人借佢來反JOEY先攪佢好像地位好高
HOCC, KAY一出, 其實即刻已經無咩人理佢,


KELLY應該都唔會再出新歌啦, 佢都係等國內隔離完之後返去都係唱個幾首歌登台搵$好過

gordon0807

07年無諗過咁快俾雙料eason, 以為送禮亞太
sexykaren 發表於 2021-1-4 23:24

07估唔到金牌, 東亞都分唔到以後唔係東亞千FA有最女, 都基仔金牌有最男
點知英皇2個,環球3個

EASON 08年得個亞太都即刻黑臉基仔最男唱歌手都唔拍

sexykaren

千嬅唱片仲係寰亞人, 都叫大公司, 睇下林生出唔出力JE而佢又仲會出新歌
形象,而家反佢個的不嬲都反緊 ...
gordon0807 發表於 2021-1-8 09:52

千千現在被人插仲好過08年做咩都無人理

bagfgfcde

Miriam + 而家反佢嗰啲係以前一直反緊 = DELUSIONAL!

on07111

Miriam + 以前一直反緊嗰啲係而家仲反緊佢 = True

ps.句logic 好翹口

反而好多反祖都變左祖粉

John

Miriam + 以前一直反緊嗰啲係而家仲反緊佢 = True

ps.句logic 好翹口

反而好多反祖都變左祖粉 ...
on07111 發表於 2021-1-9 10:31

祖兒威力強大 可以令人由唔鍾意變成鍾意
千千咁多年來始終如一(地本色演出) 無辦法改變討厭千兒嘅人

1d14

07年無諗過咁快俾雙料eason, 以為送禮亞太
sexykaren 發表於 2021-1-4 23:24

仲好講07年送禮搶左我軒《酷愛》金曲金，之後又到吳若希搶《青春常駐》金曲金，搞到要到《百年樹木》先首奪金曲金

Our_Souvenir

07估唔到金牌, 東亞都分唔到以後唔係東亞千FA有最女, 都基仔金牌有最男
點知英皇2個,環球3個

EASON 08年 ...
gordon0807 發表於 2021-1-8 09:54

   
Eason 唔係 TVB 愛將都連續攞左 06 07 最男啦
算係咁架啦

同埋 08 佢唔係主力出國語碟咩? 有亞太男都 OK 啦