KLY

好心批個期比陳曉東好過啦.......

KLY

鄭中基(Ronald)、衛詩雅、陳庭欣(Toby)、邵音音及麥子樂等，昨晚去到尖沙嘴出席《毒魔》首映。鄭中基宣佈農曆新年會舉行4場紅館演唱會《One more time》，Ronald話：「連續4年新年都冇嘢食，好耐冇開演唱會，今次主題關於愛同希望，鼓勵香港人，我個女話要唱，佢已經揀咗歌同我合唱，阿仔就唔鍾意唱歌，鍾意玩樂器。」

from 蘋果

KLY

紅館個場真係唔易申請，好多歌手都話試過無數次入紙都唔成功。咁，下年農曆年檔期，又係邊位歌手得到呢！當然佢嘅Fans就一定知啦！就係上年至開完世界巡迴演唱會香港站嘅鄭中基喇！佢會喺明年2月4日至6日，即係年三十晚到大年初二，舉行一連三場「鄭中基One More Time世界巡迴演唱會」，同大家一齊迎接豬年來臨，而下個月6至8日，會先畀信用卡優先訂票。

提到上次開騷一票難求，鄭中基希望今次同樣好反應：「檔期係得咁多，如果真係要加場，最多我快啲搭台、快啲拆台囉！」

source - 蘋果日報

KLY

歌手許志安（安仔）身穿紅色西裝出席活動時透露，早前有幾日假期，即去了日本玩，他說：「係一個正常嘅假期，但肥咗好多返嚟，要努力操番先得。」問是否操肌準備開騷？安仔即宣布入紙紅館成功的好消息：「係呀！出年開，入咗紙，已經得咗啦！但未講得幾時住。（連謝霆鋒都爭唔到喎？）我係出年先開，對上一次喺紅館開已經係2015年，今次係相隔4年再開，我聽到呢個消息都好開心，我申請咗兩次先成功，希望可以做好啲，攞咗幾日期，所以開極都係得幾日。」

安仔又笑言操肌不是為了開演唱會：「其實都想自己sharp啲同埋fit啲，因為有時都要拍廣告同埋工作，唔想因為開演唱會先嚟操，咁樣好似變咗工作咁，你知有時Paco（老闆黃柏高）會無啦啦話下星期有個角色啱我做，咁就已經唔關演唱會事。」問Big Four班好兄弟攞咗期做嘉賓未？他說：「太早喇，唔怕講埋啦，係下年嘅下半年先開。」

from 東網

KLY

eason 入紙暑假失敗 唔通安哥係入紙暑假?
放空 發表於 2018-10-30 12:57

原來係安哥老婆

鄭秀文（Sammi）今日出席品牌慈善活動，提到陳奕迅（Eason）爆料指明年紅館暑假檔期，被Sammi搶去，Sammi說：「我想我們互相收錯消息，我以為他想開聖誕節，所以我不報聖誕，申請暑假，結果批了7月檔期，Eason未開過跨年，由他跨啦，或者他跟謝霆鋒一齊開。」

Sammi直言今次演唱會不是Part 2，而是全新主題，場次未知會開幾多，但自己考量不會開太多。Sammi最高紀錄開16場，問到會否突破個人紀錄？她說：「不突破了，這個年紀怎再求突破？我只關心演出做得好不好，自從『Show Mi』系列開始，我的場次是一直減少，做太多未必應付得好。」

提到老公許志安同樣明年下半年紅館開騷，Sammi說：「他好似8月定9月，我們要一齊備戰，他近來有自拍騷肌肉，好少見，我見他幾有成績，我們這種中年人士靠運動保持身體健康，絕對值得鼓勵。」

source - 明報

KLY

閻奕格To You With Love 香港音樂會
地點 : 旺角麥花臣場館
日期 : 2018年12月26日
時間 : 8:15 PM
票價 : $680 / $480
門票於13 日(明天) 購票通及通利琴行售票處公開發售

KLY

講到明年4月再喺紅館開騷，古巨基話原本諗住畀個驚喜大家：「冇諗過咁快喺網上露左風聲，我地稍後都會公佈。」佢話場次幾多未定，仲叫大家到時記得去撲飛。佢仲話好開心，因為今年5月先開完騷，反應好好：「上次係相隔7年，估唔到依家1年內可以做兩次。」

為免再發生跌落窿嘅意外，問到今次個台會唔會唔再有機關？古巨基笑謂點都要有，不過今次會小心啲：「可能加定求生氣墊喺台底，同埋台邊個寬度加返寬啲，上次係做窄咗，我地安全意識都提高咗。」

from 蘋果

KLY

英皇霸曬。聽講出年年底仲有霆鋒，唔知送禮會唔會入紙
lightupmylight 發表於 2018-11-29 14:42

重記得霆鋒早排訪問先話想開戶外多過開紅館
唔明點解英皇做乜要幫佢申請紅館期