返回列表 發帖

人妻Kay湊仔女生活愜意 有望復工拍廣告

本帖最後由 myrichardac 於 2017-10-9 16:29 編輯

謝安琪上年開完演唱會,就宣佈暫別樂壇,計劃展開人生另一個十年。呢個十年大計啱啱開始無耐,人妻Kay就宣佈為老公張繼聰追多個女,兩人囡囡張靖(Karina)喺今年3月出世,呢段時間,Kay唔係無所事事,成日都趁有時間,就湊住阿仔張瞻同Karina四圍走。
從事歌手生活咁多年,Kay回歸平淡,真係好珍惜呢段時光,多咗好多好多家庭照。好似上個星期中秋節,Kay就湊住Karina出席屋苑舉行嘅迎月晚會。

對女性嚟講,有種幸福叫肥。早前Kay同生煎包王子蕭潤邦嘅新店開張,Kay講咗句:「o依家咁肥,仲唱乜歌?」唔好誤會,佢嘅意思唔係話肥人唔唱得歌,而係o依家唔喺狀態,同理想差一大段距離,o依家享受家庭生活之餘,都想慢慢咁回復狀態,俾個最好嘅Kay大家睇。

要等幾耐呢?或者,好快就有得見面。

早前Kay向傳媒放風,話成日都有好多工作邀請聯絡佢,報酬甚至比生囡囡之前更高,加加埋埋唔見咗過百萬,Kay仲話可以考慮下復工拍廣告,但就要等多一、兩個月左右。
蘋果日報


謝安琪產後半年難修身 全身圓潤Look曝光
40歲嘅謝安琪喺今年3月誕下女兒張靖(Karina),停工近半年都未有計劃復出。有指Kay喺呢段時間推咗好多商演及廣告,估計總數達七位數,Kay都話好肉赤。

咁點解肉赤都要推?其實理由好簡單,因為真係未收身!

Kay今次生第二胎,已屬高齡產婦,懷孕期間食好多補品,生完之後一直好難keep番以前身形,所以佢放喺社交網上嘅相,唔係用囡囡做「掩護」遮身,就係只拍大頭相。Kay喺8月時出席過自己有份投資嘅生煎包店開幕,當時佢都係刻意穿着鬆身衫,腰間仲綁住一件衫,被問幾時復出?佢仲爆咗一句:「o依家咁肥,仲唱乜歌?」(相關新聞﹕http://bit.ly/2wTgakt)

日前讀者陳小姐透過《蘋果》「爆相爆片」,透露上周五喺大埔超級城見到Kay同大仔張瞻。見Kay全身黑色打扮,黑帽、黑衫、黑鞋及黑色5吋高踭鞋,揹住個黑色Chanel腰袋,下半身明顯較圓潤,好有肉感,昔日嘅蛇腰都不見了,好彩Kay嘅尖下巴仍在。陳小姐話見到Kay母子買完奶茶後,就喺門口玩自拍,佢話﹕「見Kay有少少baby fat啦,佢同囝囝影咗大約兩、三分鐘,玩唔同角度,佢個仔都好乖,有配合媽咪影相。」陳小姐話唔係太多途人認得Kay,陳小姐話﹕「我同朋友企喺度望住,先有多啲途人留意到。Kay都好nice,知人望佢都有笑吓。」之後,Kay同囝囝及一名中年女士一齊去停車場取車離開。

Kay自籨生完囡囡Karina(圓圖)後半年仍未收身,要回復當年狀態都需要一段時間。(相片由讀者陳小姐提供)Kay同囝囝買完嘢飲後,就拎起手機玩自拍。兩母子又互影,真係好合拍。讀者陳小姐話唔係好多人認得Kay,但當Kay發現有人望實佢,都禮貌微笑。Kay喺8月時出席新店開幕,刻意用衫遮住自己下身。(資料圖片)Kay嘅網上相多數都係大頭。(網絡圖片)Kay今年3月為張家再添一女,一家四口好溫馨。囡囡做「掩護」Kay早前同老公張繼聰及囝囝張瞻一齊跑步。

蘋果日報 篇野有成17萬點擊率{:1_9:}
仲有篇後續報導,kay媽雖然暫別樂壇,但新聞話題仲多過以前
【與網民開戰】唔介意老婆身材走樣 張繼聰力撐Kay冇整容

提示: 作者被禁止或刪除 內容自動屏蔽

TOP

Kay講咗句:「o依家咁肥,仲唱乜歌?」

我欣宜怒了。。

TOP

提示: 作者被禁止或刪除 內容自動屏蔽

TOP

咁陳小姐又認得佢 偷影美淫 ? 佢全黑 咁 唔起眼姐 好多明星喬裝下 係街度無人認得出 啦! ...
tributehotel 發表於 2017-10-9 18:22

陳小姐意思係因為佢嘅關係先有人認到kay

TOP

咁都寫到一大段新聞

TOP

扮完賢妻良母終於忍唔住出返黎
Jason's Playlist 2024
Week 12 白髮齊眉 - 鄧小巧

TOP

提示: 作者被禁止或刪除 內容自動屏蔽

TOP

提示: 作者被禁止或刪除 內容自動屏蔽

TOP

o依家咁肥,仲唱乜歌?

真係好鬼鐘意謝安琪

TOP

重點:Kay都好nice
SSN Chart (22 Mar)  冠軍: 三生有幸 - Yan Ting  |  亞軍: 唔明你講乜 - 陳健安

TOP

返回列表