「言論屬私人交流。」唔係開脫責任嘅理由。
聽咗佢段錄音，其實內容唔係啲咩八婆是非，唔係啲咩敏感私隱，唔係啲咩情慾對話，而係佢心入面所相信嘅健康資訊，未至於令佢覺得係啲唔見得光嘅內容呀？我明的確未經當事人同意，但就算流出咗，所聽到嘅內容都未至於要將個回應焦點放係「只屬私人交流」。
所以，如果謝安琪本人真誠相信嗰啲資訊，流出咗後，個問題究竟係邊呢？
舉個例：我深信呢個世界有鬼，於是我私底下同朋友講：「我覺得有鬼魂存在。」然後，個朋友就公開同大家講。咁嘅情況下，我覺得無問題，因為呢樣係我深信嘅事，亦唔係啲咩唔見得光嘅事，你咪講囉。
相反，如果我話呢個世界有鬼，而其實我都係估估吓，無咩真憑實據，然後我私底下同朋友講：「我覺得有鬼魂存在。」咁我就好驚個朋友周圍同人講喇，喂，我講到言之鑿鑿姐，但其實我都係鳩up 㗎咋，講出嚟好容易比專家一擊即潰，鳩up 嘅嘢，笑笑算吧，喂，你唔好周圍同人講啦……
所以，佢用「言論屬私人交流。」嚟回應，某程度上都承認咗佢啲資訊係未經證實同錯嘅，所以咁驚公開。就算無公開到，你喺私人 group 講，喂阿姐，你個私人 group 都有唔少媽媽 c9 啦，佢地聽完作為傑青嘅你咁講，唔多唔少都會受到影響（佢個 tone 仲要扮到勁專業），你估私底吓講就無事咩，個 group 有一個人受你影響，然後一傳十，十傳百，都出事啦。
所以呢單嘢，謝小姐完全係自討沒趣。但得到咁多醫生專業人士嘅 FYI，咁多 information 去澄清，我地一班市民都學到唔少嘢。希望各位健健康康過新年，遠離無知呀！
發表於 2018-2-8 14:32
| 
