之後出現嘅《Come With Me》係香港樂壇嘅里程碑。比起將《Something Just Like This》加倍劣化再扮作新嘗試,吳雨霏選擇挑戰Tropical House,歌曲竟然成熟得輕易領先整個香港樂壇。開頭一句ad-lib已經令人想入霏霏。經過憶蓮調教後,Kary更能掌握同發揮自己嘅淫婦本色,將歌曲演繹得既性感又帶含蓄。Alex Fung嘅featuring亦調和咗歌曲氣氛,避免聽眾聽到一半要發洩。擅長寫意識不良歌詞嘅邦邦今次亦大展所長,多次修改後得出一份相當精準嘅歌詞,係近代香港樂壇快歌中難得一遇嘅好歌詞。三個版本中始終以Kiri T編曲嘅原版優勝,不但無衣不稱身,更做出極搶耳嘅beat。相比之下,量產即食作品嘅Doughboy就無為歌曲帶黎好嘅改變,Sidechains remix亦係可有可無。叱咤十大第四位可謂實至名歸。