- 積分
- 948
- 貢獻
- 98
- 參與
- 850
|
第七屆香港薩蘭托國際電影節今日喺圓方The Grand Cinema舉行活動,同時頒發香港傑出演員獎俾古天樂。
今日正值母親節,古仔話噚晚已經同媽咪食飯同送禮物,今晚會去擔任好朋友古巨基演唱會嘉賓,問到佢會唔會唱自己歌曲《今期流行》?古仔話:「我哋係會唱《當年情》,今晚仲有幾位嘉賓,但唔知係邊個。」提到基仔喺演唱會上又唱又跳古仔名曲《今期流行》,古仔知道即刻話:「係咩?真係㗎?佢整親唔好跳得咁犀利,當晚知道佢有事都好驚,即刻短訊佢,因為自己舊年拍科幻片時整傷脊椎骨,唔係休息咁簡單,係好辛苦,手同頸都傷到神經線,痛咗年幾先好啲,如果跌親頭兩晚都要敷冰,等神經線唔好發炎落去。」
係咪專登為咗基仔要提前同媽咪慶祝母親節?古仔話:「好早已經應承咗基仔太太,但佢本人當時唔知道。」今年連掃多個獎項,古仔冇因此特別買禮物獎勵自己,現時買衫都係為工作,連玩具都無買,等人送。 |
|