|
 
- 積分
- 5636
- 貢獻
- 161
- 參與
- 5475
|
古巨基一連五場《WE我們世界巡迴演唱會—香港站特別版》噚晚喺紅館開鑼，今日嚟到第二場，就有意外發生。古巨基之後消失咗十幾分鐘，基仔再上台時就摔一摔後腦，仲話：「冇事嘅，上天保佑我！我好想繼續落去，我會盡力繼續落去。」之後唱出《必殺技》，仲照舊喺台上踱步。
今日古巨基開騷時同噚日一樣坐住時光機出場，唱完第一首歌《爆了》之後，佢就話：「有7年冇返紅館，比啲聲我聽！」點知講完呢句嘢，佢就跌咗落去台中間嘅一個窿，而呢個窿原本就係畀部時光機離開，但古巨基就唔小心跌咗落去。
身為基仔好朋友嘅陳志雲噚晚去咗睇頭場，今晚志雲雖然唔喺現場，但基仔發生意外後已經第一時間知道，志雲啱啱同《蘋果》講：「我知道呀，我有朋友去睇，佢話俾我聽嗰陣嚇死我，嚇到我個心離一離，好在冇幾耐佢冇事上番台表演啦。」
英皇高層霍汶希回覆查詢時表示：「基仔喺升降台跌咗落去，但好彩係跌親，應該可能條頸有跌倒，我哋全部人過緊紅館睇佢，可能佢唱完歌要去醫院照一照，佢仲唱緊歌，傷勢唔係好重。」 |
|
發表於 2018-3-12 18:30
| 
