誓要脫毒！男歌手密密操肌改形象

娛樂圈最近掀起一股健身風潮，森美成功變身大隻仔，就連一向以肥嘟嘟可愛形象示人的音樂人陳奐仁都正在努力鍛鍊中，並已漸見成果。可能受到他們影響，一向帶點「毒男」味道的歌手吳業坤，最近都加入了健身行列，密密躲在健身房操肌！最近他在社交網上載自己玩健身的相片並留言話：「紀錄一下」，相中見他雖然未至於練到好大隻，但手臂肌肉的線條已經出晒嚟，應該離收成正果不遠了。另一張相見他在做平板支撐，看來今次坤哥非常認真咁喎！網友留言讚他大隻咗好多，更有人話睇到流口水，並叫他加油！

感想：
坤坤真係好勤力