返回列表 發帖

亞博同StubHub合作 最靚25%門票被炒飛網扣起晒?

位於赤鱲角的亞洲博覽館,是紅館之後,香港另一重要演出場地,年來經常舉辦國際知名歌手、亞洲天團演唱會。

根據官網簡介,亞洲國際博覽館「是一項公營及私營合作聯辦的發展項目,由香港特別行政區政府與私人財團包括香港寶嘉建築有限公司及中國工商銀行(亞洲)有限公司共同投資,用地則由香港機場管理局提供。」

由今年1月1日開始,亞洲國際博覽館管理有限公司跟eBay旗下公司StubHub(香港)簽定合作協議,今後在亞博舉辦的表演,都要經由StubHub獨家發售門票,取代快達票。至於Hall 8、Hall 10 及 Arena Hall等名稱,亦隨之消失,並冠名為StubHub Hall。

StubHub係全球門票交易平台,佢個網站,可以購買世界各地球賽同演唱會門票。今次StubHub與亞洲國際博覽館管理有限公司合作,除咗係要將部份展館重新命名外,另一樣同市民有密切關係嘅改變,就係內部認購嘅扣飛問題。


過往快達票同亞博嘅合作方式係,主辦單先預留一定數量門票,俾贊助商同內部認購之用,其他就經快達票出售。但今次亞博同StubHub合作,卻需要亞博先簽署一啲「不平等」條約。有知情者向《蘋果》透露,條文中最為人詬病嘅係,所有門票需全數上繳StubHub出售,當中25%靚位由StubHub作優先內部認購。過往快達票則沒有這個規定,數量由主辦商定奪。

爆料人指:「我都要同贊助商交代,你攞晒我啲飛,我俾啲乜嘢贊助商?而且佢哋嘅方法係『輸打贏要』,嗰25%飛賣唔晒,餘數係會喺開show前幾日全數退返俾主辦單位『硬食』,得番幾日時間我哋點賣得切?」

爆料人表示,一些受歡迎的藝人,例如周杰倫,當然不成問題,但遇着是較冷門小眾,要硬食就好有問題。對方稱:「呢啲做法,只會喺大陸出現,估唔到移植咗嚟香港。」

另外,爆料人補充,StubHub除了發售門票,更同時經營「網上拍賣」:「佢個網賣緊差唔多一至兩萬蚊一張嘅周董演唱會飛!唔少熱門演唱會門票都可以喺佢嘅網站用高於原價拍賣買到,咁樣會唔會變相助長炒風呢?」


今次亞博同StubHub合作,爆料人透露,首當其衝是Live Nation即將舉行嘅騷,未知是否因為上述理由,故遲遲未動筆簽約。

其餘本港多個大型表演主辦單位,如大國文化、寰亞等,仍採取觀望態度,未落實簽約。所以由年初到依家,都只有大陸公司主辦嘅韓國藝人喺StubHub演出。爆料人稱:「早前幾間城中最有規模嘅演唱會主辦商,坐埋開會商量對策,暫時未有任何定案。」

另一名不願具名嘅主辦商接受本報訪問稱:「亞博要求搞騷公司要實名登記買飛,但我哋好多間娛樂公司,都覺得呢個提議原意係好嘅,以防有人炒飛。但係亞博俾咗StubHub管理,呢間公司喺外國係出名炒飛嘅,咁你叫我哋同啲歌星點信呢間公司。呢排我哋都有派代表同亞博開會,如果消除唔到我哋嘅疑慮,咪唔喺亞博做騷囉!」

對於有主辦單位嘅質疑,StubHub業務發展經理王先生以電郵回覆本報,就有關被指有機會助長炒風一事,他稱:「StubHub致力為客戶提供最佳的售票體驗及公平透明的票務平台,並確保所有門票的真實性,而StubHub亦從無擁有任何門票作二手買賣用途。」

「是次StubHub與亞洲國際博覽館的合作,與StubHub的二手售票平台業務無關。StubHub為AWE(亞洲博覽館)所建立的全新售票網站,是一個獨立安全的電子票務平台,與二手市場分開運作。」

亞博館回覆表示,實名登記是希望杜絕炒飛、假門票、音樂節濫藥及提高安全性。又稱:「有見個別業界誤會本館與個別技術供應商的合作關係。現澄清「系統」完全由亞博館擁有,技術來自不同技術供應商及科技支援,包括 Accenture、Action-Plus、StubHub 及不同電子支付系統等。此外,將部份活動門票分配予場館,並以正價售予場館的客戶及商業伙伴是一貫的市場做法。本館與任何二手市場票務運作絕無任何關連。」

至於是否扣起25%靚飛內部認購,亞博表示:「此問題涉及商業行為中於合約訂名之數字是機密,恕未能公開。就如我們的回覆中提及:將部份活動門票分配予場館,並以正價售予場館的客戶及商業伙伴是一貫的市場做法。例如香港國際七人欖球賽亦不會對外公布門票分配給商業伙伴的百分比。」

Source: apply daily
HINZ TOP 20 Week 51
01 我心中尚未崩壞的部分 - 黄妍
02 著地 - 鄧麗欣
03 Pretty Liar - 章尾而

即管放長雙眼睇下佢點玩

TOP

咪炒囉
街客唔睇 大家攬炒
焦土就是如此
仲含淚睇?
SSN Chart (22 Mar)  冠軍: 三生有幸 - Yan Ting  |  亞軍: 唔明你講乜 - 陳健安

TOP

好彩不嬲唔去呢到睇
SUNDAY MUSIC CHART WEEK 12
1. 自我反省 2. Little Love 3. Control Freak

TOP

算9數啦,唱片公司/主辦單位第一日同黃牛黨通櫃桶底咩,d歌手成日話要滅絕黃牛,其實根本好多時系自己公司d飛直接輸送左比炒家。今次Stubhub只系將成件事合理化,d公司扮乜野清高啊

TOP

睇佢點散飛。

TOP

返回列表