- 積分
- 40373
- 貢獻
- 4789
- 參與
- 31060
|
1470#
發表於 2018-10-19 10:35
| 只看該作者
準決賽嘅比賽仲有 3 個鐘頭左右就會展開 , 一到淘汰賽就會係咩事情都會由不可能變做可能
總係會令人膽戰心驚 , 唔知道一陣間又會唔會咁樣
先出場嘅係 塞爾維亞 VS 荷蘭 , 係舊年歐錦賽兩隊入圍決賽嘅隊伍
相比歐錦賽決賽嘅兩隊主力陣容 , 今次世錦賽荷蘭少左 De Kruijf , 塞隊多左 苦瓜 同 Popovic
而且當時仲係塞隊贏左 , 今屆世錦賽唔計塞隊嘅一 D 出替補嘅場次 , 佢地都係發揮得幾好嘅
唯一唔太放心仍然係小主呢個位置 , 上場用 Busa 打意大利都係發揮得唔錯
不過黎到淘汰賽只要有些微做得唔好都會比人一直捉住 , 所以都幾期待佢會有一個點樣嘅表現
而如果 Busa 真係唔好 , 前任主力小主嘅 蛇姐 可唔可以撐起呢個位呢
荷蘭方面暫時表現都唔錯 , 六強分組後已經好多人自動將荷蘭踢出四強名單
但其實荷蘭一直表現得好好 , 前面講過荷蘭防守質量好高 , 防起嘅球仲可以做戰術 , 而且反擊很快
多得整體各個位置嘅努力 , 不過荷蘭嘅缺點係會時常有一 D 莫名奇妙嘅失誤 , 而且有時最可惜嘅係可以衝分嘅機會球
當然塞隊自失都唔少 , 但如果荷蘭想再進一步 , 自失需要先控制一下
跟住下一步係發球要明確 , 堅決比 Busa , 然後 Miha 嘅波都係以鈄線為主 , 直線比較少打 , 可以攔住 Miha 同 Busa 荷蘭就成功左一半
塞隊就可以喺 Grothues 喺前排嘅時候多捉幾分 , 其他睇 live 再講吧 , 估塞 3 比 1 荷
中國 VS 意大利 , 第一點就想講講對於 Jenny , 睇左咁多場 , 特別係最關鍵嘅幾場 , 我覺得佢對於個別輪次係特別重視
最重視係自己喺兩點攻嘅時候 , 無論朱朱喺唔喺前排都會特別重視 , 可能因為丁霞唔高 , 如果卡輪就會對對方喺攔網上更為有利
所以盡可能盡量過左呢幾輪而轉到對自己有利嘅輪次
第二樣就係對對方兩點攻時候嘅重視 , 同樣對方二傳都唔高 , 對中國都係有利
第三樣就係對對方弱輪嘅重視 , 意大利有兩輪比較弱 , 一輪係 Bosetti 一個邊攻喺前排嘅時候
另一輪就係 Egonu 企前排四號位嘅時候 , 四隊反輪之中 , 我覺得意大利隊打得比較一般
但 Mazzanti 同 Kiraly 一樣都好鍾意將呢輪放喺開局首輪
總結一下 , 中國喺最近幾場整體嘅串聯水平都慢慢提升
而且兩隊嘅攻防水平 , 以致對對方嘅限制都係有唔錯嘅效果
發球意理應會搵寶寶 , 中就會搵 Sylla 或 Pietrini , 就睇邊個先限制邊個 , 估中 3 比 1 意
仲有個第五六名比賽 , 心態方面當然會係日本好 D , 本身就係黎衝擊對手而且主場作戰
美國本來黎衛冕 , 但而家未能晉級四強 , 可能心情仲係未調整好
估計會先由日本打出黎先 , 然後美國會慢慢打返起 , 預計呢場比賽都會有懸念 , 估美 3 比 2 日 |
|