- 積分
- 40289
- 貢獻
- 4789
- 參與
- 30976
|
2822#
發表於 2019-5-2 21:26
| 只看該作者
睇完 Novara VS Conegliano 第一場決賽
科內發揮得好精彩 , 用強勁嘅防守同高質量嘅反擊取勝
好多幾乎想像唔到可以救起嘅球都救到
特別係 De Gennaro 連續守起 Egonu 嘅球真係太強
Novara 其實都偶有高質量嘅防守
所以成場比賽睇落比分懸殊 , 但都有好幾球有精彩嘅對抗
而 Novara 都係失誤多 , 因此來回球明顯科內佔優
第三局 Novara 換左二傳 Camera 之後
喺開局形成左僵持階段 , 中段開始 Novara 嘅一啲自身失誤就比左科內機會
開始捉發球捉攔網捉防守 , 後段完全係科內嘅表演賽
而之前帶左一個好想討論嘅話題 , 其實我會好想講多啲呢啲 , 不過可惜 no response
咁就等我自己講啦 , 賽季初其實我覺得 科內 同 Novara 呢兩隊隊伍係幾強勁
賽季初都有提過 , 呢兩隊 + Scandicci 都要注意呀
然後 意大利超級盃 Final + 意大利盃 Final 都係喺常規賽我認為係好好睇好想重溫嘅比賽
replay 返 土耳其超級盃 Final + 土耳其盃 Final 就明顯地無對面咁好睇
但之後又睇好土超係因為其實土超唔弱 , 另外意甲球隊都有佢地嘅痛點
事實證明其實實力差距唔大
而科內明顯地弱嘅地方係面對二人攔網嘅調整攻 , 被發球衝擊時科內嘅進攻就變慢
同埋主攻 , 特別係 Hill 調整攻幾乎更見弱勢
早在八強第一輪前就提過 , 亦都好快出現過呢個問題
但科內其他部分確實強 , 自由人 , 二傳 , 副攻嘅攔網 , 形成左好強嘅高質量嘅防守同反撃
完全分擔左進攻手嘅壓力
而 Novara 強嘅地方係強攻手好多 , 比強攻數一數二強
當中 Egonu 最搶眼 , 就最近幾場 , 都有好幾場奪得 3X 分
其中三場都係喺決勝局打到 deuce , 而且都係喺落後嘅時候 , Egonu 企左出黎
呢三場係 歐冠四強第二場 , 意甲八強第三場 , 意甲四強第四場
都係最關鍵嘅比賽 , 輸左就要返歸嘅比賽 , 所以除左證明左 Egonu 嘅價值以外
要打到咁樣 , 其實都證明左球隊都有唔穩陣嘅地方
實在係太多失誤 , 而且呢種失誤有時候都幾莫名奇妙
打得順時都會打左出界 , 所以話佢夠穩定真係無咩說服力
只能係臨場發揮令到佢地入到黎意甲同歐冠決賽 |
|