skyhorse1111

恭喜恒大  深圳今季總算留返前八名嘅聯賽睇
希望可以去到寶安睇一兩場 !
今日 Rabadzhi ...
chanchan0909 發表於 2018-11-14 18:41

其實上年個劉亞男都有一定能力，可惜今年又唔打，田玥之前被吹捧做翻版鄭益昕，但去到呢刻都仲係……

陳佩妍喺上年8強階段見到每場進步，如果栗垚一齊分擔呢個位置，咁接應位置應該頂得住嘅。


外援要黎嘅都要考慮埋中超嘅專業性lol，
內援就睇小袁高意大劉楊舟汪慧敏嘅去向啦，控制好傷病嘅話，佢地嘅定點攔網/強攻/一傳能力都足夠應付聯賽

skyhorse1111

不過對比上黎，福建應該更加缺人用吧，場場一點攻

skyhorse1111

國際排聯啱啱更新左世界排名
統計 2015 世界盃 , 2016 奧運會 , 2018 世錦賽 以及 2017 大獎賽

...
chanchan0909 發表於 2018-11-17 07:23

差兩分就差好遠...poland入場券都無sosadbtw
見到argentina成績咁差都排到第11...=.=

skyhorse1111

http://m.workercn.cn/ty/2018/1122/181122150741670.shtml

睇得出恒大係幾有心嘅，tandara同巴西隊都好專業，希望tandara快d完全康復啦。

skyhorse1111

係時候講下女排排超 , 因為聽日就開始啦 !
先估計一下四強 , 首先福建唔會考慮
單靠鄭益昕打遍天下無敵手有 ...
chanchan0909 發表於 2018-11-23 23:01

天津北京入四強應該冇問題, 兩隊確實冇大漏洞, 北京兩位二傳同替補都唔錯, 隱憂係一傳, 天津似打8人陣容(雙自由人)為主, 王藝竹同李雅楠都未見亮點,山東福建入唔到都隨時做到攪局者, 尤其前者係聯賽攔網弱而王夢潔又正正防守強既情況下, 隨時嬴到一兩場。

3-6名都幾多變數, 實在好難估,
遼寧就差顏妮同小主, 可幸王美懿接左一年一傳加亞洲盃後一傳穩定左之餘進攻都有提升, 林芯羽都愈打愈正常,
廣東差副攻, 邊攻都幾全面, 陳佩妍二年級生既唯一表現都睇到上升趨勢 (比世青), 兩位副攻至少打番好快攻其實仲有機會,
上海未睇到murphy亮眼表現, 反而張磊仲有用, 可能同二傳傳球有d關係, 另外副攻都係弱, 楊婕或仲慧一傳都麻麻,
江蘇邊攻全部都攻好過防, 就睇一傳幾時出事, 仲有刁琳宇今季表現...


大膽猜第二階段:
1.北京 2.天津 3.遼寧 4.恒大 5.江蘇 6.上海 7.山東 8.福建
(心就想四隊引援入哂, 做到引援成功既最大宣傳)

第三階段再引援就太難tip喇......

skyhorse1111

第一輪就爆冷山東贏北京
恒大都差少少就贏到上海lol

skyhorse1111

上海今場嘅發揮不似預期 ...
北汽升至第二位啦
同埋肥坦都報返名 , 估計第二 round 可以上場 {:1 ...
chanchan0909 發表於 2018-12-18 21:04

真係好似佢話齋1month speedy recovery@@太厲害喇!!!

skyhorse1111

btw 原來雲南引左個荷蘭沙排外援......
點解呢支球隊肯出d錢但就永遠都慢人一步

skyhorse1111

話咁快就完左上半場

暫時天津以全勝姿態排名第一，福建就無懸念地輸曬
呢兩個位置都唔會有變

估唔到山東 ...
chanchan0909 發表於 2018-12-24 17:59

我覺得今年整體而言，8強嘅二傳都有進步，有幾個替補二傳都有潛質；另外今年攔網特別差，幾個“頂尖“副攻都係攻勁過攔，所以各隊嘅進攻核心成功率都貼近50%；相比之下，比較亮眼都係矮主攻半新人，仲慧張楚楠吳晗搶速度打線路成功率就幾好，不過去到大賽要做超級新人依然難左d囉！
排名就估…
1.天津, 2.上海, 3.北京, 4.遼寧, 5.山東, 6.江蘇, 7.恒大, 8.福建

第一係天津應該無懸念，反而係如果有幸提早攞第一，尾一兩場練兵就隨時影響4-7名走向。

第二係上海出於佢地有速度有防守，老二傳偶有失誤但傳球思路頗清晰，經常做到半空網比murphy，所以佢比喺河南隊時打得順好多。隊長同自由人一傳頗穩陣，快攻同平拉開戰術都幾work，暫時又未有人徹底防到仲慧，以致冇左馬蘊雯同米楊嘅影響冇想像中大。

第三係北京都係因為牌面最靚，尤其有7個邊攻，主替二傳節奏分明，副攻線dixon攻攔兼備，理應好強。但一傳真係好危危乎，王琳保障能力唔夠，邊攻都係主sell進攻。不過我覺得關鍵都係張建章未拿揑好用rachel嘅方法，4人輪流接一傳都唔代表一定可“保一傳“，有個一搥定音嘅攻手打強攻可能主攻仲冇咁大壓力呢！

第四個人偏好遼寧。以主帥作風，為左成績顏妮應該要越來越早上場，丁霞如果係小傷應該要繼續場場打滿。所以除左小主外，陣容都幾完整，而且林芯羽喺王美懿同替補後排嘅幫助下好似越打越有信心，漏洞逐漸縮少。值得一提係王美懿嘅保障能力同扣球質量都有提升，連後2都開始攞到分，段放有時都做後2，成個戰術更立體。

第五係山東係因為佢地呢批人經過2-3年栽培，整體實力確實大有提升，又有超級自由人而楊涵玉攔網快攻都好左，杜清清實際扣高應該比官宣數字好好多，所以比錢靖雯打接應成功率好太多。加上宜家有3主2接2二4副1自上得場，實力未必最強但都好有衝擊力，打整體隨時好似前年浙江咁有驚喜！

第六係江蘇都係因為自由人同副攻位置真係差左好多。吳晗都係經過1st round比賽係有所進步，但身高劣勢都影響佢打強攻。而且小自由人未頂到陳展個位，所以江蘇一傳更唔穩陣，又少左姜倩雯快攻呢點做掩護，單靠寶寶小宇打強攻都好麻麻地。

第七恒大就睇tandara復出表演，宜家栗垚張楚楠陳佩妍share 2個位置，都睇得出壓力係大左。tandara如果狀態keep到，都可以帶動埋佢地3個嘅發揮。兩個二傳同自由人表現都尚算ok。但問題在於3個副攻，冇攻冇掩又冇攔，得田玥稍為好dd但都同聯賽主力水平差好遠，會唔會廢左少少=.="



不過其實4-7名每隊整體都有明顯漏洞，差在究竟邊隊能夠放大自己優勢，再將缺點掩飾得好d，個人其實都心想恒大入4強lol

skyhorse1111

2018 - 2019 中國女排超級聯賽 常規賽 第十二輪

01.12 16:00　上海光明優倍 2 : 3 北京汽車　(18:25 28:26 ...
chanchan0909 發表於 2019-1-12 16:15

張字
都幾峰迴路轉, 兩邊打逆風球都唔好,
上海防守都幾好, 但節奏一慢/亂就咩都冇哂,
北京變二傳成功改變節奏, 不過教練決定都唔夠果斷, 第二局卡輪咁嚴重都唔叫暫停, 第三局劉夢瑤被追發一傳都遲遲都換人,
另外都未睇得明買kingdon用意, 如果佢一傳或一攻其中一樣真係咁唔可靠, 都冇需要買佢啦...
btw 7個邊攻實在太多, 下賽季如果可以放1/2個出去打就好喇, given that 確實有球隊欠小主攻, 就算好似上年仲慧咁做弱隊首發, 鍛鍊價值應該都比長期坐板凳高...

skyhorse1111

其實歐聯強度大咁多，番黎國內打多左咁多弱隊，就算場場上都唔會話用廢吧!

LYY個case都係因為天津女排由青年隊開始個架構都係用保障型接應，而主攻又搵唔到同時有一傳加一攻能力嘅對角，先令到佢地要賭上一點攻。天津財力咁厚，朱婷如果去左嘅話，應該都會再搵一個外援，而且過埋今年LYY應該可以接三輪一傳，王藝竹上場時間應該更多，到時就冇左一點攻嘅問題，三人都可以互補。從陳永泉肯繼續放自己個女出去、肯用外援補強同肯用全替補打無關痛癢嘅比賽三點黎睇，其實應該冇想像中差。

上海盛傳簽左larson n lippmann，所以機會不大吧！

北京同恒大如果維持依家內援狀況，再請外援補強，確實係ok嘅!