返回列表 發帖

Gin Lee圓夢之旅:堅Lee係曲線讚美



「很堅強很堅強很堅強很堅強」,前陣子網絡上有一段惡搞短片,將Gin Lee(李幸倪)的歌曲無限Loop 5,000次,洗腦之餘,歌詞又恰巧與「堅Lee」這個外號十分配合,非常搞笑。出道9年的Gin Lee今年6月終於首度開紅館演唱會,既然公認是實力派,演唱會上自然好歌連連,務求要令大家耳朵都懷孕!

撰文:陳子楠
攝影:L
服裝:MEIKING NG
化妝:Andy Leung@ndnco.co
髮型:Eve Chiu@Muse Hair

出道了9年,Gin Lee終於在今年6月23及24日首踏紅館舞台,舉行一連兩場《First of All》 演唱會。她解釋原來這個演唱會名稱是有特別意思,「首先因為解做『第一次』,佢亦都解好多好多次嘅第一次,正如我都想我之後有更多個演唱會。另外,好多時候啲人致詞一開頭都會講『First of all』,令人好想知佢跟住會講咩,令人有所期待,所以我希望自己嘅演唱會都係令人期待。」

驚喜一浪接一浪
既然是「第一次」,自然有不少破格驚喜送給歌迷,Gin Lee早已表明會「晒線」,呈獻一Part走型格性感路線的勁歌熱舞,「依家操緊,目標係有線條,成個形態係好Fit、好靚,當然最想有馬甲線啦!其次最緊要係體能,又唱又跳兼顧咁多嘢,體能係最重要。」當然,說到最拿手的唱歌,她更是落足心機,「每一次開騷我都希望音樂係核心,其他項目都係輔助同配合,畢竟我係Sell音樂,希望畀到觀眾一個好好嘅音樂體驗。」
Gin Lee透露這次的幕後班底實力非常強,可說是一拍即合,「前期做好多Research,睇邊個監製、導演、排舞師適合我,甚至音響、燈光我都做足Research,如果呢啲崗位搵得好就會輕鬆好多。Band亦都係我重金搶番嚟,我認為佢哋係亞洲最頂尖嘅樂手,大部分都嚟自美國同加拿大,依家跟緊一啲巨星巡迴演唱。」因此,她期望這次演唱會能有別於一般的典型港式演唱會,而是加入不少國際化元素,給大家耳目一新的享受。

建立「堅Lee」品牌
要成就紅館夢,Gin Lee最想感謝家人從小的栽培與愛,說時也不禁眼泛淚光,「屋企人都係玩音樂,見到我細個有音樂才能同潛質,就不斷鼓勵我向呢方面發展,終於嚟到今日可以企上呢個大舞台,唔多唔少都完成咗佢哋嘅夢想,其實一個紅館騷承載住好多人嘅夢想,我相信到時會好感動!」
今年初,Gin Lee被封了一個新外號「堅Lee」,對於這個間接讚賞,Gin Lee開心道:「除咗係對我嘅一個曲線讚美,都好似拉近咗我同其他人嘅距離,因為好多人叫我Gin Lee,好似好陌生咁,唔知係咪兩個音易叫啲呢?咁如果大家好想叫兩個音,堅Lee都係一個親切啲嘅選擇。」
不過,這個稱讚其實對歌手無疑是一股壓力,萬一失準的話就容易引來批評,不過「堅Lee」卻不這麼認為,「其實我覺得自己都Keep到個Standard,唔會太飄忽,好似為自己過去咁多年建立咗一個品牌。萬一唔小心失準,相信大家一定會諒解,會明白我一定係有啲事先會咁樣。」事實上,Gin Lee今年除了紅館騷,早前亦已推出精選碟,並已鐵定於6月推出全新廣東大碟,今年內更有國語碟誕生,要在一年內做到這麼事,果真是「堅Lee」!


Gin Lee為了演唱會積極Keep Fit,不過她坦言不以減磅為目標,而是「線條為本」。


Eric Kwok除了為Gin Lee創作多首大熱金曲、擔任唱片監製,又曾推出合唱歌,更執正Gin Lee的廣東話,可謂合作無間。


Gin Lee去年起連續兩年奪「叱咤樂壇女歌手銀獎」,實力被大家認同,更多了「堅Lee」的稱號。

=========================

個人感想:
Hello大家好,我係Gin Lee李幸倪
我黎緊會係6月23號至6月24號開我人生第一個紅館演唱會:First of All演唱會
希望大家多多支持
SSN Chart (22 Mar)  冠軍: 三生有幸 - Yan Ting  |  亞軍: 唔明你講乜 - 陳健安

已鐵定於6月推出全新廣東大碟,今年內更有國語碟誕生
已鐵定於6月推出全新廣東大碟,今年內更有國語碟誕生
已鐵定於6月推出全新廣東大碟,今年內更有國語碟誕生


聽住先

TOP

Eric Kwok除了為Gin Lee創作多首大熱金曲

請問有邊幾首?

TOP

Eric Kwok除了為Gin Lee創作多首大熱金曲

請問有邊幾首?
Flambeau 發表於 2018-6-3 18:03


很堅強 很堅強 很堅強 很堅強 很堅強 很堅強 很堅強 很堅強 很堅強 很堅強 很堅強 很堅強 很堅強 很堅強 很堅強

已經100首啦

TOP

Eric Kwok除了為Gin Lee創作多首大熱金曲

請問有邊幾首?
Flambeau 發表於 2018-6-3 18:03

作曲、監制作品:
- 廢話少說
- 認真先輸了
- 如果牆會說話
- 玫瑰的故事
- 雙雙
- 一想到你
- 未來
- Live
- 很堅強

監制作品:
- 好姊妹
- 空姐
- 緣兩半

全部都好HIT!!!!

TOP

作曲、監制作品:
- 廢話少說
- 認真先輸了
- 如果牆會說話
- 玫瑰的故事
- 雙雙
- 一想到你
- 未來
- Liv ...
hehehaha 發表於 2018-6-3 18:16



    首首都識唱

TOP

原来gl都出道9年啦。。。唔讲仲以为出道几年㗎歌手,比起前辈,呢一代上位都好难下,kay出道3年就一线,侧田卫兰一年就爆了,张敬轩来港5年hea住做都一线了,点解d歌手越来越难上位

TOP

原来gl都出道9年啦。。。唔讲仲以为出道几年㗎歌手,比起前辈,呢一代上位都好难下,kay出道3年就一线,侧 ...
54320笨 發表於 2018-6-3 20:37



GINLEE計香港出道應該係2011年,7年姐

TOP

回復 8# stephybest
7年都上唔到位。。。最后一个上到位的应该是宇宙gem了。

TOP

返回列表