返回列表 發帖

GMA29 - CM金曲獎評審團推薦名單

引言
CM一直都是以香港樂壇為軸心。然而,近年香港樂壇大多時間都是死氣沈沈,那不如發掘一下華語樂壇。
藉著金曲獎這個機會,我們組成了屬於CM的「金曲獎評審團」,
在金曲獎的入圍名單中推選我們心中最喜愛的作品,讓大家了解華語樂壇的精彩之處。

還有數天就到金曲獎,各位不妨透過我們的推薦認識一下華語樂壇,亦希望大家會喜歡我們的推介。

最佳作曲人獎 : 艾怡良《言不由衷》


評選過程:
在第一輪投票時,《言不由衷》便已經取得5票,擊敗奪得3票的《在家鄉》及1票的《不要不要》,成為最佳作曲人。

得獎原因:
《言不由衷》為艾怡良第二次入圍金曲獎最佳作曲人獎的作品。與去年入圍作品《我們的總和》相比,《言不由衷》仍然保留濃厚的個人特色,歌曲起伏雖然不大、偏向簡單,但仍然做到層次分明及旋律流暢。另外,《言不由衷》的旋律雖然平淡,但卻具有強大渲染力。即使初次收聽歌曲,仍能輕易感受歌曲的情感,是一首兼具流行性和音樂性的優秀作品。

其他入圍作品:
陳珊妮/魏如萱《不要不要》
盧廣仲《魚仔》
李劍青《在家鄉》
林俊傑《偉大的渺小》
最佳作詞人獎:宋冬野《郭源潮》

評選過程:
《郭源潮》在第一輪投票時已取得7票成功取下最佳作詞人獎,大比數拋離並列第二,各有1票的《有 無》及《魚仔》。

得獎原因:
宋冬野在歌詞引用了不少古今中外的詩詞或典據,為歌曲增添不少文學美。除了引用外,宋冬野亦在短短數十句歌詞中作出上文下理的呼應,為歌曲增給予聽眾不少思考的空間。同時,由於詞人以第二人稱入詞,同時沒有就背景作過多的具體陳述,增加聽眾在理解歌詞時的代入感,是首富有人文關懷精神的詞作。

其他入圍作品:
王昭華《有 無》
盧廣仲《魚仔》
嚴彬/李宗盛《在家鄉》
葛大為《連名帶姓》
最佳編曲人獎:Kenn C《跳舞的梵谷》


評選過程:
最佳編曲人獎的討論可算是眾多獎項中最激烈的一個,由於一直未有歌曲取得過半數支持,需要前後進行四輪投票才能選出得獎者。在第一輪投票時,《跳舞的梵谷》、《同在》及《漂白》分別以4:3:2票成功出線,進入第二輪投票,唯我們仍未能取得共識,三首歌曲甚至取得相同票數,需要進行第三輪投票以淘汰一首歌,最後由《跳舞的梵谷》及後勁凌厲《漂白》晉級第四輪投票。最後我們以6:3判斷《跳舞的梵谷》為最佳編曲人獎。

得獎原因:
我們認為《跳舞的梵谷》在歌曲氛圍上營造得相當精彩,仔細地運用鋼琴和弦樂營造出一份荒誕離奇的感覺。而且編曲層次分明,情感步步推進,交織出一部游走於瘋狂與理智之間的狂想曲,光聽音樂便能容易投入歌曲的瘋狂世界。

其他入圍作品:
黃少雍《同在》
溫奕哲《閻羅王》
Jerald Chan《床上的黑洞》
常石磊《漂白》
最佳單曲製作人獎:Kenn C / 孫燕姿《跳舞的梵谷》

評選過程:
最佳單曲製作人獎前後經歷三輪投票才能判定得獎者。《魚仔》、《有 無》及《跳舞的梵谷》於首輪投票分別取得4票、3票及2票,晉級次輪投票。於第二輪投票時,《魚仔》及《跳舞的梵谷》均取得4票,《有 無》則只取得1票遭到淘汰。在最後一輪投票時,我們以5:4判斷《跳舞的梵谷》為最佳單曲製作人獎。

得獎原因:
有別於過往的情歌,出道多年的孫燕姿今次勇於挑戰新曲風,嘗試展現黑暗的一面。《跳舞的梵谷》在選曲及編曲上成功展現出歌者的野心,在唱腔上亦有別以前,甚至做得到位細緻,完美配合《跳舞的梵谷》的曲風。這場成功的音樂實驗的確給予我們耳目一新的感覺,亦盡顯製作人的功力。

其他入圍作品:
林生祥《有 無》
滅火器《長途夜車》
盧廣仲《魚仔》
熊仔《買榜》
最佳音樂錄影帶獎:談宗藩《他是末日預言中的宇宙碎片》


評選過程:
在首輪投票時未有歌曲取得過半票數,唯《他是末日預言中的宇宙碎片》及《身後》取得多於一位評審的支持(4票及2票),晉身第二輪投票。最後,《他是末日預言中的宇宙碎片》以5:4險勝《身後》。

得獎原因:
MV將畫面分係兩部份,以主角的身體串連分別代表思想和現實的上下半部,兩者既會互相影響,但又南轅北轍。導演以主角作為媒體,將思想和現實的異同展現出來,是個相當有趣的表達方法。

其他入圍作品:
Chayanop Boonprakob《泰國恰恰》
比爾賈《言不由衷》
鳥兒映像製作《與浪之間 Waves》
廖人帥/姚國禎《未單身》
MO (YAMANYAMO)《雪女》
羅景壬《身後》
年度歌曲獎:滅火器《長途夜車》


評選過程:
《長途夜車》在首輪投票便取得6票,成為年度歌曲。而《魚仔》則取下餘下3票,繼最佳單曲製作人獎後,再次屈居第二。

得獎原因:
一首理想的年度歌曲,除了要擁有傳唱度外,更重要是打破語言、地域等界限,打動人心。誠然我們這一代的挑戰不比上一代少,有不少人為了家人、理想,過著艱苦的生活。而《長途夜車》就猶如在黑夜中的路燈,在旅程中為迷失的人指引前路。縱然未來仍然充滿未知數,但歌曲至少能賜予大家前進的勇氣,是最能打動人心的作品。

其他入圍作品:
林生祥《有 無》
盧廣仲《魚仔》
羅大佑《致觀音山》
林俊傑《偉大的渺小》

本帖最後由 CunninG 於 2018-6-20 18:47 編輯

最佳專輯製作人獎 :Jerald Chan《C'mon In~》


評選過程:《C'mon In~》、《不特別得很特別》及《偉大的渺小》在首輪投票分別取得4票、3票及2票晉級。而《C'mon In》在次輪投票便取得6票過半數支持取下最佳專輯製作人獎,至於《不特別得很特別》則仍有3票支持。

得獎原因:
《C'mon In~》中呈現的陳奕迅是一個真正成熟的中年男人,亦是陳奕迅近年的一個小突破。《C'mon In~》的選曲亦恰到好處,透過較輕快的節奏將陳奕迅的真實性格展現出來。另一方面,《C'mon In~》選曲並不單一,卻又跟專輯的世界觀吻合,而且編排次序流暢,毫無違和感,種種因素都能突顯專輯製作人的能力。

其他入圍作品:
李宗盛《仍是異鄉人》
戴佩妮《不特別得很特別》
林俊傑《偉大的渺小》
最佳新人獎:丁世光《神經誌》


評選過程:
第一輪投票未有任何一個單位取得過半數票數,當中丁世光取得4票及鄭興取得2票領先,而茄子蛋、J.Sheon及李權哲亦各取得1票,閻奕格及蘇珮卿則未取得任何票數而遭到淘汰。在第二輪投票時,丁世光已取得5票支持成為最佳新人,而J.Sheon及李權哲則分別取得3票及1票支持。

得獎原因:
丁世光在《神經誌》一碟中身兼歌手、曲詞及製作人等多個身份。縱然在演繹上的表現並不完美,然而我們均認為《神經誌》是張製作精良的唱片。《神經誌》透過多種不同的曲風記錄生活和性格,每首作品的水準均叫人滿意,沒有出現悶場。而且歌曲之間的鋪排亦處理恰當,自然而不突兀地向聽眾展示各種曲風,展現其極具潛力的創作力及製作力。

其他入圍組合:
鄭興《忽然有一天,我離開了台北》
茄子蛋《卡通人物》
J.Sheon《街巷》
李權哲《醒著不醉》
閻奕格《我有我自己》
蘇珮卿《我們都是寂寞的》
最佳演唱組合獎:原子邦妮《謝謝你曾經讓我悲傷》


評選過程:
在第一輪投票原子邦妮已獲4票領先,與各得2票的頑童MJ116及張三李四晉級下一輪。在第二輪投票中,原子邦妮獲5票勝出。

得獎原因:
《謝謝你曾經讓我悲傷》主要由電子音樂組成,並以電子音樂與其他風格融合,如中國風的小調等;另一方面,原子邦妮的兩名成員分別負責歌曲演唱和電子音樂的調控,當中電子音樂的冰冷感與主唱的聲音相當匹配,充分展示出兩人之間的火花。專輯以一條故事線貫穿整張唱片的歌曲,是製作完整又方向清晰的作品。

其他入圍歌手:
夜貓組《健康歌曲》
Crispy脆樂團《你快樂,嗎》
頑童MJ116《幹大事 BIG THING》
張三李四《第二張同名專輯 張三李四》
最佳樂團獎:三十萬年老虎鉗《我不是超人》


評選過程:
評選過程相當激烈,前後經歷三輪投票才能取得過半數共識。在首輪投票中,三十萬年老虎鉗(3票)、甜約翰及LEO37+SOSS(各2票)取得較多支持而晉級。在第二輪投票仍未取得共識,唯三十萬年老虎鉗及LEO37+SOSS分別取得4票及3票支持晉身最後一輪投票。最後三十萬年老虎鉗以6票勝出。

得獎原因:
三十萬年老虎鉗是一隊成立數年的台灣地下樂隊。作為首張專輯,除了展現他們扎實的功力,亦可感受到樂團的個性和潛力。《我不是超人》的主要風格為近年華語樂壇比較少見的Country Rock,而樂隊主要以中文入詞,顯示與華語市場融匯能力,亦同時不失歌者本身的不羈與豁然,是一隊具有潛力的樂隊。

其他入圍樂團:
滅火器進擊下半場《Begin The Second Half》
甜約翰《Dear》
茄子蛋《卡通人物》
LEO37+SOSS《Be Well World》
董事長樂團《祭》
最佳國語男歌手獎:宋念宇《同在》


評選過程:
除了許書豪外,其他四位入圍歌王在第一輪投票均各有支持,當中以宋念宇及陳奕迅各取得3票領先,而李玖哲則以2票緊隨其後,林俊傑亦獲得一票支持。在第二輪投票中,宋念宇成功取得5票成為歌王,而陳奕迅及李玖哲則分別取得3票及1票。

得獎原因:
宋念宇身兼製作人及歌手的角色,在《同在》涉獵多種曲風,由搖滾、電子到節奏藍調均能充分掌握。專輯中亦有不少難度不低的作品,但歌者仍能保持其聲音的質感及細節,做到收放自如,加上其和音主唱表現亦處理得宜,是一張既充滿企圖心,又能展現歌者演唱實力的優良作品。

其他入圍歌手:
李玖哲《Will You Remember》
陳奕迅《C'mon In~》
林俊傑《偉大的渺小》
許書豪《HOW》
最佳國語女歌手獎:徐佳瑩《心裡學》


評選過程:
徐佳瑩在第一輪投票便取得6票成為歌后,而張惠妹則取得另外3票。

得獎原因:
徐佳瑩參與過歌唱比賽之後,於《心裡學》中採用的聲音運用更見成熟,唱法更加內斂,在氣聲運用、唱腔及咬字等方面均比以往做得更精細,成功為專輯營造強大的渲染力,透過歌聲和音樂牽動聽眾的情緒。另一方面,部分較輕快或需強大爆發力的作品亦表現恰當,既能活潑跳脫、又能一鳴驚人,更顯歌者的大器和歌唱實力。

其他入圍歌手:
呂薔《O_LOVE》
Faye 飛《小太空》
張惠妹《偷故事的人》
彭佳慧《我想念我自己》
最佳國語專輯獎:徐佳瑩《心裡學》

評選過程:《心裡學》在第一輪投票便取得5票成為最佳國語專輯,而兩位新人作品《神經誌》及《忽然有一天,我離開了台北》亦分別取得3票及1票支持。
得獎原因:
《心裡學》勝在每一首收錄的歌曲都動聽吸引,而徐佳瑩的演繹亦相當到位,將專輯想表達的內心世界直接地傳遞到聽眾的內心。另一方面,《心裡學》在市場性和音樂性之間拿捏得宜,既能保持歌曲應有的個性和態度,又沒有完全背棄大眾而變成曲高和寡。以上種種因素,均成就了這一張去年華語樂壇不可多得的優質唱片。

其他入圍專輯:
鄭興《忽然有一天,我離開了台北》
陳奕迅《C'mon In~》
張惠妹《偷故事的人》
林俊傑《偉大的渺小》
丁世光《神經誌》


寫在最後的話:
首先要好感謝另外8位評審(chanchan0909, bagfgfcde, liebe, dongbb2332, stopzi, nicholashin, ed8671ed同Wonder) 同我一齊癲,
聽晒咁多入圍作品, 然後作出一場又一場GQ既討論

其次, 今次只係一次試水溫
我希望可以係下年年頭組織一個香港版既金曲獎
用金曲獎既形式同大家推介廣東歌

至於金曲獎評審團, 希望明年可以召集到更多國語力, 同大家再次分享我地既推介

最後最後, 希望大家會喜歡我地既選擇啦
同埋唔好幾日後燈死D歌手   

TOP

本帖最後由 Evan@LaRossa 於 2018-6-20 16:19 編輯

其實言不由衷都好正
只不過對家隻碟好多首都屈機(其實連名帶姓同言不由衷都有少少異曲同工)

另外男歌手李玖哲個人都覺得唔錯
寒樂欣選2023 已開波,視乎幾時得閒就更新。
IG: lyric.alligraphy

TOP

歌王歌后我都係tip小宇 LALA

TOP

感激CunninG搞左呢個評審團 真係好榮幸好高興可以成為其中一分子
首先能夠透過呢個機會 逼自己仔細聽哂每一位入圍者既作品
其次係可以透過討論 去取得一定程度上既共識 或者發掘到其他作品既優勝之處
比如我自己係部分獎項入面 都會有猶豫同改變立場既時候

呢個名單唔係預測得獎者
呢個名單唔係預測得獎者
呢個名單唔係預測得獎者
好重要 所以要講三次
而係一個屬於我地既得獎名單 所以冇話燈唔燈死既
唔同人組成既評審團 揀出既得獎者都一定會有唔同
所以我地呢個得獎名單同最後既得獎名單一定會有出入
但可以肯定既係 評審係過程中都好用心分析同討論
成個過程都長達一個月 可以話係很辛苦很辛苦很辛苦很辛苦
希望大家都會聽下自己未聽既得獎歌曲同專輯啦

TOP

支持
言不由衷真係好正, 好想見到lala真係可以攞埋女歌手
CKKL Music Choice 2024
本周冠軍歌: 念 - 陳蕾

TOP

感謝CunninG比咗呢個機會我就評審
發現要係短時間聽晒所有入圍歌曲係好難
而且水平相當 要搵不同文獻同聽多幾次先可以揀出所愛
亦從討論當中欣嘗到歌曲中自己睇唔到既優點
係一個非常好玩既一次經驗
希望下年會有多啲人參與
同埋真係有機會搞多個廣東版既嚟評審

TOP

特登隔開其中兩個評審 居心叵測

TOP

多謝奸統籌呢次嘅評審活動
每一次公布金曲獎嘅入圍名單都好想喺頒獎禮前聽曬
不過每次都事與願違
今次係好好嘅一次可以去聽一下佢地嘅作品

聽完之後當然同預期一樣
會發現到好多好作品
亦都會係有 D 無咁鍾意嘅
今次呢個評審可以比大家嘗試去做一個評審
去分享一下自己喜愛同唔喜愛嘅原因
中間大家對於各自觀點嘅討論
亦都係令我得著好大
多左好多角度去理解
亦都因為討論會選擇去重新聽一次入圍歌曲
希望可以再仔細聆聽歌曲嘅細節

今次確實係一次好好嘅經驗
多謝你地比機會我成為一份子
因為工作關係 , 相比其他評審
我發表嘅意見唔算太多
所以特別想多謝其他成員嘅付出
喺你地身上學習到好多
希望有機會可以再搞評審團
更加希望如果再搞會係香港版嘅金曲獎啦

今屆金曲獎特別期待新人獎
大部分單位都好喜愛 , 邊個拎到都好開心
跟住係國專 , 實力相當 , 懸念十足

另外今年樂團獎六隊都未聽過
聽過之後真係各具特色
特別鍾意 LEO37+SOSS《Be Well World》
雖然最後無得到呢到嘅樂團獎
不過我諗會係我黎緊會重溫嘅專輯
另外仲有 董事長樂團《祭》都係非常精彩的

希望大家會聽下其他未聽過嘅單位啦
同樣廣東歌都係啦
希望可以聽下一 D 你從未聽過嘅音樂人
話唔定你會有意想不到嘅驚喜

TOP

本帖最後由 Wonders 於 2018-6-20 19:08 編輯

Thanks 奸奸比呢個機會呢個壇一直有留意華語樂壇動向既會員
呢個月真係一個好好學習既機會黎 下年如果有機會玩今年既經驗都幾重要
今次評審階段我都冇乜點髮力 因為呢段時間真係唔係幾得閒 想講聲唔好意思 感謝大家包容
我們的總和

TOP

希望有日會吸納埋臺客原聽眾,評埋臺客原獎

TOP

好犀利,support呢個咁有意義嘅評審團!
歌曲 http://poll.fm/5qbaq 专辑 http://poll.fm/5qbah 组合 http://poll.fm/5qbal 女歌手 http://poll.fm/5qban 男歌手 http://poll.fm/5qbam

TOP

想小宇LALA拎

雖然JJ AMEI都好高汁~
漫天子彈 朦起雙眼 都會為你分擔

TOP

想小宇LALA拎

雖然JJ AMEI都好高汁~
tobby 發表於 2018-6-20 23:53

講起JJ 同AMEI
不得不提佢地雖然入圍多項
但最後一個第一都拎唔到

同一情況發生係魚仔到 ....

好犀利,support呢個咁有意義嘅評審團!
jaydeng 發表於 2018-6-20 23:11


有興趣下年都參加

希望有日會吸納埋臺客原聽眾,評埋臺客原獎
hv8638 發表於 2018-6-20 19:07

呢個其實有難度
一來時間限制
二來語言都係一個問題, 我地唔識台客語好難作出一個完整既討論同

特登隔開其中兩個評審 居心叵測
RVHOCPC 發表於 2018-6-20 17:46


可能係此地無銀三百兩呢

支持
言不由衷真係好正, 好想見到lala真係可以攞埋女歌手
kevinlai1621 發表於 2018-6-20 16:43


言不入唔到年歌其實好可惜

其實言不由衷都好正
只不過對家隻碟好多首都屈機(其實連名帶姓同言不由衷都有少少異曲同工)

另外男歌手 ...
Evan@LaRossa 發表於 2018-6-20 16:17


李玖哲係我歌王既次選
佢呢張專輯唱得真係幾好
好到將成隻碟普通質素既歌都昇華左

歌王歌后我都係tip小宇 LALA
musicsuperman 發表於 2018-6-20 16:28


其實我地又唔算真係TIP既
只可以話係我地用投票選出黎既集體推薦

TOP

好開心可以參加到呢個活動
呢一個月認識咗好多未聽過嘅歌手/樂團嘅音樂,實在令我大開眼界
同埋喺討論嘅過程入面,我真係學咗好多嘢牙
希望下年可以同大家繼續認真玩

p.s. 心花一朵朵 世界第一

TOP

各位評審大家好,請問點先可以加入評審團?
聽做咁多年音樂同埋留意左咁多年金曲獎,
一路都好希望有途徑去仿效金曲獎嘅模式去討論同評選音樂,無論係香港音樂定廣義嘅華語音樂
如果來年再選,會唔會考慮埋客家語、台語、原住民語同埋最佳錄音獎?
雖然我並非讀音樂相關嘅專業,樂理知識都好有限,但每次跟住入圍名單聽歌都會好驚喜,好想搵人一齊討論

以下係我個人嘅名單
最佳國語專輯:徐佳瑩《心裡學》
最佳國語男歌手:宋念宇《同在》
最佳國語女歌手:徐佳瑩《心裡學》
最佳新人:李權哲《醒著不睡》
最佳單曲製作人:Kenn C / 孫燕姿《跳舞的梵谷》
最佳專輯製作人:李宗盛 / 李劍青《仍是異鄉人》// 林俊傑 / 林俊傑《偉大的渺小》
最佳作詞人:王昭華《有 無》
最佳作曲人:盧廣仲《魚仔》// 陳珊妮、魏如萱《不要不要》
最佳編曲人:Kenn C《跳舞的梵谷》
年度歌曲:盧廣仲《魚仔》
最佳音樂錄影帶:羅景壬《身後》
最佳演唱組合:原子邦妮《謝謝你曾經讓我悲傷》
最佳樂團:三十萬年老虎鉗《我不是超人》// LEO37+SOSS《Be Well World》

TOP

好開心可以參與一次咁認真同高質嘅討論
要聽曬咁多候選歌曲同專輯,並揾出當中較優勝者,其實好花時間,但的確令我可以從更多角度聽歌
雖然唔同成員嘅喜好同對音樂嘅觀點有唔同,最終結果亦一定唔係全部啱自己心水,但可以令自己嘗試清楚了解唔同人嘅諗法係好難得一遇嘅事
喺呢個月嘅過程,我聽咗好多以前無聽過嘅音樂,當中樂團獎係最驚艷,真係各有特色又好聽,甜約翰《Dear》同董事長樂團《祭》嘅音樂都係相當厲害,LEO37+SOSS《Be Well World》亦係國際級水準
最後向大家推介宋冬野《郭源潮》同李劍青《在家鄉》兩首好高水準嘅歌曲

TOP

果然係徐佳瑩人碟俱登頂,實至名歸

TOP

好犀利呀,心裡學真係兩個大獎拎哂

參與呢次評選,真係學到好多野,
好多評審都有好多音樂上評鑑既知識。

期待CM自創一個就香港音樂做獨立評選,
比傳統傳媒行得更前,
希望到時多D CM人可以一齊參與。
BTW我覺得決選要夠廿人左右比較好
側田:嚐過勾結醜惡的世間 了解到何謂卑鄙

TOP

果然係徐佳瑩人碟俱登頂,實至名歸
powerful 發表於 2018-6-23 23:50


尋人啟事可以算係LALA唱歌既一個轉戾點, 開始同氣聲, 唱法更內斂仔細
心裡學係可以話係做得更細緻
所以係討論過程好快就已經通過佢係歌后/國專
即使無投既會員都表示佢係次選/諗住下一輪投佢 (因為想有第二輪討論時間 )
各位評審大家好,請問點先可以加入評審團?
聽做咁多年音樂同埋留意左咁多年金曲獎,
一路都好希望有途徑去 ...
koko51018 發表於 2018-6-22 22:30

其實之前我係金曲獎個討論POST問過大家意見
如果你有興趣下年可以一齊玩 (下年公佈左入圍再PM你)

TOP

返回列表