Kyle_

思索左一陣, 最先諗起以下哩3首歌


1. 一二三三二一(321go演唱會版本) - 楊千嬅
雖然未到40歲果種心情, 未必可以消化得哂歌詞內容,
但現場聽好受感動, studio版搵唔返果種感覺
歌詞寫得好好, 特別鍾意"初心傷過重新再跳 願我真情性再大也改不了"
多謝千嬅提醒左我地必定要時刻記得自己既初心, 唔好因社會而改變自己本性
哩樣野真係好難做到, 自己都仲努力緊

2. 半天空檔 - 洪嘉豪
首歌真係好relax好好loop, 特別係收工果陣, 好多時第一首禁既歌就係佢
為自己忙碌既一日, 襯搭車返屋企果段車程好好放空一下自己
香港樂壇除左k歌外, 更需要多d哩d歌, 令大家係忙碌中得以從歌曲中喘息一下透一透氣

3. 天地一沙鷗 - Gin Lee
從來ginlee 都唔係我杯茶, 哩首歌都係無意中聽到,
點知就一聽就愛上, 好鍾意哩d 咁"大氣" (??) 歌
佢唱得好好, 自強不息飛翔於天空, 永不放棄既訊息
一首年度級既歌曲