返回列表 發帖

花姐都睇好 《全民造星》姜濤被屈遲到爆喊

本帖最後由 myrichardac 於 2018-8-18 02:11 編輯

蘋果日報專訪
ViuTV《全民造星》選男神,年僅19歲嘅姜濤又靚仔又靚聲,成為呢個節目頂頭大熱。姜濤唔單止成功俘虜咗一班少女心,而且姜濤打入40強演繹歌曲《我多喜歡你,你會知道》時,星級導師火火同劉美君都被佢深深吸引,忍唔住向姜濤大派心心。

不過,呢個貌似彭于晏嘅小鮮肉,原本係200磅小肥豬,佢減肥成功變靚仔嘅故事,更加引大家對佢嘅注意。

日前姜濤喺柴灣接受《蘋果》專訪,講到佢細個係肥仔,原來係因為食漢堡食得太多!

姜濤話自己讀小學三年級開始,由於經常食老麥,令體重直線上升:「食咗兩個餐,過半個鐘又肚餓,臨瞓前又食兩個漢堡包,當時被人話肥仔係因為得意,唔會覺得冇自信,後來小學升中學,我肥到要見醫生,因為差唔多200磅,屋企人勸咗我年幾,我先正視呢個問題,而且當時暗戀咗個女仔。」

被對方拒絕先減肥?姜濤話:「嗰時以為自己靚靚仔仔,但睇番畢業相,發覺自己同人哋唔一樣,加上個女仔同第二個男仔一齊,對我打擊好大,因為嗰個男仔係靚仔,於是我就減肥,不過我唔識減,一係唔食嘢,或者食水果,食完係咁跑步,運動三、四個鐘,搞到虛脫,係唔健康嘅瘦,後來讀運動教練課程,我先知道點樣減。」而目前為止佢體重係152磅左右。

失去自信,除咗心儀對象已名花有主,姜濤仲要面對閒言閒語:「當時唔夠膽識人,搞到性格有啲孤僻,又唔識同人哋講嘢。」遇過乜嘢經歷?佢話:「記得讀中一,我因為太肥而爆呔,我去校務處拎一條新褲,但係冇我個size,我咪夾硬扣埋條褲,點知返到班房一坐低,個扣又爆開咗,自己都覺得唔好睇,開始冇自信,啲人見我就話『讀書又渣,樣又冇,又肥又蠢』,所以冇乜朋友,後來打籃球先識到一班有共同興趣嘅朋友。」

現時有冇拍拖?濤話冇,但有心儀對象:「我冇行動,如果我要做呢行,就要專心做好,如果拍拖,會分散注意力;反而有次搭巴士,我見番中學時暗戀嗰個女仔,佢依家肥咗,我見到佢都呆到唔記得落車。」



ViuTV《全民造星》19歲姜濤原本係個200磅小肥豬,佢日前接受《蘋果》專訪時,就講到佢因為被同學取笑,以及因為追女仔失敗,所以努力減肥變成現時小鮮肉。

訪問當日,姜濤即場示範跳舞。事後佢好怕羞咁話:「好尷尬呀!」

姜濤去年參加過湖南衛視節目《快樂男聲》,佢解釋話因為呢個比賽唔使畀報名費,於是決定休學一試:「我見呢個比賽唔使錢,於是咪去囉,而且面試地點又喺屋企隔籬,我當時唔知自己可以入到全國30強,所以冇乜準備,冇諗過自己飛去湖南同內地人比賽,當時好無助,唔知出騷要做啲咩,後來被淘汰係理所當然。」輸咗之後,當時亦有內地公司跟姜濤接洽,佢話:「我考慮過自己係咪可以喺內地發展,我唔知點樣揀,又可能係呃人,所以都係唔好搏,自己又唔係勁。」

返到香港,姜濤努力學唱歌跳舞,增值自己,同學向佢提議參加ViuTV《全民造星》,佢話:「心態同《快樂男聲》唔一樣,我想贏每一round,其實最主要係我好少識到同我一樣鍾意唱歌跳舞嘅朋友。」喺呢個比賽上,識唔識到朋友?姜濤話:「識到,唔可以話好close,同佢哋有接觸,我已經好開心,因為我份人係慢熱。」

身為大熱門,自然被其他參賽者視為勁敵、眼紅及排斥對像,唔少參賽者曾經投訴姜濤遲到,但目前讀緊運動教育課程嘅姜濤,當日因為要考試而遲到,不過佢佢冇選擇當面解釋,亦唔知點樣去同人溝通表達,最後自己忍唔住喊咗出嚟。

姜濤重提被屈一事,佢話:「我有同節目講咗,其他人唔知,我已經放學即刻過去,當時冇解釋係因為我冇諗過啲人會咁樣諗我,嗰下喊係好多因素,我唔講出嚟,大家原來係咁諗我,但我講多咗,啲人又話係解釋,所以好兩難,好無助,覺得冇人明白我,所以好唔開心!」事後有冇人覺得錯怪佢而向佢道歉﹖姜濤話:「都有,但我唔保證人哋真係理解。」

對於被網民、花姐一致睇好,姜濤有冇感到壓力﹖佢表示:「有呀,我冇諗過有咁大迴響,節目播出之後,我都有上網睇,可能係好少我呢種類型嘅人,但我知自己有好多不足地方,唱歌跳舞雖然識,但冇一樣係突出,可能係表演風格,觀眾鍾意,我知道後期要騷一啲唔同嘅嘢出嚟。」

姜濤曾經喺節目中講過「我唔想剩係靠個樣」,但有網民覺得佢似彭于晏,姜濤話:「之前喺內地,已經有人咁講,可能自己睇自己會唔同,我又覺得冇乜似,同埋我都唔想似某一個人,如果人哋話你似邊個邊個,就唔會叫得出你個名,內心會抗拒呢啲稱呼,唔想抄人。」兩次出戰,大家都會覺得姜濤有韓風味,不過佢認為好難界定係咪韓風,最主要係因應番首歌:「香港好少人做sweet嘅嘢,所以我先去做,如果我唱歌冇任何特點,我嘅表演方式就要好突出。」


個人感想:
多謝蘋果日報,咁快就同姜b做專訪
喺度正式宣布我喺姜糖,cm第一姜b打手
睇到姜b話佢有心儀對象,有d妒忌同sad添 睇嚟我已經俾姜b拗攣左
好想姜b贏100萬,唔知姜b之後會簽邊間公司呢? 喺viu嗰幾間合作公司入面,環球應該算喺比較好的選擇?

造型師又害佢定佢本身真係鍾意呢種衫

TOP

唔講以為返左去十年前

TOP

本帖最後由 kayzzz 於 2018-8-18 10:55 編輯
唔講以為返左去十年前
Lewis 發表於 2018-8-18 10:06


勁似棒棒堂果期既mk新人

但大陸好似興依d 建議佢可以返佢鄕下大陸發展

TOP

真係靚仔?@@ 咁我覺得tvb 唔少男artist 都好過佢.....

TOP

佢入硬最後十強既

TOP

佢入硬最後十強既
stephybest 發表於 2018-8-18 12:27


今日應該係錄20〉10強,好緊張

依幾日睇佢地ins就應該知邊個入到10強,同埋之後去美國佢地應該都會忍不住打卡劇透

TOP

佢入硬最後十強既
stephybest 發表於 2018-8-18 12:27



   我都覺得佢會入到10強
BUT 暫時TEAM酒粒仔

TOP

我都覺得佢會入到10強
BUT 暫時TEAM酒粒仔
wchild 發表於 2018-8-18 13:02


酒粒仔正呀18歲卜卜脆

TOP

佢入硬最後十強既
stephybest 發表於 2018-8-18 12:27



呢啲多數真係Winner
當年Produce 101第一季女兒Sohye都係咁
啲人鐘意睇育成

TOP

好多其他仔眼紅佢又話咩咩靚仔大晒咩
其實好明顯呢班人都重未知比賽搵緊啲咩人

睇返原版Produce 101
由頭到尾都講明像要搵Idol/偶像
Idol/偶像就係要令人去崇拜要有人氣
所以原版係用投票去揀最後十一出嚟

你可以唱歌好聽跳舞好演技好令人崇拜自己
外表好亦都係其中一樣好重要令人崇拜嘅因素
其他人令唔到人去崇拜自己怪得邊個

睇返viuTV Facebook勁大班女對住姜糖出晒水
已經知到佢贏咗

TOP

老實, 佢只係個堆人入面相對比較正常既一個, 即使比佢出左道都唔會紅

TOP

呢條友真人態度差到爆
見高就拜 見低就踩 鏡頭前後兩個樣

TOP

回復 13# votes

有冇料爆?

TOP

提示: 作者被禁止或刪除 內容自動屏蔽
簽名被屏蔽

TOP

本帖最後由 b01091018 於 2018-8-19 08:47 編輯

睇圖ok la
瘦瘦地 少少childish 但至少仲似個男人
47. Bring Him Home
week13
1 . Beanies        今晚抹掉你

TOP

overrated.

TOP

佢走韓風都柒過人 十足大陸tfboys 個款 令我見佢一鍋想打一鍋個隻 !
    係D大嬸 姐姐發姣先中意  ...
tributehotel 發表於 2018-8-19 06:15



柒 係因為太瘦 太young
完咗 假設真係有公司簽 就會執過佢個look同叫佢做gym 練大隻 過多幾年個樣成熟D
到時就會女又丁佢 男又丁佢 (因為人係膚淺 大隻 靚仔 有男人味)
初期彭生 謙謙 都係咁樣 練完大隻 幾多人丁

TOP

佢係我中學同學(講真)
之前咪又係一個唔讀書嘅mk

TOP

返回列表