自認最多遲十分鐘 楊千嬅笑回: 我等就唔係時間咩

放空

楊千嬅重返大台拍劇，同「劍雄哥」黃浩然故劍重逢合作《多功能老婆》，套劇日前終於煞科，不過有報道指，同劇嘅陳煒因為千嬅遲大到，等到佢好嬲好嬲。

千嬅咁忙，就係因為同時間接咗電影《麥路人》工作，今日《麥路人》喺灣仔舉行感謝宴，千嬅出席時被問到點睇啲報道，佢話：「其實冇咩回應，因為呢啲報道成日都有，其實就唔真實，不過有啲係事實。」

千嬅隨即解釋，事實係指的確有遲到過，但時間就唔長：「因為拍攝時間長短一定有，我哋度期係留咗好充裕嘅時間，的確拍《多功能老婆》係有三、兩次遲到過，都係十分鐘內，自己做咗呢行，一知道會遲就打俾寶華姐（大台資深編劇），叫佢拍住其他先，就算我或者助手都一定會做。」

分身不暇，連拍《麥路人》千嬅都有遇到突發情況：「拍《麥》就遲過一日，當日要去中環睇尾龍骨，唔醫就行唔到，你知中環有幾塞車啦，但遲幾多就真係唔記得喇，好耐之前嘅事。」佢再笑笑口講：「其實呢啲我都唔明，我等咗啲時間就唔係時間咩。anyway，呢兩套作品拍完好滿意。」

但報道講到陳煒好嬲？千嬅表示唔覺之餘，仲以入行多年經驗提出懷疑：「又唔覺喎，如果真係有咁嘅事點會依家先寫，都成4,5個月前嘅事，呢啲料唔會冇用㗎。」

http://bit.ly/2R4nL9P ）



——————

美千d haters 多到
不過佢講個句我等d 時間就唔係時間咩 又好似inappropriate

John

我覺得千嬅講得好啱
遲到就係唔應該

l00540

說穿了，又是毛記宣傳技倆～

Fred的「愛」狗報導
胡生與牙醫的報導
Hana搶了一姐地位
⋯

nicholashin

我覺得千嬅講得好啱
遲到就係唔應該
John 發表於 2018-9-29 04:42

歌手林奕匡（Phil）到電台受訪，遲了約15分鐘的他一見記者即謂不好意思，因為屋企冇水搞到遲到，他謂：「今朝食完早餐諗住化妝整頭，但點知水龍頭啲水滴出嚟，我就知唔對路，連搽完wax嘅手都洗唔到。好彩屋企有枝水，我就攞嚟刷牙洗面同洗手，但就沖唔到涼同洗頭。（咩事冇水？）唔知，冇notice。（太太有冇影響？）佢仲瞓緊覺。（陣間買啲水返去？）希望陣間有番水，不過我都要今晚先至可以返番屋企。」

happychicken

【陳煒等到躁】自認最多遲十分鐘 楊千嬅笑回：我等就唔係時間咩
https://www.youtube.com/watch?v=Qyr9XheAliM

佢真係百毒不侵

timc524

遲到就唔好咁多籍口啦

Serendipity

千嬅對答真係好勁，呢句「我等咗啲時間就唔係時間咩」好高招，暗示埋其實其他人都會遲到，唔係乜嘢咁特別。其實佢哋呢行遲到都唔係好奇，唔遲太多就得啦，拍一日都要10-20個鐘，15分鐘好小事。

wchild

千嬅遲到可恥

lemontea1069

都2018年, 英皇D雜誌仲要攻擊千千, 都唔化

lblemon

話唔定沐浴巨星唔係指美千遅到, 而係指美千化妝SET頭太耐呢

victor1991415

美千功力深厚，真係好少可講嘢出事。

HOTMAN

歌手林奕匡（Phil）到電台受訪，遲了約15分鐘的他一見記者即謂不好意思，因為屋企冇水搞到遲到，他謂：「今 ...
nicholashin 發表於 2018-9-29 15:35

    守時是社交禮貌，當我們跟別人約好了時間，就不能遲到。甚麼家裡火災、有糞便要排都不是理由，而是藉口，要知道時間是不能用金錢買到的。古語有云：「一寸光陰一寸金，寸金難買寸光陰。」既然與別人約好了時間，就不能夠遲到。因為這是失禮的行為，間接浪費了別人的寳貴時間，這樣是會令人對你的誠信和言行不信任。如果是初次見面或重要約會，極有可能令對方對你產生壞印象呢！除了令別人生氣，還會令他人損失了時間，或錯過了某些重要機會，所以守時是不是很重要呢？